完整藏文原文 · 德格版页 当前仅加载第 53 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་པར་སྤྱོད་པའོ་ཞེས་མ་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཟག་པ་དང་བཅས་པ་ཐམས་ཅད་ནི་ཕྱིན་ཅི་ལོག་པ་ཡིན་ཏེ། དེ་བས་ན་ཟག་པ་དང་བཅས་པ་ལ་ཡོངས་སུ་དག་པའི་ཚངས་པར་སྤྱོད་པ་ཞེས་མི་བྱའོ། །བྱང་ཆུབ་
D119.053.0261a01.01སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་འཇིག་རྟེན་མཆོག་གི་ཆོས་ཞེས་བགྱི་བ། ཟག་པ་དང་བཅས་པ་ལགས་སམ། ཟག་པ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཟག་པ་དང་བཅས་པ་ཡིན་ནོ། །གསོལ་པ།
D119.053.0261a02.01བཅོམ་ལྡན་འདས་ཟག་པ་དང་བཅས་པ་ལགས་མོད་ཀྱི། རང་བཞིན་གྱིས་ཕྱིན་ཅི་ལོག་མ་ལགས་ན། ཅིའི་སླད་དུ་ཡོངས་སུ་དག་པའི་ཚངས་པར་སྤྱོད་པ་ཞེས་མི་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་འཇིག་རྟེན་མཆོག་གི་ཆོས་ནི་ཟག་པ་མེད་པའི་རྒྱུར་
D119.053.0261a03.01འགྱུར་བས་ཟག་པ་མེད་པ་དང་འདྲའོ། །ཟག་པ་མེད་པ་ལ་ཕྱོགས་པས་ཕྱིན་ཅི་ལོག་ཅེས་མི་བྱའོ། །རིགས་ཀྱི་བུ་ཡོངས་སུ་དག་པའི་ཚངས་པར་སྤྱོད་པའི་སེམས་སྐྱེད་པ་རྒྱུན་མ་ཆད་པ་ནས། མཐར་འཇིག་རྟེན་མཆོག་གི་ཆོས་ཀྱི་བར་དུ་སེམས་རྩེ་གཅིག་ཏུ་ཟད་དེ། དེ་བས་
D119.053.0261a04.01ན་ཡོངས་སུ་དག་པའི་ཚངས་པར་སྤྱོད་པ་ཞེས་མི་བྱའོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་སེམས་ཅན་གྱི་རྣམ་པར་ཤེས་པ་ལྔ་ནི་ཟག་པ་དང་བཅས་པའང་ལགས་ཏེ། ཕྱིན་ཅི་ལོག་པ་མ་ལགས་ལ་སེམས་རྩེ་གཅིག་པའང་མ་
D119.053.0261a05.01ལགས་ན་ཅིའི་སླད་དུ་ཡོངས་སུ་དག་པའི་ཚངས་པར་སྤྱོད་པ་ཞེས་མི་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་གྱི་རྣམ་པར་ཤེས་པ་ལྔ་ནི་སེམས་རྩེ་གཅིག་པ་མ་ཡིན་ཡང་གང་ཟག་པ་དང་བཅས་པ་ཡིན་ལ། ཕྱིན་ཅི་ལོག་ཀྱང་ཡིན་
D119.053.0261a06.01ཏེ། ཟག་པ་རྣམས་བསྐྱེད་པའི་ཕྱིར་ཟག་པ་དང་བཅས་པ་ཞེས་བྱའོ། །ངོ་བོ་ཉིད་ཀྱིས་ཡང་དག་པ་མ་ཡིན་ཏེ། འདུ་ཤེས་ལ་ཆགས་པས་ཕྱིན་ཅི་ལོག་པ་ཞེས་བྱའོ། །དེ་ལ་ཇི་ལྟར་ན་ངོ་བོ་ཉིད་ཀྱིས་ཡང་དག་པ་མ་ཡིན་ཏེ། འདུ་ཤེས་ལ་ཆགས་པས་ཕྱིན་ཅི་ལོག་ཅེས་
D119.053.0261a07.01