完整藏文原文 · 德格版页 当前仅加载第 53 函德格 315b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཨ་ག་རུ་དང་། ཤིང་བསུང་ཅན་ཐམས་ཅད་དང་བཅས་སུ་རིན་པོ་ཆེ་སྣ་བདུན་གྱི་ཤིང་རྟའི་སྟེང་དུ་ཞོག་ལ། རིན་པོ་ཆེ་ཐམས་ཅད་ཀྱིས་བརྒྱན་ཏེ་སྲེག་པའི་གནས་སུ་དྲོངས་ཤིག །རིན་པོ་ཆེའི་རྒྱལ་མཚན་གྲངས་མེད་པ་དང་། རིན་པོ་ཆེའི་གདུགས་གྲངས་མེད་པ་དང་། རིན་པོ་ཆེའི་གོས་གྲངས་མེད་
D119.053.0315b01.01པ་དང་། གྲངས་མེད་པའི་ལྷའི་རོལ་མོ་དང་། གྲངས་མེད་པའི་མེ་ཏོག་དང་སྤོས་ཀྱིས་ནམ་མཁའ་ཡང་གང་བ་ཙམ་དུ་མཆོད་པ་གྱིས་ལ་ངུས་ཤིག །ལྷ་དང་མི་དང་། འཁོར་ཐམས་ཅད་ཀྱིས་སྤོས་ཀྱི་ཤིང་ཙན་དན་དང་། ཨ་ཀ་རུ་དང་། མར་བསུང་ཅན་གྱིས་ང་སྲེགས་ལ་ངུས་ཤིག །དེ་ལྟར་བསྲེགས་ནས་ལྷ་
D119.053.0315b02.01དང་མི་དང་། འཁོར་རྣམ་བཞིས་རིང་བསྲེལ་བསྡུས་ལ། རིན་པོ་ཆེ་སྣ་བདུན་གྱི་བུམ་པར་བཅུག་སྟེ། གྲོང་ཁྱེར་ཆེན་པོའི་ལམ་གྱི་བཞི་མདོར་རིན་པོ་ཆེ་སྣ་བདུན་གྱི་མཆོད་རྟེན་བྱས་ལ། རིང་བསྲེལ་མཆོད་ན་སེམས་ཅན་དག་བསོད་ནམས་ཆེན་པོ་ཐོབ་ཅིང་། སྲིད་པ་གསུམ་གྱི་སྡུག་བསྔལ་སྤངས་ནས་མྱ་
D119.053.0315b03.01ངན་ལས་འདའ་བའི་བདེ་བ་ཐོབ་པར་འགྱུར་རོ། །དགའ་བོ་འཁོར་རྣམ་པ་བཞི་པོས། སངས་རྒྱས་ཀྱི་སྐུ་གདུང་གི་རིན་པོ་ཆེ་སྣ་བདུན་གྱི་མཆོད་རྟེན་བྱས་ནས། གཞན་ཡང་མཆོད་རྟེན་གསུམ་བྱའོ། །གང་ཞེ་ན་འདི་ལྟ་སྟེ། རང་སངས་རྒྱས་ཀྱི་མཆོད་རྟེན་དང་། དགྲ་བཅོམ་པའི་མཆོད་རྟེན་དང་། འཁོར་ལོས་
D119.053.0315b04.01སྒྱུར་བའི་རྒྱལ་པོའི་མཆོད་རྟེན་ཏེ། འཇིག་རྟེན་དུ་བཅས་པས་སྐྱབས་སུ་འགྲོ་བའི་གནས་ཤེས་པར་བྱ་བའི་ཕྱིར་རོ། །དགའ་བོས་གསོལ་པ། བཅོམ་ལྡན་འདས་དེ་བཞིན་གཤེགས་པ་འཇིག་རྟེན་དུ་གཤེགས་པ་ནི་སེམས་ཅན་ལ་ཐུགས་བརྩེ་བའི་སླད་དུ་སྟོབས་བཅུ་དང་། ཐུགས་རྗེ་ཆེན་པོ་དང་། མི་
D119.053.0315b05.01བསྙེངས་པ་བཞི་དང་། རྟེན་ཅིང་འབྲེལ་ཏེ་འབྱུང་བ་བཅུ་གཉིས་དང་། བདེན་པ་བཞི་དང་། རྣམ་པར་ཐར་པའི་སྒོ་གསུམ་དང་། ཚངས་པའི་དབྱངས་རྣམ་པ་བརྒྱད་ཀྱིས་ཁམས་གསུམ་དུ་བསྒྲགས་པ་དང་། ཁ་དོག་རྣམ་པ་ལྔ་དང་ལྡན་པའི་བྱམས་པའི་འོད་ཀྱིས་ལམ་རྒྱུད་དྲུག་སྣང་བར་མཛད་ནས་སེམས་
D119.053.0315b06.01ཅན་གྱི་བསམ་པ་བཞིན་དུ། ལ་ལ་ནི་འབྲས་བུ་བཞི་དང་། ཐེག་པ་གཉིས་ལ་སྤྱོད་པར་གྱུར། ལ་ལ་ནི་ཟག་པ་མེད་པ་འདུས་མ་བྱས་པའི་རང་སངས་རྒྱས་ཀྱི་བྱང་ཆུབ་ཐོབ་པར་གྱུར། ལ་ལ་ནི་མི་འགོག་པ་མི་སྐྱེ་བའི་བྱང་ཆུབ་ཀྱིས་ནོན་པར་གྱུར། ལ་ལ་ནི་ཚད་མེད་པའི་གཟུངས་རྣམས་ཐོབ་པར་གྱུར། ལ་ལ་ནི་སྤྱན་ལྔ་
D119.053.0315b07.01