完整藏文原文 · 德格版页 当前仅加载第 53 函德格 273b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་ཆེན་པོར་སེང་གེའི་སྒྲ་སྒྲོགས་ཤིག །དེའི་ཚེ་མུ་སྟེགས་ཅན་ཚད་མེད་པ་སྙེད་དེ་སྐད་ཅེས་གསུངས་པ་ཐོས་ནས་ཞེ་སྡང་གི་སེམས་བསྐྱེད་དེ། དགེ་སྦྱོང་གཽ་ཏ་མས་བདག་ཅག་ལ་དགེ་སྦྱོང་དང་བྲམ་ཟེ་ཡང་མེད། དགེ་སྦྱོང་དང་བྲམ་ཟེའི་ཆོས་ཀྱང་མེད་དོ་ཞེས་
D119.053.0273b01.01གསུངས་ན། བདག་ཅག་གིས་ཐབས་ཇི་ལྟར་བྱ་ཞེས་འདི་སྐད་ཅེས་སྨྲས་སོ། །དགེ་སྦྱོང་གཽ་ཏ་མ་བདག་ཅག་གི་འཁོར་ལ་ཡང་དགེ་སྦྱོང་དང་དགེ་སྦྱོང་གི་ཆོས་ཀྱང་ཡོད། བྲམ་ཟེ་དང་བྲམ་ཟེའི་ཆོས་ཀྱང་ཡོད་དོ། །དེའི་ཚེ་ན་འཁོར་གྱི་དཀྱིལ་འཁོར་དེ་ན་ཀུན་དུ་རྒྱུ་གཅིག་
D119.053.0273b02.01གིས་འདི་སྐད་ཅེས་སྨྲས་སོ། །ཀྱེ་གྲོགས་པོ་དག་དགེ་སྦྱོང་གཽ་ཏ་མ་ནི་ཚིག་ནི་སྨྱོན་པ་དང་འདྲ་སྟེ། ཐ་མི་དད་ན་ཡིད་ཆེས་སུ་ཡང་ཅི་ཡོད། འཇིག་རྟེན་ན་མི་སྨྱོན་པ་དག་ཀྱང་བར་འགའ་ནི་གླུ་ལེན། བར་འགའ་ནི་གར་བྱེད། བར་འགའ་ནི་ངུ་། བར་འགའ་ནི་དགོད།
D119.053.0273b03.01བར་འགའ་ནི་གཤེ། བར་འགའ་ནི་བསྟོད། གཉེན་དང་དགྲའི་བྱེ་བྲག་ཀྱང་མི་ཕྱེད་པ་ལྟར། དགེ་སྦྱོང་གཽ་ཏ་མ་ཡང་དེ་དང་འདྲ་སྟེ། བར་འགའ་ནི་ང་རྒྱལ་པོ་ཟས་གཙང་མའི་ཁབ་ཏུ་སྐྱེས་ཞེས་སྨྲ། བར་འགའ་ནི་མ་སྐྱེས་ཞེས་སྨྲ། བར་འགའ་ནི་སྐྱེས་ནས་གོམ་པ་
D119.053.0273b04.01བདུན་པོར་ཞེས་སྨྲ། བར་འགའ་ནི་གར་ཡང་མ་སོང་ཞེས་སྨྲ། བར་འགའ་ནི་འཇིག་རྟེན་གྱི་དངོས་པོ་དག་ཆུང་ངུའི་ཚེ་ན་བསླབས་སོ་ཞེས་སྨྲ། བར་འགའ་ནི་ཐམས་ཅད་མཁྱེན་པ་ཞེས་སྨྲ། བར་འགའ་ནི་རྒྱལ་པོའི་ཁབ་ན་བདེ་བའི་གནས་ན་ལོངས་སྤྱོད་ཅིང་བུ་ཡང་བཙས་སོ་
D119.053.0273b05.01ཞེས་སྨྲ། བར་འགའ་ནི་དེ་ཐམས་ཅད་ལ་སྨད་དེ་མི་འདོད་དོ་ཞེས་ཀྱང་སྨྲ། བར་འགའ་ནི་དཀའ་བ་ལོ་དྲུག་གི་བར་དུ་སྤྱོད་དོ་ཞེས་སྨྲ། བར་འགའ་ནི་མུ་སྟེགས་ཅན་གྱི་དཀའ་བ་སྤྱོད་པ་ལ་ཡོངས་སུ་སྨོད། བར་འགའ་ནི་ཨུ་དུམ་བཱ་ར་དང་ཨ་ལ་ལ་ལ་སོགས་པ་སྔོན་མ་ཐོས་པའི་ཆོས་
D119.053.0273b06.01ཐོས་སོ་ཞེས་སྨྲ། བར་འགའ་ནི་བྱང་ཆུབ་ཀྱི་ཤིང་དྲུང་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་བོ་ཞེས་སྨྲ། བར་འགའ་ནི་ང་བྱང་ཆུབ་ཀྱི་ཤིང་དྲུང་དུ་ཡང་མ་ཕྱིན་ཅི་ཡང་ཐོབ་པ་མེད་དོ་ཞེས་སྨྲ། བར་འགའ་ནི་ངའི་ལུས་འདི་ཉིད་མྱ་ངན་ལས་འདས་པ་ཡིན་ནོ་ཞེས་སྨྲ། བར་
D119.053.0273b07.01