完整藏文原文 · 德格版页 当前仅加载第 53 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཟ་བར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་རོ། །དེ་ལྟར་ཞག་དེ་སྙེད་ཀྱི་བར་དུ་དཀའ་བ་སྤྱོད་པ་ན་ལུས་ཀྱི་ཤ་དང་པགས་པ་ཉམས་ཤིང་རིད་པ་ནི་ཀུ་བ་བརྔས་མ་ཐག་པ་ཉི་མ་ལ་བཞག་པ་དང་མཚུངས་སོ། །མིག་རྐོང་བ་ནི་ཁྲོན་པའི་སྐར་མ་དང་
D119.053.0177b01.01མཚུངས་སོ། །ཤ་ཀུན་ཟད་དེ་རྩ་དང་ཆུ་བ་འབའ་ཞིག་སྣང་བ་ནི་རྩྭ་ཁྱིམ་ཞིག་པ་དང་མཚུངས་སོ། །སྒལ་ཚིགས་མངོན་པར་སྣང་བ་ནི་ཐག་གུ་མདུད་པ་བོར་བ་དང་མཚུངས་སོ། །འདུག་འདུག་པའི་གནས་ནི་རྟའི་རྨིག་རྗེས་དང་མཚུངས་ཏེ། འདུག་པའི་ཚེ་ནི་ཁ་སྦུབ་ཏུ་འགྱེལ།
D119.053.0177b02.01ལངས་པའི་ཚེ་ནི་གན་རྐྱལ་དུ་འགྱེལ་ཏེ། དེ་ལྟར་ཕན་པའི་དོན་མེད་པའི་སྡུག་བསྔལ་མྱོང་ཡང་བྱང་ཆུབ་ཀྱི་སེམས་ལས་ཕྱིར་ལྡོག་པར་མི་བྱེད་དོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་སྡུག་བསྔལ་གཞོམ་ཞིང་བདེ་བ་སྦྱིན་པའི་ཕྱིར་ཕྱི་
D119.053.0177b03.01ནང་གི་ཟང་ཟིང་ཐམས་ཅད་གཏོང་བ་ནས་ལུས་དང་སྲོག་གི་བར་དུ་རྩྭ་དང་འདྲ་བར་ཡོངས་སུ་གཏོང་བར་བྱེད་དོ། །གང་དེ་ལྟར་ལུས་དང་སྲོག་ལ་མི་ཕངས་པའི་བྱང་ཆུབ་སེམས་དཔའ་དེ་ནི་བདག་ལ་བདག་ཕྱིར་མི་ལྡོག་པའི་སེམས་གདོན་མི་ཟ་བར་ཡོད་པ་དང་། ངེས་པར་བླ་ན་མེད་
D119.053.0177b04.01པ་ཡང་དག་པར་རྫོགས་པའི་བྱང་ཆུབ་ཐོབ་པར་རྟོགས་སོ། །གཞན་ཡང་བྱང་ཆུབ་སེམས་དཔས་ཆོས་འདོད་པའི་རྐྱེན་གྱིས་ལུས་ཀྱིས་སྣང་བའི་མར་མེ་འཛུགས་པ་ནི་ལུས་ལ་རས་ཀྱིས་དཀྲིས་ནས་མར་གྱིས་བྱུགས་ཏེ་མེ་གཏོང་བར་བྱེད་དོ། །བྱང་ཆུབ་སེམས་དཔས་དེའི་
D119.053.0177b05.01ཚེ་དེ་ལྟར་སྡུག་བསྔལ་ཆེན་པོ་མྱོང་བ་ན་བདག་གི་སེམས་ལ་སྨད་པའི་ཕྱིར་འདི་སྐད་ཅེས་སྨྲའོ། །སྡུག་བསྔལ་འདི་ནི་སེམས་ཅན་དམྱལ་བའི་སྡུག་བསྔལ་བརྒྱ་སྟོང་གི་ཆར་ཡང་མི་ཕོད་ན་ཁྱོད་ཀྱི་བསྐལ་པ་ཚད་མེད་པ་བརྒྱ་སྟོང་གི་བར་དུ་ཕན་པའི་དོན་མེད་པའི་སྡུག་བསྔལ་ཆེན་པོ་
D119.053.0177b06.01ཡང་བཟོད་ལ། སྡུག་བསྔལ་ཆུང་ངུ་འདི་ཙམ་ལ་མི་བཟོད་ན་སེམས་ཅན་དམྱལ་བར་སྡུག་བསྔལ་བའི་སེམས་ཅན་སྒྲོལ་བའི་ཕྱིར་ཇི་ལྟར་འགྲོ་བར་བྱ་ཞེས་སྨྲའོ། །བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཡིད་ལ་བྱེད་པ་ན་ལུས་ཀྱིས་ཀྱང་སྡུག་བསྔལ་བ་མི་ཚོར་
D119.053.0177b07.01