完整藏文原文 · 德格版页 当前仅加载第 53 函德格 329b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རས་དཀར་པོ་སླེབ་མོས་དེ་བཞིན་གཤེགས་པའི་སྐུ་བཏེག་ནས་རིན་པོ་ཆེའི་སྒྲོམ་གྱི་ནང་དུ་བཅུག་སྟེ། མར་བསུང་ཅན་གྱིས་བཀང་ནས་སྒྲོམ་གྱི་ཁ་བཅད་དོ། །དེ་ནས་འཁོར་མང་པོ་རྣམས་ཤིན་ཏུ་ངུ་བའི་སྒྲ་འཇིག་རྟེན་གྱི་ཁམས་ཀུན་དུ་གྲགས་པར་གྱུར་ཏེ། གཞན་ཡང་མེ་ཏོག་དང་། སྤོས་དང་། བ་
D119.053.0329b01.01དན་དང་། གདུགས་དང་། རོལ་མོ་ལ་སོགས་པས་རིན་པོ་ཆེའི་སྒྲོམ་ལ་མཆོད་ནས་ངུས་སོ། །དེ་ནས་འཁོར་མང་པོ་ཐམས་ཅད་ཀྱིས་བསགས་པའི་སྤོས་ཀྱི་ཤིང་དྲི་བསུང་ཤིན་ཏུ་མདད་པ་རི་རབ་ལྷུན་པོ་ཙམ་བརྩིགས་ཏེ་བཅེར་བ་སྤོས་ཀྱི་ཁང་པ་བརྩེགས་མ་ལྟ་བུར་གྱུར་ནས་ངོས་བཞི་རིན་པོ་ཆེ་སྣ་བདུན་
D119.053.0329b02.01གྱིས་བརྒྱན་ཅིང་གདུགས་དང་། རྒྱལ་མཚན་དང་། བ་དན་དང་། སྤོས་དང་། མེ་ཏོག་དང་། དོ་ཤལ་དང་། དར་གྱི་ལྡ་ལྡི་སྤྲིན་ལྟ་བུར་ནམ་མཁའི་ཁམས་ཡོངས་སུ་གང་བ་ཙམ་གྱིས་བརྒྱན་ནས་ལྷའི་རོལ་མོའི་མཆོད་པ་བྱས་སོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། །
D119.053.0329b03.01བམ་པོ་ལྔ་བཅུ་དྲུག་པ་སྟེ་ཐ་མ། དེ་ནས་ལྷ་དང་། མི་དང་། འཁོར་རྣམས་ཀྱིས་པུར་སྒྲོམ་བཏེག་སྟེ། སྤོས་ཀྱི་ཁང་པ་བརྩེགས་མའི་སྟེང་དུ་བཞག་པ་ན་ཤིན་ཏུ་སྐད་ཆེན་པོ་ཕྱུང་སྟེ་བྲང་བརྡུངས་ནས་ངུས་པའི་སྒྲ་ཆེན་པོས་སྟོང་ཆེན་པོའི་འཇིག་རྟེན་གྱི་ཁམས་སུ་གྲགས་ཤིང་གཡོས་པར་གྱུར་ཏེ། གཞན་
D119.053.0329b04.01ཡང་རིན་པོ་ཆེའི་རྒྱལ་མཚན་དང་། གདུགས་དང་། སྤོས་དང་། མེ་ཏོག་དང་། ལྷའི་རོལ་མོས་མཆོད་ནས་ངུས་སོ། །དེ་ནས་བསྟི་སྟང་བྱ་བའི་ཕྱིར་སོ་སོ་ནས་རས་དཀར་པོའི་སླེབ་མོས་དེ་བཞིན་གཤེགས་པའི་པུར་སྒྲོམ་བཏེག་སྟེ། ཤིན་ཏུ་བརྒྱན་པའི་སྤོས་ཀྱི་ཤིང་གི་སྟེང་དུ་བཞག་ནས་ཆོ་ངེས་
D119.053.0329b05.01འདོན་ཞིང་བརྒྱལ་ཏོ། །དེ་ནས་ཕྱིར་སངས་ནས་འདི་སྐད་དུ་ཀྱི་ཧུད་ཀྱི་ཧུད་འཇིག་རྟེན་ན་མགོན་དང་སྐྱབས་མེད་པར་གྱུར་ཏོ་ཞེས་སྨྲས་ནས་མཆི་མ་བླགས་ཏེ། མེ་ཏོག་དང་། སྤོས་དང་། རིན་པོ་ཆེའི་རྒྱལ་མཚན་དང་། བ་དན་དང་། གདུགས་དང་། ལྷའི་རོལ་མོས་མཆོད་པ་བྱས་སོ། །དེ་ནས་དེ་བཞིན་
D119.053.0329b06.01གཤེགས་པའི་པུར་སྒྲོམ་སྤོས་ཀྱི་ཤིང་གི་སྟེང་དུ་བཞག་སྟེ། མེ་གཏོང་བ་ན་འཁོར་མང་པོ་ཐམས་ཅད་ཤིན་ཏུ་ངུས་ཏེ། སྟོང་ཆེན་པོའི་འཇིག་རྟེན་གྱི་ཁམས་སུ་གྲགས་པར་གྱུར་ཏེ། ངུས་ནས་དེ་བཞིན་གཤེགས་པའི་པུར་སྒྲོམ་དེ་ལ་མཆོད་པ་བྱས་སོ། །དེ་ནས་འཁོར་མང་པོ་རྣམས་ངུས་ནས་རིན་པོ་
D119.053.0329b07.01