完整藏文原文 · 德格版页 当前仅加载第 53 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་དབང་པོ་རབ་དང་། འབྲིང་དང་ཐ་མ་ཤིན་ཏུ་རྟོགས་སོ། །སེམས་ཅན་གང་ནི་དབང་པོ་འབྲིང་ལས་ཐ་མར་འགྱུར་བ་དང་། སེམས་ཅན་གང་ནི་འབྲིང་ལས་རབ་ཏུ་འགྱུར་བ་དང་། སེམས་ཅན་གང་ནི་རབ་ལས་འབྲིང་དུ་འགྱུར་བ་དང་། སེམས་
D119.053.0193a01.01ཅན་གང་ནི་འབྲིང་ལས་ཐ་མར་འགྱུར་བ་ཤིན་ཏུ་རྟོགས་ཏེ། དེ་བས་ན་སེམས་ཅན་གྱི་དབང་པོ་ལ་ངེས་པ་མེད་དོ། །ངེས་པ་མེད་པས་ཁ་ཅིག་དགེ་བའི་རྩ་བ་བཅད་ནས་ཕྱིར་སྐྱེ་བར་འགྱུར་རོ། །གལ་ཏེ་སེམས་ཅན་གྱི་དབང་པོ་ངེས་ན་ཐོག་མ་ནས་ཀྱང་བཅད་པ་མེད་ལ་
D119.053.0193a02.01བཅད་ནས་ཀྱང་ཕྱིར་སྐྱེ་བར་མི་འགྱུར་ཏེ། ལོག་སྲེད་ཅན་དག་བསྐལ་པ་གཅིག་གི་བར་དུ་སེམས་ཅན་དམྱལ་བར་ལྟུང་ངོ་ཞེས་གསུངས་པའི་མི་རིགས་སོ། །རིགས་ཀྱི་བུ་དེ་བས་ན་དེ་བཞིན་གཤེགས་པས་ནི་ཆོས་ཐམས་ཅད་ལ་ངེས་པའི་མཚན་ཉིད་མེད་དོ་ཞེས་
D119.053.0193a03.01གསུངས་སོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་དེ་བཞིན་གཤེགས་པ་ནི་དབང་པོ་རྣམས་ལ་མཁྱེན་པའི་སྟོབས་དང་ལྡན་ཏེ། དགེ་སློང་ལེགས་པའི་སྐར་མས་དགེ་བའི་རྩ་བ་ཡོངས་སུ་བཅད་པར་མཁྱེན་ན་ཅིའི་སླད་དུ་རབ་ཏུ་བྱུང་
D119.053.0193a04.01བར་གནང་། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ང་སྔོན་རབ་ཏུ་བྱུང་བ་ན་ངའི་ནུ་བོ་དགའ་བོ་དང་། བསྙེན་དགའ་བོ་དང་། ལྷ་སྦྱིན་དང་། སྲས་སྒྲ་གཅན་འཛིན་ལ་སོགས་པའི་ཐམས་ཅད་ངའི་རྗེས་སུ་རབ་ཏུ་བྱུང་ཞིང་ལམ་ལ་ནན་ཏན་བྱེད་པར་
D119.053.0193a05.01གནང་ངོ་། །གལ་ཏེ་ངས་ལེགས་པའི་སྐར་མ་རབ་ཏུ་མ་ཕྱུང་ན། རྒྱལ་པོའི་ཐབས་ཐོབ་པར་འགྱུར་ཏེ། མཐུ་དང་དབང་དུ་ལྡན་པས་སངས་རྒྱས་ཀྱི་ཆོས་ཡོངས་སུ་འཇིག་པར་འགྱུར་ཏེ། དེའི་རྒྱུ་དེའི་རྐྱེན་གྱིས་ངས་རབ་ཏུ་ཕྱུང་ནས་ལམ་ལ་ནན་ཏན་བྱེད་པར་གནང་
D119.053.0193a06.01ངོ་། །རིགས་ཀྱི་བུ་དགེ་སློང་ལེགས་པའི་སྐར་མ་གལ་ཏེ་རབ་ཏུ་མ་བྱུང་ན་ཡང་དགེ་བའི་རྩ་བ་གཅོད་པར་འགྱུར་ཏེ། སྐྱེ་བ་ཚད་མེད་པའི་བར་དུ་ཕན་པ་དང་བདེ་བའི་དོན་དུ་མི་འགྱུར་རོ། །ད་རབ་ཏུ་བྱུང་བས་དགེ་བའི་རྩ་བ་བཅད་མོད་ཀྱི་ཚུལ་ཁྲིམས་སྲུང་ཞིང་རྒན་རབས་
D119.053.0193a07.01