完整藏文原文 · 德格版页 当前仅加载第 53 函德格 327a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་ཏེ། འཕགས་པའི་པུར་སྒྲོམ་ལ་མཆོད་པ་བྱེད་དོ། །གནམ་རིམ་པ་དྲུག་གི་ལྷ་དང་། གཟུགས་ཀྱི་ཁམས་ཀྱི་ལྷ་རྣམས་ཀྱང་བརྒྱ་བྱིན་ལྷའི་དབང་ཕྱུག་དང་འདྲ་བར་པུར་སྒྲོམ་ལ་མཆོད་པ་བྱེད་དོ། །དེའི་ཚེ་བཅོམ་ལྡན་འདས་ཀུན་ལ་ཐུགས་རྗེས་ཁྱབ་པར་མཛད་
D119.053.0327a01.01ཅིང་། འཇིག་རྟེན་དུ་བཅས་པ་ཐམས་ཅད་ཀྱི་མཉམ་པར་བསོད་ནམས་ཁྱད་པར་མེད་པར་མཛད་པའི་ཕྱིར་ཤིང་སཱ་ལའི་ཚལ་ནས། པུར་སྒྲོམ་ཤིང་ཏ་ལ་གཅིག་གི་སྲིད་དུ་སྟེང་གི་ནམ་མཁའ་ལ་འཕགས་ནས་གཤེགས་པར་གྱུར་གྱི། རྩྭ་མཆོག་གི་གྲོང་ཁྱེར་གྱི་མི་ཐམས་ཅད་དང་། འཇིག་
D119.053.0327a02.01རྟེན་དུ་བཅས་པ་ལྷ་དང་། མི་དང་། འཁོར་ཐམས་ཅད་ཀྱིས་ཀྱང་སངས་རྒྱས་ཀྱི་སྒྲོམ་བཏེག་པར་མ་གྱུར་ཏོ། །དེའི་ཚེ་བརྒྱ་བྱིན་ལྷའི་དབང་ཕྱུག་འཁོར་རྣམས་དང་བཅས་ཏེ། རིན་པོ་ཆེ་སྣ་བདུན་གྱི་གདུགས་ཆེན་པོ། རིན་པོ་ཆེའི་ཀ་བ་བཞི་དང་ལྡན་པ་རིན་པོ་ཆེ་སྣ་བདུན་གྱི་དོ་ཤལ་
D119.053.0327a03.01གྱིས་ངོས་བཞི་བརྒྱན་པ། སྟེང་གི་ནམ་མཁའ་ལས་དེ་བཞིན་གཤེགས་པའི་སྒྲོམ་ཁེབས་པར་བྱས་ནས་གྲངས་མེད་པའི་སྤོས་དང་། མེ་ཏོག་དང་། རྒྱལ་མཚན་དང་། བ་དན་དང་། དོ་ཤལ་དང་། ལྷའི་རོལ་མོ་དང་། དར་གྱི་ལྡ་ལྡི་སྣ་ཚོགས་ཀྱིས་ནམ་མཁའ་ལ་མཆོད་པ་བྱས་
D119.053.0327a04.01སོ། །གནམ་རིམ་པ་དྲུག་གི་བར་གྱི་ལྷ་དང་། གཟུགས་ཀྱི་ཁམས་ཀྱི་ལྷ་རྣམས་ཀྱང་མཆོད་པའི་ཡོ་བྱད་བརྒྱ་བྱིན་པས་ལྷག་པར་བཤམས་ནས་དེ་བཞིན་གཤེགས་པའི་པུར་སྒྲོམ་ལ་མཆོད་པ་བྱས་སོ། །དེའི་ཚེ་རྩྭ་མཆོག་གི་གྲོང་ཁྱེར་གྱི་མི་ཐམས་ཅད་ཀྱིས་དེ་བཞིན་གཤེགས་
D119.053.0327a05.01པའི་པུར་སྒྲོམ་སྟེང་གི་ནམ་མཁའ་ལ་འཕགས་པ་མཐོང་ནས་བྲང་བརྡུངས་ཏེ་སྐད་ཆེན་པོ་ཕྱུང་ནས་ངུས་སོ། །དེའི་ཚེ་ལྷ་དང་མི་ཐམས་ཅད་ཀྱིས་དེ་བཞིན་གཤེགས་པའི་པུར་སྒྲོམ་ལ་མཆོད་པ་བྱ་བའི་ཕྱིར་རིན་པོ་ཆེ་སྣ་བདུན་དང་། མུ་ཏིག་དང་། མེ་ཏོག་དང་། སྤོས་དང་།
D119.053.0327a06.01དོ་ཤལ་དང་། དར་གྱི་ལྡ་ལྡི་རྣམ་པ་མང་པོ་སྤྲིན་བཞིན་དུ་ནམ་མཁའི་ཁམས་ཡོངས་སུ་གང་བར་བྱས་ཏེ་ཤིན་ཏུ་ངུས་ནས། དེ་བཞིན་གཤེགས་པའི་རིན་པོ་ཆེ་སྣ་བདུན་གྱི་པུར་སྒྲོམ་ལ་མཆོད་དེ། ཐམས་ཅད་སྐད་འཐུན་པར་ཀྱི་ཧུད་ཀྱི་ཧུད་བདག་ཅག་ལ་བསོད་ནམས་མ་མཆིས་པས་
D119.053.0327a07.01