完整藏文原文 · 德格版页 当前仅加载第 53 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་མེད། བསྐྱེད་པའི་མཚན་ཉིད་མེད། རྒྱུའི་མཚན་ཉིད་མེད། རྒྱུ་ལས་རྒྱུར་འགྱུར་བའི་མཚན་ཉིད་མེད། འབྲས་བུའི་མཚན་ཉིད་མེད། འབྲས་བུ་ལས་འབྲས་བུར་འགྱུར་བའི་མཚན་ཉིད་མེད། ཉིན་དང་མཚན་གྱི་མཚན་ཉིད་མེད། སྣང་བ་དང་མུན་པའི་མཚན་ཉིད་མེད། མཐོང་བའི་མཚན་ཉིད་མེད། མཐོང་བར་
D119.053.0307b01.01བྱེད་པའི་མཚན་ཉིད་མེད། ཐོས་པའི་མཚན་ཉིད་མེད། ཐོས་པར་བྱེད་པའི་མཚན་ཉིད་མེད། ཚོར་བ་དང་ཤེས་པའི་མཚན་ཉིད་མེད། ཚོར་བ་དང་ཤེས་པར་བྱེད་པའི་མཚན་ཉིད་མེད། བྱང་ཆུབ་ཀྱི་མཚན་ཉིད་མེད། བྱང་ཆུབ་ཐོབ་པར་བྱེད་པའི་མཚན་ཉིད་མེད། ལས་ཀྱི་མཚན་ཉིད་མེད། ལས་ཀྱི་བདག་པོའི་མཚན་
D119.053.0307b02.01ཉིད་མེད། ཉོན་མོངས་པའི་མཚན་ཉིད་མེད། ཉོན་མོངས་པའི་བདག་པོའི་མཚན་ཉིད་མེད་པའོ། །རིགས་ཀྱི་བུ་མཚན་ཉིད་གང་དུ་འགོག་པ་དེ་ནི་ཡང་དག་པའི་མཚན་ཉིད་ཅེས་བྱའོ། །རིགས་ཀྱི་བུ་ཆོས་ཐམས་ཅད་ནི་མི་བདེན་པ་སྟེ། གང་དུ་འགོག་པ་དེ་ན་ཡང་དག་པ་ཞེས་བྱ། ཡང་དག་པའི་འདུ་ཤེས་ཞེས་བྱ།
D119.053.0307b03.01ཆོས་ཀྱི་དབྱིངས་ཞེས་བྱ། མཐར་ཕྱིན་པའི་ཡེ་ཤེས་ཞེས་བྱ། དོན་དམ་པ་ཞེས་བྱ། དོན་དམ་པའི་སྟོང་པ་ཉིད་ཅེས་བྱའོ། །རིགས་ཀྱི་བུ་མཚན་ཉིད་དང་། ཆོས་ཀྱི་དབྱིངས་དང་། མཐར་ཕྱིན་པའི་ཡེ་ཤེས་དང་། དོན་དམ་པའི་བདེན་པ་དང་། དོན་དམ་པའི་སྟོང་པ་ཉིད་ལ་ཤེས་རབ་ཐ་མས་ཡང་དག་པར་སྤྱོད་
D119.053.0307b04.01ན་ཉན་ཐོས་ཀྱི་བྱང་ཆུབ་ཐོབ་པར་འགྱུར་རོ། །ཤེས་རབ་འབྲིང་གིས་ཡང་དག་པར་སྤྱོད་ན་རང་རྒྱལ་བའི་བྱང་ཆུབ་ཐོབ་པར་འགྱུར་རོ། །ཤེས་རབ་མཆོག་གིས་ཡང་དག་པར་སྤྱོད་ན་བླ་ན་མེད་པའི་བྱང་ཆུབ་ཐོབ་པར་འགྱུར་རོ། །ཆོས་འདི་བསྟན་པ་ན་བྱང་ཆུབ་སེམས་དཔའ་བརྒྱ་ཕྲག་སྟོང་གིས་ཚེ་གཅིག་
D119.053.0307b05.01གིས་ཐོགས་པའི་ཡང་དག་པའི་འདུ་ཤེས་ཐོབ་བོ། །བྱང་ཆུབ་སེམས་དཔའ་ཁྲི་ལྔ་སྟོང་སྙེད་ཀྱིས་ཚེ་གཉིས་ཀྱིས་ཆོས་ཀྱི་དབྱིངས་ཐོབ་བོ། །བྱང་ཆུབ་སེམས་དཔའ་ཉི་ཁྲི་ལྔ་སྟོང་གིས་མཐར་ཕྱིན་པའི་ཡེ་ཤེས་ཐོབ་པར་གྱུར་ཏོ། །བྱང་ཆུབ་སེམས་དཔའ་སུམ་ཁྲི་ལྔ་སྟོང་གིས་དོན་དམ་པའི་བདེན་པ་
D119.053.0307b06.01ཐོབ་བོ། །དོན་དམ་པའི་བདེན་པ་ནི་དོན་དམ་པའི་སྟོང་པ་ཉིད་ཅེས་ཀྱང་བྱ། དཔའ་བར་འགྲོ་བའི་ཏིང་ངེ་འཛིན་ཅེས་ཀྱང་བྱའོ། །བྱང་ཆུབ་སེམས་དཔའ་བཞི་ཁྲི་ལྔ་སྟོང་སྙེད་ཀྱིས་ནམ་མཁའ་ལྟ་བུའི་ཏིང་ངེ་འཛིན་ཐོབ་བོ། །ནམ་མཁའ་ལྟ་བུའི་ཏིང་ངེ་འཛིན་ནི་རྒྱ་ཆེན་པོའི་ཏིང་ངེ་འཛིན་ཅེས་བྱ།
D119.053.0307b07.01