完整藏文原文 · 德格版页 当前仅加载第 53 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་དོ་ཞེས་སྨྲ་ཞིང་ཅིའི་ཕྱིར་ཡོད་དམ་མེད་ཅེས་ཐེ་ཙོམ་དུ་གྱུར། རིགས་ཀྱི་བུ་ཁྱོད་ཀྱི་ཡིད་ལ་མིག་གི་ཕ་རོལ་ན་མཐོང་བ་ཡོད་དོ་སྙམ་སྨྲ་ན་ཡང་མི་རུང་ངོ་། །དེ་ཅིའི་ཕྱིར་ཞེ་ན། གལ་ཏེ་མིག་གི་ཕ་རོལ་ན་མཐོང་བ་གཞན་ཞིག་ཡོད་ན་མིག་འདི་ཡང་དགོས་པ་མེད་པར་འགྱུར་ཏེ། །
D119.053.0285b01.01ལུས་ཀྱི་དབང་པོའི་བར་དུ་དེ་དང་འདྲ་བར་འགྱུར་ཏེ། ཅི་ཁྱོད་ཀྱི་ཡིད་ལ་བདག་ཅེས་བྱ་བས་མཐོང་ཡང་མིག་གི་རྐྱེན་གྱིས་མཐོང་ངོ་ཞེས་བྱ་བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། དཔེར་ན་མི་ཞིག་མེ་ཏོག་སུ་མ་ནས་གྲོང་ཁྱེར་ཆེན་པོ་ཚིག་གོ། །ཇི་ལྟར་ཚིག་ཅེ་ན། མེའི་རྐྱེན་གྱིས་ཚིག་གོ་
D119.053.0285b02.01ཞེས་སྨྲ་བ་ལྟར། ཁྱོད་ཀྱི་བདག་ཅེས་བྱ་བས་མཐོང་ངོ་ཞེས་སྨྲ་བ་ཡང་དེ་དང་འདྲའོ། །ས་ནིས་གསོལ་པ། གཽ་ཏ་མ་དཔེར་ན་ཟོར་བ་ཐོགས་ཏེ་རྩྭ་རྔ་བ་དང་འདྲ་བ་སྟེ། བདག་ཀྱང་དབང་པོ་ལྔའི་རྐྱེན་གྱིས་མཐོང་བ་དང་ཐོས་པ་དང་། རེག་པའི་བར་དུའོ། །རིགས་ཀྱི་བུ་ཟོར་བ་དང་མི་སོ་སོ་བས་དེ་
D119.053.0285b03.01ཅིའི་ཕྱིར་ཟོར་བ་ཐོགས་ནས་བྱེད་པ་ཡོད་དོ། །དབང་པོའི་ཕ་རོལ་ན་བདག་ཅེས་བྱ་བ་གཞན་མེད་ན། ཅིའི་ཕྱིར་བདག་ཅེས་བྱ་བ་དབང་པོའི་རྐྱེན་གྱིས་བྱ་བ་ཡོད་དོ་ཞེས་སྨྲ། རིགས་ཀྱི་བུ་ཅི་ཁྱོད་ཀྱི་ཡིད་ལ་ཟོར་བ་ཐོགས་ནས་རྔ་བར་འགྱུར་ཏེ། བདག་ཅེས་བྱ་བ་ཡང་དེ་དང་འདྲའོ་ཞེ་ན། བདག་ཅེས་
D119.053.0285b04.01བྱ་བ་ལ་ལག་པ་ཡོད་དམ། འོན་ཏེ་ལག་པ་མེད་པ་ཡིན། ཇི་སྟེ་ལག་པ་ཡོད་ན་ཅིའི་ཕྱིར་བདག་གིས་ཟོར་བ་མི་ཐོགས། ཇི་སྟེ་ལག་པ་མེད་ན་ཅིའི་ཕྱིར་བདག་ཅེས་བྱ་བ་བྱེད་པ་པོ་ཡིན་ནོ་ཞེས་སྨྲ། རིགས་ཀྱི་བུ་རྩྭ་རྔ་བ་ནི་ཟོར་བ་ཡིན་ཏེ། བདག་མ་ཡིན། མི་མ་ཡིན་ནོ། །ཇི་སྟེ་བདག་དང་མི་
D119.053.0285b05.01མ་ཡིན་ན། ཟོར་བ་ཡང་མི་དགོས་པར་འགྱུར་རོ། །རིགས་ཀྱི་བུ་མི་ལ་ལས་རྣམ་པ་གཉིས་ཏེ། རྩྭ་ཐོགས་པ་དང་། ཟོར་བ་ཐོགས་པའོ། །ཟོར་བ་ཐོགས་པ་ནི་གཅོད་པའི་ལས་འབའ་ཞིག་བྱེད་དེ། སེམས་ཅན་གྱིས་ཆོས་མཐོང་བ་ཡང་དེ་དང་འདྲ་སྟེ། མིག་གིས་གཟུགས་མཐོང་བ་ཡང་
D119.053.0285b06.01འདུས་ཤིང་ཚོགས་པ་ལས་འབྱུང་ངོ་། །ཇི་སྟེ་རྒྱུ་དང་རྐྱེན་འདུས་པ་ལས་མཐོང་ན་མཁས་པ་ཤེས་རབ་ཅན་གྱིས་བདག་ཡོད་ཅེས་ཅིའི་ཕྱིར་སྨྲ། རིགས་ཀྱི་བུ་ཅི་ཁྱོད་ཀྱི་ཡིད་ལ་ལུས་ཀྱིས་བྱས་ནས་བདག་ཅེས་བྱ་བས་མྱོང་བར་འགྱུར་རོ་སྙམ་སེམས་ན་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། འཇིག་
D119.053.0285b07.01