完整藏文原文 · 德格版页 当前仅加载第 53 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ཁྱོད་ཀྱིས་ཆོས་ཐམས་ཅད་ལ་རང་བཞིན་ཡོད་དོ་ཞེས་བྱ་བ་ཇི་ལྟ་བུར་དཔེ་བསྟན་དུ་རུང་། ཇི་སྟེ་དཔེ་བརྗོད་དུ་ཡོད་ན་ཆོས་ཐམས་ཅད་ལ་རང་བཞིན་མེད་པར་རིག་པར་བྱའོ། །ཇི་སྟེ་རང་བཞིན་ཡོད་ན་ནི་དཔེ་བྱར་མེད་པར་རིག་པར་བྱའོ། །འཇིག་རྟེན་ན་མཁས་པ་ཤེས་རབ་
D119.053.0296b01.01ཅན་དཔེ་སྟོན་ཏེ། དེ་བས་ན་ཆོས་ཐམས་ཅད་རང་བཞིན་མེད་པ་དང་རང་བཞིན་གཅིག་ཏུ་ངེས་པ་མེད་པར་རིག་པར་བྱའོ། །རིགས་ཀྱི་བུ་ཁྱོད་སྨྲ་བ་ལྟར་ལུས་སྔའམ་ཉོན་མོངས་པ་སྔ་ཞེས་བྱ་བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཇི་སྟེ་ངས་ལུས་སྔའོ། །ཞེས་བརྗོད་ན་ནི་ཁྱོད་ཀྱིས་ང་
D119.053.0296b02.01དང་འཐུན་ནོ་ཞེའམ། ལུས་མི་སྔའོ་ཞེས་བརྒལ་དུ་ཡང་རུང་ན། རིགས་ཀྱི་བུ་སེམས་ཅན་ཐམས་ཅད་ཀྱི་ལུས་དང་ཉོན་མོངས་པ་ནི་གཉིས་ཀ་སྔ་ཕྱི་མེད་དེ། དུས་གཅིག་ཏུ་ཡོད་དོ། །དེ་ལྟར་དུས་གཅིག་ཏུ་ཡོད་མོད་ཀྱི། འོན་ཀྱང་ཉོན་མོངས་པའི་རྒྱུ་ལས་ལུས་ཡོད་པར་གྱུར་གྱི་
D119.053.0296b03.01ལུས་ཀྱི་རྒྱུ་ལས་ཉོན་མོངས་པར་གྱུར་པ་མ་ཡིན་ནོ། །ཇི་སྟེ་ཁྱོད་ཀྱི་ཡིད་ལ་དཔེར་ན་མིའི་མིག་གཉིས་ཀྱང་དུས་གཅིག་ཏུ་ཐོབ་སྟེ་གཅིག་ལ་གཅིག་མི་ལྟོས་པ་ནི་གཡས་པ་གཡོན་པ་ལ་མི་ལྟོས་ལ། གཡོན་པའང་གཡས་པ་ལ་མི་ལྟོས་པ་དང་འདྲ་བར་ཉོན་མོངས་པ་དང་ལུས་ཀྱང་དེ་
D119.053.0296b04.01དང་འདྲ་བར་སེམས་ན་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། རིགས་ཀྱི་བུ་འཇིག་རྟེན་ན་མིག་གིས་བལྟར་སྣང་བ་མེ་མར་གྱི་སྙིང་པོ་དང་སྣང་བ་གཉིས་དུས་གཅིག་ཏུ་ཡོད་མོད་ཀྱི། སྙིང་པོའི་རྒྱུས་སྣང་བར་གྱུར་གྱི་སྙིང་པོ་མེད་པ་ལས་སྣང་བ་ནི་མ་ཡིན་ནོ། །རིགས་ཀྱི་བུ་ཅི་ཁྱོད་ཀྱི་ཡིད་ལ་
D119.053.0296b05.01ལུས་མི་སྔ་བས་རྒྱུ་མེད་པར་སེམས་ན་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཇི་སྟེ་ལུས་སྔ་བས་རྒྱུ་དང་རྐྱེན་མེད་པའི་ཕྱིར་མེད་པ་ཞེས་བྱ་ན་ལྟ་ཁྱོད་ཀྱང་ཆོས་ཐམས་ཅད་ལ་རྒྱུ་དང་རྐྱེན་མེད་དོ་ཞེས་སྨྲ་བའི་རིགས་སོ། །ཇི་སྟེ་བལྟར་མི་སྣང་བའི་ཕྱིར་དེ་སྐད་ཅེས་མི་སྨྲ་ན་ཡང་ད་ལྟར་རྫ་
D119.053.0296b06.01མ་ལ་སོགས་པ་རྒྱུ་དང་རྐྱེན་ལས་བྱུང་བར་མངོན་སུམ་དུ་བལྟར་སྣང་ན་ཅིའི་ཕྱིར་དེ་སྐད་ཅེས་མི་སྨྲ། ཇི་ལྟར་རྫ་མ་དང་འདྲ་བར་ལུས་སྔ་བའི་རྒྱུ་དང་རྐྱེན་ཀྱང་དེ་བཞིན་དུ་རིག་པར་བྱའོ། །རིགས་ཀྱི་བུ་སྣང་ཡང་རུང་མི་སྣང་ཡང་རུང་ཆོས་ཐམས་ཅད་རྒྱུ་དང་རྐྱེན་ལས་བྱུང་གི་རང་བཞིན་
D119.053.0296b07.01