完整藏文原文 · 德格版页 当前仅加载第 53 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
བཅད་པས་ངའི་ཉེས་གནས་སུ་གྱུར་པ་མཐོང་ངམ་ཐོས་པ་གང་ཡང་རུང་། དེ་ལ་ནི་ཤིན་ཏུ་སྙིང་བརྩེ་བའི་སེམས་མ་བསྐྱེད་པ་མེད་དེ། ཇི་ལྟར་སྔོན་ལོངས་སྤྱོད་དང་ལྡན་པ་ལས་ཕྱིས་ལོངས་སྤྱོད་མེད་པར་མཐོང་བ་ལ་སྙིང་བརྩེ་བ་དང་འདྲའོ། །ང་ནི་ལོ་དུ་མའི་བར་དུ་ལེགས་པའི་སྐར་
D119.053.0190b01.01མ་དང་འགྲོགས་ཏེ། དེས་ང་ལ་རྟག་ཏུ་མི་དགེ་བའི་སེམས་བསྐྱེད་དོ། །མི་དགེ་བའི་སེམས་བསྐྱེད་པས་ངན་པར་ལྟ་བའི་སེམས་མ་བཏང་ངོ་། །རིགས་ཀྱི་བུ་ངས་ཐོག་མ་ནས་ལེགས་པའི་སྐར་མ་དེ་ལ་དགེ་བའི་རྩ་བ་བ་སྤུའི་ཉག་མ་ཙམ་ཡོད་པར་མ་གཟིགས་ན་དེ་ལ་དགེ་བའི་རྩ་བ་ཡོངས་
D119.053.0190b02.01སུ་བཅད་པའི་ལོག་སྲེད་ཅན་ཡིན་ཏེ། སེམས་ཅན་དམྱལ་བར་བསྐལ་པའི་བར་དུ་གནས་པར་འགྱུར་རོ། །ཞེས་ལུང་མི་སྟོན་ན། དེས་རྒྱུ་མེད་པ་དང་འབྲས་བུ་མེད་པ་དང་། བྱས་པའི་ལས་ཀྱང་མེད་པར་སྨྲ་བས་དེ་དགེ་བའི་རྩ་བ་ཡོངས་སུ་བཅད་པའི་ལོག་སྲེད་ཅན་ཡིན་ཏེ། བསྐལ་
D119.053.0190b03.01པའི་བར་དུ་སེམས་ཅན་དམྱལ་བར་གནས་སོ་ཞེས་ལུང་བསྟན་ཏོ། །རིགས་ཀྱི་བུ་འདི་ལྟ་སྟེ་དཔེར་ན། མི་ཞིག་ངན་སྐྱུགས་ཀྱི་དོང་དུ་ལྷུང་བ་ལས་བཤེས་གཉེན་གཅིག་གིས་དབྱུང་བར་བསམས་ནས་ལག་པས་བསྙབས་ཏེ། སྐྲ་ལས་ཟིན་ན་ཕྱིས་འབྱིན་ཏོ། །གལ་ཏེ་སྐྲ་ལས་
D119.053.0190b04.01མ་ཟིན་ཏེ་ཅི་ཡང་མི་སྣང་ན་དབྱུང་བའི་སེམས་ཀྱང་ཞི་བར་འགྱུར་བ་ལྟར་ང་ཡང་དེ་དང་འདྲ་སྟེ། ལེགས་པའི་སྐར་མའི་དགེ་བའི་རྩ་བ་{ཆུང་ཟད་,ཅུང་ཟད་}ཙམ་ཅི་ཡོད་པ་བཙལ་ཏེ་ཡོངས་སུ་བསྒྲལ་བ་བྱས་ན་དུས་ཐམས་ཅད་དུ་དགེ་བའི་རྩ་བ་སྤུའི་ཉག་མ་ཙམ་ཡང་མེད་པས་སེམས་ཅན་དམྱལ་
D119.053.0190b05.01བ་ལས་བསྒྲལ་བར་མ་གྱུར་ཏོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་དེ་བཞིན་གཤེགས་པས་ཅིའི་སླད་དུ་ལེགས་པའི་སྐར་མ་མཚམས་མེད་པའི་སེམས་ཅན་དམྱལ་བར་ལྟུང་ངོ་ཞེས་ལུང་བསྟན། རིགས་ཀྱི་བུ་དགེ་སློང་ལེགས་པའི་སྐར་མ་ལ་བཤེས་
D119.053.0190b06.01གཉེན་དང་འཁོར་མང་དུ་ཡོད་དེ། དེ་དག་ཐམས་ཅད་ལེགས་པའི་སྐར་མ་ནི་དགྲ་བཅོམ་པ་ཡིན་ཏེ། བྱང་ཆུབ་ཀྱི་འབྲས་བུ་ཐོབ་པར་འཛིན་པས་དེ་དག་གི་ངན་པར་ལྟ་བའི་སེམས་གཞིག་པའི་ཕྱིར་ལེགས་པའི་སྐར་མ་ནི་བག་མེད་པས་སེམས་ཅན་དམྱལ་བར་ལྟུང་ངོ་ཞེས་ལུང་བསྟན་ཏོ། །
D119.053.0190b07.01