完整藏文原文 · 德格版页 当前仅加载第 53 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
པོས་བདག་ལ་བསྟན་དུ་གསོལ། བདག་གིས་ཇི་ལྟ་བགྱིས་ན་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ཐོབ་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འཇིག་རྟེན་དུ་བཅས་པ་ཐམས་ཅད་ནི་ཐོག་མ་མེད་པ་ནས་
D119.053.0288a01.01ང་རྒྱལ་ཆེན་པོ་དང་བཅས་ཏེ། ང་རྒྱལ་ཆེན་པོ་བསྐྱེད་པའི་ཕྱིར་ང་རྒྱལ་གྱི་རྒྱུར་འགྱུར་བ་དང་ང་རྒྱལ་གྱིས་ལས་སུ་འགྱུར་བ་བྱེད་དོ། །དེ་བས་ན་ང་རྒྱལ་གྱི་འབྲས་བུ་མངོན་པར་སྨིན་ཏེ། ཉོན་མོངས་པ་ཐམས་ཅད་ཡོངས་སུ་མ་སྤངས་པས་རྟག་པ་དང་། བདེ་བ་དང་། བདག་དང་། ཡོངས་སུ་
D119.053.0288a02.01དག་པ་མ་ཐོབ་བོ། །གལ་ཏེ་སོ་སོའི་སྐྱེ་བོ་དག་ཉོན་མོངས་པ་ཐམས་ཅད་ཡོངས་སུ་སྤོང་བར་འདོད་ན། ང་རྒྱལ་ཡོངས་སུ་སྤང་བར་བྱའོ། །ས་ནིས་གསོལ་པ། བཅོམ་ལྡན་འདས་དེ་དེ་བཞིན་ཏེ། དེ་དེ་བཞིན་ནོ། །འཕགས་པའི་བཀའ་བཞིན་ཏེ་བདག་ལ་ང་རྒྱལ་མཆིས་པས་ང་རྒྱལ་གྱི་དབང་
D119.053.0288a03.01གིས་དེ་བཞིན་གཤེགས་པ་ཞེས་མ་སྨོས་ཏེ་གཽ་ཏ་མ་ཞེས་སྨྲས་ནས་ང་མ་ཁྱོད་ཀྱང་སྨྲས་སོ། །ད་ནི་བདག་གིས་ང་རྒྱལ་ཆེན་པོ་ཡོངས་སུ་སྤངས་ཏེ་དེ་བས་ན་ཡང་དག་པའི་སེམས་ཀྱིས་ཆོས་འཚལ་ན་ཇི་ལྟར་རྟག་པ་དང་བདེ་བ་དང་བདག་དང་། ཡོངས་སུ་དག་པ་ཐོབ་པར་འགྱུར། བཅོམ་ལྡན་འདས་ཀྱིས་
D119.053.0288a04.01བཀའ་སྩལ་པ། རིགས་ཀྱི་བུ་ཤིན་ཏུ་བརྟགས་པར་ཉོན་ལ་ལེགས་པར་ཡིད་ལ་བྱོས་ཤིག་དང་། ཁྱོད་ལ་རྣམ་པར་བཀྲོལ་ཏེ་བཤད་པར་བྱའོ། །རིགས་ཀྱི་བུ་གལ་ཏེ་བདག་ཀྱང་མ་ཡིན། གཞན་ཡང་མ་ཡིན། སེམས་ཅན་ཡང་མ་ཡིན་ན། ཆོས་དེ་དག་ཡོངས་སུ་སྤོང་བར་འགྱུར་རོ། །ས་
D119.053.0288a05.01ནིས་གསོལ་པ། བཅོམ་ལྡན་འདས་བདག་གིས་ནི་རྟོགས་ཏེ། ཡང་དག་པའི་ཆོས་ཀྱི་མིག་ཀྱང་ཐོབ་བོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟ་བུར་ཤེས་ཤིང་རྟོགས་ན་ཡང་དག་པའི་ཆོས་ཀྱི་མིག་ཐོབ་བོ་ཞེས་སྨྲ། གསོལ་པ། བཅོམ་ལྡན་འདས་གཟུགས་
D119.053.0288a06.01ཞེས་བགྱི་བ་གཞན་མ་ལགས། བདག་མ་ལགས། སེམས་ཅན་མ་ལགས་པ་ནས་རྣམ་པར་ཤེས་པའི་བར་དུ་དེ་ལྟར་རྟོགས་པས་ཡང་དག་པའི་ཆོས་ཀྱི་མིག་ཐོབ་བོ། །བཅོམ་ལྡན་འདས་བདག་ནི་རབ་ཏུ་འབྱུང་ཞིང་ལམ་ལ་ནན་ཏན་བྱེད་པར་མོས་ན་གནང་བར་མཛད་དུ་གསོལ། བཅོམ་ལྡན་འདས་
D119.053.0288a07.01