完整藏文原文 · 德格版页 当前仅加载第 53 函德格 262a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་རྩ་བ་ནི་སྲེད་པ་ཡིན་ནོ་ཞེས་བྱ་བ་དང་། ནད་ཐམས་ཅད་ཀྱི་རྩ་བ་ནི་ཁ་ཟས་མ་ཞུ་བ་ཡིན་ནོ་ཞེས་བྱ་བ་དང་། ཞལ་ཆེ་ཐམས་ཅད་ཀྱི་རྩ་བ་ནི་རྩོད་པ་ཡིན་ནོ་ཞེས་བྱ་བ་དང་། མི་དགེ་བ་ཐམས་ཅད་ཀྱི་རྩ་བ་ནི་{བརྫུན་,རྫུན་}ཡིན་ནོ་ཞེས་བྱ་བ་དང་འདྲའོ། །
D119.053.0262a01.01བྱང་ཆུབ་སེམས་དཔའ་འོད་སྲུང་གིས་ཡང་གསོལ་པ། བཅོམ་ལྡན་འདས་དེ་བཞིན་གཤེགས་པས་སྔར་མདོ་སྡེ་འདིའི་ནང་ནས་དགེ་བ་ཐམས་ཅད་ཀྱི་རྩ་བ་ནི་བག་བྱས་པ་ལགས་སོ་ཞེས་གསུངས་ལ། ད་ནི་མོས་པ་ལགས་སོ་ཞེས་གསུངས་པའི་དོན་ཇི་ལྟ་བུ་ལགས། བཅོམ་
D119.053.0262a02.01ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་སྐྱེ་བའི་རྒྱུ་ལ་བྱ་ན་ནི་ཤིན་ཏུ་མོས་པ་ཡིན་ནོ། །གལ་ཏེ་གསལ་བའི་རྒྱུ་ལ་བྱ་ན་ནི་བག་བྱེད་པ་ཡིན་ནོ། །དཔེར་ན་འཇིག་རྟེན་པ་དག་འབྲས་བུ་ཐམས་ཅད་ཀྱི་རྒྱུ་ནི་ས་བོན་ཡིན་ནོ་ཞེས་བྱ་བ་དང་། གཞན་ཡང་ས་བོན་ནི་སྐྱེ་བའི་
D119.053.0262a03.01རྒྱུ་ཡིན་ནོ་ཞེས་བྱ་བ་དང་། ས་ནི་གསལ་བའི་རྒྱུ་ཡིན་ནོ་ཞེས་བྱ་བའི་དོན་ཡང་དེ་དང་འདྲའོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་དེ་བཞིན་གཤེགས་པས་མདོ་སྡེ་གཞན་ལས་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་གྱི་རྩ་བ་ནི་སངས་རྒྱས་ལགས་
D119.053.0262a04.01སོ་ཞེས་བགྱི་བའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པས་སེམས་ཅན་གང་བྱང་ཆུབ་ཀྱི་ཕྱོགས་སུམ་ཅུ་རྩ་བདུན་ཐོག་མ་ཤེས་པ་ལ་ནི་སངས་རྒྱས་ཀྱི་རྩ་བ་ཡིན་ནོ་ཞེས་གསུངས་སོ། །གང་རང་གིས་རིག་པ་ལ་ནི་ཤིན་
D119.053.0262a05.01ཏུ་མོས་པ་རྩ་བ་ཡིན་ནོ་ཞེས་གསུངས་སོ། །གསོལ་པ། བཅོམ་ལྡན་འདས་དེ་ལ་ཇི་ལྟར་ན་གསལ་བར་རེག་པ་ལ་རྒྱུ་ཞེས་བགྱི་བ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པས་བར་བར་ནི་གསལ་བ་ལ་ཤེས་རབ་ཅེས་ཀྱང་
D119.053.0262a06.01གསུངས། བར་བར་ནི་དད་པ་ཞེས་ཀྱང་གསུངས་སོ། །རིགས་ཀྱི་བུ་དད་པའི་རྒྱུ་དང་རྐྱེན་གྱིས་དགེ་བའི་བཤེས་གཉེན་ལ་བསྙེན་པར་འགྱུར་ཏེ། དེ་བས་ན་རེག་པ་ཞེས་བྱའོ། །དགེ་བའི་བཤེས་གཉེན་ལ་བརྟེན་པའི་རྒྱུ་དང་རྐྱེན་གྱིས་དམ་པའི་ཆོས་ཐོབ་པར་འགྱུར་ཏེ། དེ་
D119.053.0262a07.01