完整藏文原文 · 德格版页 当前仅加载第 53 函德格 331a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཡིན་ཏེ། ད་ཡོངས་སུ་མྱ་ངན་ལས་འདས་སོ། །དགེ་སློང་རྣམས་ཀྱིས་དེ་སྐད་ཅེས་ཐོས་ནས་སོ་སོ་ནས་འདི་སྐད་ཅེས་སྨྲས་སོ། །ལེགས་སོ་ལེགས་སོ། །དེ་བཞིན་གཤེགས་པ་འཇིག་རྟེན་ན་བཞུགས་ན་ཚུལ་ཁྲིམས་དམ་པས་
D119.053.0331a01.01བདག་ཅག་མི་བཟོད་དེ། བདག་ཅག་དེ་བཞིན་དུ་སྤྱོད་མི་ནུས་པ་ལས། ད་མྱ་ངན་ལས་འདས་ནས་ཚུལ་ཁྲིམས་བསྡམས་པ་ཡང་ལྷོད་པར་གྱུར་གྱིས་རེ་ཞིག་མ་རིངས་པར་བསོད་སྙོམས་སྡོད་ཅིག་ཅེས་སྨྲས་སོ། །སངས་རྒྱས་ཀྱི་བྱིན་གྱི་རླབས་ཀྱིས་ལྷ་རྣམས་དང་།
D119.053.0331a02.01འོད་སྲུང་གི་འཁོར་རྣམས་རྣ་བ་འགགས་པར་བྱས་པས་དགེ་སློང་སྡིག་ཅན་རྣམས་ཀྱིས་སྨྲས་པའི་ཚིག་ཐོས་པར་མ་གྱུར་གྱི། འོད་སྲུང་འབའ་ཞིག་གིས་ཐོས་སོ། །དེ་ནས་འོད་སྲུང་འཁོར་རྣམས་དང་བཅས་ཏེ་ཤིན་ཏུ་ངུས་ནས་སངས་རྒྱས་ག་ན་བར་མྱུར་བར་སོང་ངོ་། །
D119.053.0331a03.01དེའི་ཚེ་འོད་སྲུང་འཁོར་དང་བཅས་ཏེ་འདི་སྙམ་དུ་བསམས་སོ། །བདག་ཅག་གིས་ཇི་ལྟ་བུར་མཆོད་པའི་ཡོ་བྱད་རྙེད་ཅིང་སངས་རྒྱས་ལ་མཆོད་པར་འགྱུར་སྙམ་བསམས་ནས་འོད་སྲུང་གིས་འདི་སྐད་ཅེས་སྨྲས་སོ། །བདག་ཀྱང་གྲོང་ཁྱེར་འདིར་སྐྱེས་ཏེ། མཆོད་པའི་
D119.053.0331a04.01ཡོ་བྱད་བསླངས་ན་རྙེད་པར་འགྱུར་ཡང་དག་སྙམ་ནས་འཁོར་རྣམས་དང་བཅས་ཏེ་གྲོང་ཁྱེར་དེར་མཐར་གྱིས་བསླངས་སོ། །མཐར་གྱིས་བསླངས་ནས་རས་དཀར་པོ་བཟང་པོ་ཡུག་སྟོང་ཡང་རྙེད། དེ་མ་ཡིན་པ་གཞན་ཡང་ཤིང་བལ་གྲངས་མེད་པ་དང་། ཚད་མེད་
D119.053.0331a05.01པའི་མེ་ཏོག་རིན་པོ་ཆེ་དང་། བྱུག་སྤོས་དང་། སྤོས་ཆུ་དང་། སྤོས་ཀྱི་མར་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་གདུགས་དང་། བ་དན་དང་། རོལ་མོ་དང་། དོ་ཤལ་རྣམ་པ་སྣ་ཚོགས་དང་། དར་གྱི་ལྡ་ལྡི་ལ་སོགས་པ་རྙེད་དོ། །དེ་ནས་འོད་
D119.053.0331a06.01སྲུང་འཁོར་དང་བཅས་ཏེ་མཆོད་པའི་ཡོ་བྱད་ཅི་རྙེད་པ་ཐོགས་ནས་མྱུར་བར་གྲོང་ཁྱེར་གྱི་ནུབ་སྒོར་བྱུང་ནས། འོད་སྲུང་གིས་ཞུགས་ལ་བཞེན་པའི་གནས་ན། འཁོར་མང་པོ་ཐམས་ཅད་ཤིན་ཏུ་ངུ་ཞིང་ཆོ་ངེས་འདེབས་པའི་སྒྲ་ཡང་ཐོས། ཀུན་གྱིས་བརྒྱ་བྱིན་དབང་
D119.053.0331a07.01