完整藏文原文 · 德格版页 当前仅加载第 53 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་བདེ་བ་མྱོང་བའི་རྐྱེན་གྱིས་ང་རྒྱལ་ཆེན་པོ་སྐྱེས་སམ། འོན་ཏེ་ཆོས་བཤད་པའི་རྐྱེན་གྱིས་ང་རྒྱལ་སྐྱེས་སམ། བརྩོན་འགྲུས་རྩོམ་པའི་རྐྱེན་གྱིས་ང་རྒྱལ་སྐྱེས་སམ། དོན་ཤེས་ཤིང་འདྲི་བ་དང་ལན་འདེབས་པ་ལ་མཁས་པའི་རྐྱེན་གྱིས་
D119.053.0152b01.01ང་རྒྱལ་སྐྱེས་སམ། མི་དགེ་བའི་བཤེས་གཉེན་དང་བསྙེན་པའི་རྐྱེན་གྱིས་ང་རྒྱལ་སྐྱེས་སམ། ནོར་དམ་པ་སྦྱིན་པ་བྱས་པའི་རྐྱེན་གྱིས་ང་རྒྱལ་སྐྱེས་སམ། འཇིག་རྟེན་ན་རིགས་ཆེན་པོ་དང་བཙུན་པའི་མི་དག་གིས་བཀུར་སྟི་བྱས་པའི་རྐྱེན་གྱིས་ང་རྒྱལ་སྐྱེས་ན། དེའི་ཚེ་ཤེས་རབ་
D119.053.0152b02.01མི་བསྒོམ་གྱི། ཏིང་ངེ་འཛིན་བསྒོམ་པར་རིག་པར་བྱ་སྟེ། དེ་ནི་བྱང་ཆུབ་སེམས་དཔའ་དུས་དང་དུས་མ་ཡིན་པ་ཤེས་པ་ཞེས་བྱའོ། །གལ་ཏེ་བྱང་ཆུབ་སེམས་དཔའ་གང་བརྩོན་འགྲུས་རྩོམ་པ་ལས་ཕན་པ་དང་། བདེ་བའི་མྱ་ངན་ལས་འདས་པ་མ་ཐོབ་པས་ཕྱིར་འགྱོད་པའི་སེམས་
D119.053.0152b03.01སྐྱེས་སམ། དབང་པོ་རྟུལ་བའི་ཕྱིར་དབང་པོ་ལྔ་གདུལ་མི་ནུས་སམ། ཉོན་མོངས་པའི་དྲི་མ་རྣམས་ཀྱི་ལྷུན་སྟུག་པོར་གྱུར་ནས་ཚུལ་ཁྲིམས་དང་། འདུལ་བ་ལ་ཐེ་ཙོམ་ཟ་ཞིང་ཉམས་པ་ན་དེའི་ཚེ་ཏིང་ངེ་འཛིན་མི་བསྒོམ་གྱི་ཤེས་རབ་བསྒོམ་པར་བྱ་སྟེ། དེ་ནི་བྱང་ཆུབ་སེམས་
D119.053.0152b04.01དཔའ་དུས་དང་དུས་མ་ཡིན་པ་ཤེས་པ་ཞེས་བྱའོ། །གལ་ཏེ་བྱང་ཆུབ་སེམས་དཔའ་གང་ཏིང་ངེ་འཛིན་དང་། ཤེས་རབ་ཀྱི་ཤས་མི་མཉམ་པ་དེའི་ཚེ་བཏང་སྙོམས་མི་བསྒོམ་པར་རིག་པར་བྱའོ། །གལ་ཏེ་མཉམ་ན་བསྒོམ་པ་ཞེས་བྱ་སྟེ། དེ་ནི་བྱང་ཆུབ་སེམས་དཔའ་དུས་དང་དུས་
D119.053.0152b05.01མ་ཡིན་པ་ཤེས་པ་ཞེས་བྱའོ། །རིགས་ཀྱི་བུ་གལ་ཏེ་བྱང་ཆུབ་སེམས་དཔའ་གང་ཏིང་ངེ་འཛིན་དང་ཤེས་རབ་བསྒོམ་པའི་ཚེ་ན་ཉོན་མོངས་པ་སྐྱེ་ན་དེའི་ཚེ་བཏང་སྙོམས་བསྒོམ་པར་མི་བྱ་སྟེ་མདོ་སྡེ་སྡེ་བཅུ་གཉིས་ཀློག་པ་དང་། འདོན་པ་དང་། ཡི་གེར་བྲིས་ཏེ་གཞན་ལ་བསྟན་ཅིང་སངས་
D119.053.0152b06.01རྒྱས་རྗེས་སུ་དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། ལྷ་རྗེས་སུ་དྲན་པ་དང་། སྦྱིན་པ་རྗེས་སུ་དྲན་པར་རིག་པར་བྱ་སྟེ། དེ་ནི་བཏང་སྙོམས་སྒོམ་པ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་ཆོས་ཀྱི་
D119.053.0152b07.01