完整藏文原文 · 德格版页 当前仅加载第 53 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུ་དང་རྐྱེན་མ་ཡིན་ལ། གཉིས་ཀ་རྒྱུ་དང་རྐྱེན་ཡིན་པར་འདྲ་ན། ཅིའི་ཕྱིར་མེའི་ནང་དུ་མི་འགྲོ། བེའུ་འབྲངས་མ་ཐག་ཏུ་རང་བཞིན་གྱིས་ནུ་བ་རྒྱུ་དང་རྐྱེན་མ་ཡིན། གཉིས་ཀ་རྒྱུ་དང་རྐྱེན་མ་ཡིན་པར་འདྲ་བས་ཅིའི་ཕྱིར་རྭ་ལ་མི་ནུ། རིགས་ཀྱི་བུ་ཇི་སྟེ་ཆོས་
D119.053.0296a01.01ཐམས་ཅད་ལ་རང་བཞིན་ཡོད་དེ། བསྟན་ཅིང་བསླབས་ཀྱང་སྐྱེད་སྤོགས་མེད་དོ་ཞེས་སྨྲ་ན་ཡོད་དུ་མི་རུང་ངོ་། །དེ་ཅིའི་ཕྱིར་ཞེ་ན། ད་ལྟར་བསྟན་ཅིང་བསླབ་པ་ལས་སྐྱེད་སྤོགས་ཡོད་པར་སྣང་སྟེ། དེ་བས་ན་རང་བཞིན་ཞེས་བྱ་བ་མེད་པར་རིག་པར་བྱའོ། །རིགས་ཀྱི་བུ་ཇི་སྟེ་
D119.053.0296a02.01ཆོས་ཐམས་ཅད་ལ་རང་བཞིན་ཞེས་བྱ་བ་ཡོད་ན་བྲམ་ཟེ་ཐམས་ཅད་ལུས་ཀྱི་ལས་ཡང་དག་པར་བྱ་བའི་ཕྱིར་ལུག་བསད་དེ་ལྷ་རྗེད་པའི་མི་རིགས་སོ། །ཇི་སྟེ་རྗེད་པས་དག་པར་གྱུར་ན་རང་བཞིན་ཡང་མེད་པར་རིག་པར་བྱའོ། །རིགས་ཀྱི་བུ་འཇིག་རྟེན་གྱི་སྨྲ་བའི་ཆོས་ལ་རྣམ་པ་གསུམ་སྟེ། བྱ་
D119.053.0296a03.01བ་དང་བྱེད་པ་དང་བྱས་པའོ། །ཇི་སྟེ་ཆོས་ཐམས་ཅད་ལ་རང་བཞིན་ཡོད་ན་ཅིའི་ཕྱིར་འཇིག་རྟེན་ན་རྣམ་པ་གསུམ་དུ་བཏགས་པར་གྱུར། རྣམ་པ་གསུམ་དུ་བཏགས་པ་ལས་ན་ཐམས་ཅད་ལ་རང་བཞིན་མེད་པར་མངོན་ནོ། །རིགས་ཀྱི་བུ་ཇི་སྟེ་ཆོས་ཐམས་ཅད་ལ་རང་བཞིན་ཡོད་ན་ཆོས་
D119.053.0296a04.01ཐམས་ཅད་ལ་སོ་སོར་ངེས་པའི་རང་བཞིན་ཡོད་པར་འགྱུར་རོ། །ཇི་སྟེ་གཅིག་ཏུ་ཆད་པའི་ངེས་པའི་རང་བཞིན་ཡོད་ན་བུ་རམ་གྱི་ཤིང་ལས་ཅིའི་ཕྱིར་སྐོམ་དང་། ཤ་ཁ་ར་དང་། བུ་རམ་དང་། ཆང་དང་། ཁ་བའི་ཆང་དུ་འགྱུར། ཇི་སྟེ་རང་བཞིན་གཅིག་ན། ཅིའི་ཕྱིར་དངོས་པོ་དེ་དག་
D119.053.0296a05.01བྱུང་བར་གྱུར། ཇི་སྟེ་དངོས་པོ་གཅིག་པོ་ལས་དེ་ལྟ་བུ་དག་བྱུང་ན། ཆོས་ཐམས་ཅད་ལ་རང་བཞིན་གཅིག་ཏུ་ངེས་ཏེ་སོ་སོའི་རང་བཞིན་གཅིག་ཏུ་མི་རུང་བར་རིག་པར་བྱའོ། །རིགས་ཀྱི་བུ་ཇི་སྟེ་ཆོས་ཐམས་ཅད་རང་བཞིན་གཅིག་ཏུ་ངེས་ན། ཅིའི་ཕྱིར་འཕགས་པ་དག་བུ་རམ་
D119.053.0296a06.01ཤིང་གི་སྐོམ་དང་ཤ་ཁ་ར་དང་བུ་རམ་གྱི་ཚེ་བཏུང་དུ་རུང་ལ། ཆང་གི་ཚེ་བཏུང་དུ་མི་རུང་ཞིང་ཕྱིར་ཡང་ཁ་བའི་ཆང་དུ་གྱུར་པ་ན་བཏུང་དུ་རུང་། དེ་བས་ན་ངེས་པའི་རང་བཞིན་མེད་པར་རིག་པར་བྱའོ། །ཇི་སྟེ་ངེས་པའི་རང་བཞིན་མེད་ན་རྒྱུ་དང་རྐྱེན་ལས་མ་གྱུར་ཅེས་བྱར་ག་ལ་རུང་།
D119.053.0296a07.01