完整藏文原文 · 德格版页 当前仅加载第 53 函德格 326a 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ངུས་ནས་སོ་སོ་ནས་གྲངས་མེད་པའི་མེ་ཏོག་དང་སྤོས་ལ་སོགས་པ་མཆོད་པའི་ཡོ་བྱད་སྔ་མ་བས་སུམ་འགྱུར་གྱིས་ལྷག་པ་བཤམས་ནས་ངུས་བཞིན་དུ་དེ་བཞིན་གཤེགས་པའི་སྤྱན་སྔར་ལྷགས་ཏེ་མཆོད་པ་བྱས་སོ། །གནམ་རིམ་པ་ལྔའི་ལྷས་ཀྱང་དེ་བཞིན་དུ་སྔ་མ་
D119.053.0326a01.01བས་ཤིན་ཏུ་ལྷག་པ་བཤམས། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱི་ལྷ་རྣམས་ཀྱང་མཆོད་པའི་ཡོ་བྱད་སྔ་མ་བས་ཤིན་ཏུ་ལྷག་པ་བཤམས་ནས་མཆོད་པ་བྱས་སོ། །དེའི་ཚེ་རྩྭ་མཆོག་གི་གྲོང་ཁྱེར་ན་གནས་པའི་སྐྱེས་པ་དང་། བུད་མེད་མཆི་མ་བླགས་ཏེ་ངུས་ནས།
D119.053.0326a02.01མདང་ཇི་ལྟར་བཏང་བ་མི་ཤེས་ནས་དགའ་བོ་ལ་འདི་སྐད་ཅེས་སྨྲས་སོ། །དེ་བཞིན་གཤེགས་པ་ཡོངས་སུ་མྱ་ངན་ལས་འདས་ན་ཇི་ལྟ་བུའི་ཚུལ་དུ་མདང་གཏང་བར་བགྱི། དེ་ནས་བརྒྱ་བྱིན་ལྷའི་དབང་ཕྱུག་གིས་གོང་དུ་བཅོམ་ལྡན་འདས་ཀྱིས་གསུངས་པ་བཞིན་དུ། འཁོར་ལོས་སྒྱུར་བའི་
D119.053.0326a03.01རྒྱལ་པོའི་མདང་གཏང་བ་བཞིན་བྱའོ་ཞེས་སྨྲས་སོ། །དེའི་ཚེ་རྩྭ་མཆོག་གི་གྲོང་ཁྱེར་གྱི་མི་ཐམས་ཅད་ངུས་ཏེ་གྲོང་ཁྱེར་དུ་ཞུགས་ནས་ལྕགས་ཀྱི་སྒྲོམ་བྱས་ཏེ། རིན་པོ་ཆེ་སྣ་བདུན་གྱིས་བརྒྱན་ནས། །རིན་ཐང་མེད་པའི་རས་དཀར་པོ་བཟང་པོ་ཡུག་སྟོང་དང་གྲངས་མེད་པའི་ཤིང་བལ་ཤིན་ཏུ་འཇམ་
D119.053.0326a04.01པ་ཡང་བཤམས་སོ། །གཞན་ཡང་གྲངས་མེད་པའི་ཤིང་ཙན་དན་དང་། ཨ་ག་རུ་དང་། གཞན་ཡང་ཁྲི་ཕྲག་བརྒྱ་སྟོང་སྙེད་ཀྱི་སྤོས་སྦྱར་མ་དང་། སྤོས་ཀྱི་འདག་གུ་དང་། སྤོས་ཆུ་དང་། གདུགས་དང་། བ་དན་དང་། མེ་ཏོག་ལ་སོགས་པ་སྤྲིན་ལྟར་ནམ་མཁའ་ལ་ཡོངས་སུ་གང་བ་མཐོ་
D119.053.0326a05.01ཁྱད་རི་རབ་ལྷུན་པོ་ཙམ་བཤམས་སོ། །དེ་ལྟ་བུ་དག་བཤམས་ནས་མཆི་མ་བླགས་ཏེ་དེ་བཞིན་གཤེགས་པའི་སྤྱན་སྔར་ཕབ་ནས། མྱ་ངན་གྱིས་ཡིད་གདུངས་བཞིན་དུ་མཆོད་པ་བྱས་སོ། །དེའི་ཚེ་རྩྭ་མཆོག་གི་གྲོང་ཁྱེར་གྱི་མི་ཐམས་ཅད་དང་། འཁོར་མང་པོ་ཐམས་ཅད་ཀྱང་མཆི་
D119.053.0326a06.01མ་བླགས་ཏེ་ངུས་ནས། གཞན་ཡང་ཚད་མེད་པ་སྙེད་ཀྱི་སྤོས་དང་། མེ་ཏོག་དང་། རྒྱལ་མཚན་དང་། གདུགས་ལ་སོགས་ཏེ་མཆོད་པའི་ཡོ་བྱད་སྤྲིན་ལྟ་བུར་ནམ་མཁའ་ཡོངས་སུ་གང་བར་བཤམས་ནས་གཅིག་གི་ལག་པ་ལ་གཅིག་འཇུས་ཏེ། བྲང་ལ་ཁུ་ཚུར་གྱིས་རྡེག་ཅིང་ཆོ་ངེའི་
D119.053.0326a07.01