完整藏文原文 · 德格版页 当前仅加载第 53 函德格 322a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་དང་། འབྲས་བུ་ཡང་ལྷགས། ཤུན་པ་ཡང་གོགས། ཤིང་ཉིད་ཀྱང་གས་ནས་མཐར་གྱིས་སྐམས་ཏེ་ལྷག་མ་མ་ལུས་པར་ཆག་གོ། །དེའི་ཚེ་ཕྱོགས་བཅུའི་འཇིག་རྟེན་གྱི་ཁམས་གྲངས་མེད་པ་བྱེ་བ་ཁྲག་ཁྲིག་ཀླུང་གང་གཱའི་བྱེ་མ་སྙེད་ཀྱིས་ཆེན་པོ་ཤིན་ཏུ་གཡོས་ནས་སྐད་
D119.053.0322a01.01ཆེན་པོ་རྣམ་པ་སྣ་ཚོགས་བྱུང་བ་ལས། ཀྱི་ཧུད་ཀྱི་ཧུད་འཇིག་རྟེན་སྟོངས་སོ་ཞེས་མི་རྟག་པ་དང་། སྡུག་བསྔལ་བ་དང་། སྨྲེ་སྔགས་འདོན་པའི་སྒྲ་བྱུང་ངོ་། །དེའི་ཚེ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རི་བཏང་བཟུང་དང་། རི་བཏང་བཟུང་ཆེན་པོ་དང་། རི་ཁོ་ར་ཁོར་ཡུག་དང་། རི་ཁོ་ར་
D119.053.0322a02.01ཁོར་ཡུག་ཆེན་པོ་དང་། རི་རབ་ལྷུན་པོ་དང་། རི་བསུང་ཅན་དང་། རིན་པོ་ཆེའི་རི་དང་། རྡོ་རྗེའི་རི་དང་། རི་ནག་པོ་དང་། ས་ཆེན་པོ་ལ་གནས་པའི་རི་ཐམས་ཅད་དུས་གཅིག་ཏུ་སྒྲ་བྱུང་ནས་ཐམས་ཅད་རྡིབ་སྟེ། སྐད་ཆེན་པོ་འཇིག་རྟེན་གྱི་ཁམས་སུ་གྲགས་པ་ལས་ཀྱི་ཧུད་ཀྱི་ཧུད་ནང་གཅིག་ཏུ་འཇིག་
D119.053.0322a03.01རྟེན་ལ་མགོན་མེད་པར་གྱུར་ཏེ། ཤེས་རབ་ཀྱི་ཉི་མ་ནུབ་ནས་མྱ་ངན་ལས་འདས་པ་ཆེན་པོའི་རི་འགྱེལ་ཏོ། །སེམས་ཅན་ཐམས་ཅད་ཀྱི་བྱམས་པའི་ཡབ་ཡང་དག་པར་འདས་ཏེ། མཆོད་པ་བྱ་བའི་ལྷ་ཡང་མི་མཐོང་བར་གྱུར་ཏོ་ཞེས་གྲགས་སོ། །དེའི་ཚེ་ཕྱོགས་བཅུའི་འཇིག་རྟེན་གྱི་ཁམས་
D119.053.0322a04.01ཐམས་ཅད་ཀྱི་རྒྱ་མཚོ་ཆེན་པོ་ཡང་འཁྲུག་ཅིང་ཁོལ་ཏེ་རྙོག་པར་གྱུར་ནས་དབའ་རླབས་དྲག་པོ་ལས་སྐད་རྣམ་པ་སྣ་ཚོགས་གྲགས་པ་ནི་ཀྱི་ཧུད་ཀྱི་ཧུད་ཡང་དག་པར་རྫོགས་པའི་སངས་རྒྱས་འདས་ནས་སེམས་ཅན་གྱི་ཁ་ན་མ་ཐོ་བའི་སྡིག་པ་དང་སྡུག་བསྔལ་ནི་སྲིད་པའི་གང་ཆེན་མཚོར་འཁོར་ཞིང་
D119.053.0322a05.01འབབ་པར་གྱུར་ཏེ། ཡང་དག་པའི་ལམ་སྟོར་ན། ནམ་ཞིག་རྣམ་པར་གྲོལ་བར་འགྱུར་ཞེས་གྲགས་པར་གྱུར་ཏོ། །དེའི་ཚེ་གཙང་པོ་དང་། ཆུ་བོ་དང་། འབབ་ཆུ་དང་། ལུང་པ་དང་། ལུང་ཕྲན་གྱི་ཆུ་དང་། ཆུ་མིག་དང་། རྫིང་བུ་དང་། ལྟེང་ཀ་དང་། ཁྲོན་པ་ཐམས་ཅད་ཀྱང་འབོ་ཞིང་ཆུ་སྐམས་
D119.053.0322a06.01པར་གྱུར་ཏོ། །དེའི་ཚེ་ཕྱོགས་བཅུའི་འཇིག་རྟེན་གྱི་ཁམས་ཀྱི་ས་ཆེན་པོ་དང་། ནམ་མཁའི་ཁམས་ཀྱང་མུན་པ་ཆེན་པོར་གྱུར་ཏེ། ཉི་ཟླའི་འོད་ཀྱང་མི་སྣང་ཞིང་འཇིག་རྟེན་གྱི་ཁམས་ཐམས་ཅད་མུན་པར་གྱུར་ཏོ། །དེ་མ་ཐག་ཏུ་རླུང་ནག་པོ་གཡོས་ནས་སྐད་ཆེན་པོ་ཕྱུང་སྟེ། རྡུལ་དང་བྱེ་མས་འཚུབས་
D119.053.0322a07.01