完整藏文原文 · 德格版页 当前仅加载第 53 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཅིག་མེད་པ་དང་ནི་འཐུན་ནོ། །རིགས་ཀྱི་བུ་ཁྱོད་སྨྲ་བ་ལྟར་བ་ལང་ལ་རྟ་མེད་མོད་ཀྱི། བ་ལང་ཡང་མེད་ཅེས་བྱར་མི་རུང་ངོ་། །རྟ་ལ་བ་ལང་མེད་མོད་ཀྱི། རྟ་ཡང་མེད་ཅེས་བྱར་མི་རུང་སྟེ། མྱ་ངན་ལས་འདའ་བ་ཡང་དེ་དང་འདྲ་སྟེ། ཉོན་མོངས་པ་ལ་མྱ་ངན་ལས་འདའ་བ་
D119.053.0280b01.01མེད། མྱ་ངན་ལས་འདའ་བ་ལ་ཉོན་མོངས་པ་མེད་དེ། དེ་བས་ན་གཅིག་ལ་གཅིག་མེད་པ་ཞེས་བྱའོ། །བ་སི་ཏས་ཡང་གསོལ་པ། གཽ་ཏ་མ་གལ་ཏེ་གཅིག་ལ་གཅིག་མ་མཆིས་པ་ལ་མྱ་ངན་ལས་འདའ་བ་ཞེས་བགྱི་ན་ནི་གཅིག་ལ་གཅིག་མ་མཆིས་པ་ལ་ནི་རྟག་པ་དང་། བདེ་
D119.053.0280b02.01བ་དང་། བདག་དང་། ཡོངས་སུ་དག་པ་མ་མཆིས་ན། གཽ་ཏ་མས་ཅིའི་སླད་དུ་མྱ་ངན་ལས་འདའ་བ་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་མཆིས་ཞེས་གསུངས་བཅོམ་ལྡན་འདས་ཀྱིས་བཀའ་སྩལ་པ། ཁྱོད་སྨྲ་བ་ལྟར་གཅིག་ལ་གཅིག་མེད་པ་
D119.053.0280b03.01ནི་མེད་པ་རྣམ་གསུམ་སྟེ། བ་ལང་དང་། རྟ་ནི་སྔ་ན་མེད་ལ་ཕྱིས་ཡོད་པས་ན་སྔོན་མེད་པ་ཞེས་བྱའོ། །ཡོད་ནས་ཀྱང་མེད་པར་འགྱུར་བས་ན་ཞིག་པས་མེད་པ་ཞེས་བྱའོ། །གཅིག་ལ་གཅིག་མེད་པ་མི་ཁྱོད་སྨྲ་བ་བཞིན་ཏེ། རིགས་ཀྱི་བུ་མེད་པ་རྣམ་པ་གསུམ་པོ་ནི་མྱ་ངན་ལས་
D119.053.0280b04.01འདས་པར་བྱེད་དོ། །དེ་བས་ན་མྱ་ངན་ལས་འདའ་བ་ནི་རྟག་པ་དང་། བདེ་བ་དང་། བདག་དང་། ཡོངས་སུ་དག་པའོ། །དཔེར་ན་འཇིག་རྟེན་གྱི་ནད་ནི་གསུམ་སྟེ། མཁྲིས་པ་དང་། རླུང་དང་། བད་ཀན་ནོ། །ནད་རྣམ་པ་གསུམ་ལ་ཡང་སྨན་རྣམ་པ་གསུམ་གྱིས་འཚོ་སྟེ།
D119.053.0280b05.01མཁྲིས་པའི་ནད་ལ་ནི་མར་གྱིས་འཚོའོ། །རླུང་ལ་ནི་འབྲུ་མར་ཕན་ནོ། །བད་ཀན་ལ་ནི་སྦྲང་རྩི་ཕན་ནོ། །དེ་ལྟར་སྨན་རྣམ་པ་གསུམ་ཡང་ནད་རྣམ་པ་གསུམ་ལ་ཕན་ནོ། །རིགས་ཀྱི་བུ་རླུང་གི་ནང་ན་འབྲུ་མར་མེད་ལ། འབྲུ་མར་གྱི་ནང་ན་རླུང་མེད་པ་ནས་སྦྲང་རྩིའི་ནང་ན་བད་
D119.053.0280b06.01ཀན་མེད་ལ། བད་ཀན་གྱི་ནང་ན་སྦྲང་རྩི་མེད་དེ། འོན་ཀྱང་འཚོ་བར་འགྱུར་རོ། །སེམས་ཅན་ཐམས་ཅད་ལ་ཡང་ནད་རྣམ་པ་གསུམ་སྟེ། གང་ཞེ་ན། འདོད་ཆགས་དང་། ཞེ་སྡང་དང་། གཏི་མུག་གོ། །དེ་ལྟར་ནད་རྣམ་པ་གསུམ་པོ་ལ་ཡང་སྨན་རྣམ་པ་གསུམ་
D119.053.0280b07.01