完整藏文原文 · 德格版页 当前仅加载第 53 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཉིད་གསུམ་པོ་དེ་དག་བསྒོམས་ན། དེའི་རྒྱུ་དེའི་རྐྱེན་གྱིས་མཚན་མ་མེད་པའི་མྱ་ངན་ལས་འདས་པ་ཐོབ་བོ།། །།སེང་གེ་སྒྲས་གསོལ་པ། བཅོམ་ལྡན་འདས་མཚན་ཉིད་བཅུ་མ་མཆིས་པའི་སླད་དུ་ཡོངས་སུ་མྱ་ངན་ལས་འདས་པ་ཆེན་པོ་ལ་མཚན་ཉིད་མ་མཆིས་
D119.053.0153a01.01པ་ཞེས་བགྱི་ན་ཡང་དེའི་རྐྱེན་གྱིས་མ་སྐྱེས་པ་དང་། མ་བྱུང་བ་དང་། འདུས་མ་བྱས་པ་དང་། རྟེན་དང་། གླིང་དང་། མགོན་དང་། སྐྱབས་དང་། རབ་ཏུ་བདེ་བ་དང་། འགོག་པ་དང་། མྱ་ངན་ལས་འདས་པ་དང་། ཞི་བ་དང་། ནད་ཀྱི་སྡུག་བསྔལ་རྣམས་མ་མཆིས་པ་དང་།
D119.053.0153a02.01སྲིད་པ་མ་མཆིས་པ་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་རྒྱུ་དང་རྐྱེན་མེད་པའི་ཕྱིར་མ་སྐྱེས་པ་ཞེས་བྱ། མ་སྐྱེས་པའི་ཕྱིར་མ་བྱུང་བ་ཞེས་བྱ། ལས་བྱས་པ་གང་ཡང་མེད་པའི་ཕྱིར་འདུས་མ་བྱས་པ་ཞེས་ཀྱང་བྱ། ལྟ་བ་ལྔ་ལ་མི་འཇུག་པའི་ཕྱིར་གནས་དང་
D119.053.0153a03.01རྟེན་ཞེས་བྱ། འདོད་པ་བཞི་དང་བྲལ་བའི་ཕྱིར་གླིང་ཞེས་བྱ། སེམས་ཅན་གདུལ་བའི་ཕྱིར་མགོན་དང་སྐྱབས་ཞེས་བྱ་ཉོན་མོངས་པའི་དགྲ་བཅོམ་པའི་ཕྱིར་བདེ་བ་ཞེས་བྱ། ཉོན་མོངས་པའི་མེ་འགགས་པའི་ཕྱིར་འགོག་པ་ཞེས་བྱ། རྣམ་པར་རྟོག་པ་དང་བྲལ་བའི་ཕྱིར་མྱ་ངན་ལས་འདས་
D119.053.0153a04.01པ་ཞེས་བྱ། འདུ་འཛི་སྤངས་པའི་ཕྱིར་ཞི་བ་ཞེས་བྱ། འཆི་བ་ཡོངས་སུ་བཅད་པའི་ཕྱིར་ནད་མེད་པ་ཞེས་བྱ། ཐམས་ཅད་མེད་པའི་ཕྱིར་སྲིད་པ་མེད་པ་ཞེས་བྱའོ། །རིགས་ཀྱི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་གང་དེ་ལྟར་རྟོག་པ་ན་སངས་རྒྱས་ཀྱི་རང་བཞིན་གསལ་
D119.053.0153a05.01བར་མཐོང་བར་འགྱུར་རོ། །སེང་གེ་སྒྲས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་དུ་དང་ལྡན་ན་དེ་ལྟར་མཚན་མ་མེད་པའི་མྱ་ངན་ལས་འདས་པ་ནས། སྲིད་པ་མེད་པའི་བར་མཐོང་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་
D119.053.0153a06.01བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཅུ་དང་ལྡན་ན་མཚན་མ་མེད་པའི་མྱ་ངན་ལས་འདས་པ་ནས་སྲིད་པ་མེད་པའི་བར་དུ་མཐོང་བར་འགྱུར་རོ། །བཅུ་གང་ཞེ་ན། དད་པའི་སེམས་དང་ལྡན་པ་ཡིན། ཇི་ལྟར་ན་དད་པའི་སེམས་དང་ལྡན་པ་ཡིན་ཞེ་ན། སངས་རྒྱས་
D119.053.0153a07.01