完整藏文原文 · 德格版页 当前仅加载第 53 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་གི་བར་དུ་ཅི་ཡང་མ་ཟོས་སོ། །ཞག་བདུན་ཚང་ནས་བུ་རམ་ཟོས་སོ། །བུ་རམ་ཟོས་ནས་ཆུ་གྲང་མོ་འཐུངས་སོ། །ཆུ་གྲང་མོ་འཐུངས་མ་ཐག་ཏུ་ལྟོ་བ་ན་སྟེ་ཤི་བར་གྱུར་ཏོ། །ཤི་ནས་སློབ་པ་གཅིག་པ་རྣམས་ཀྱིས་ཡང་བོར་བཏེག་ནས་དུར་ཁྲོད་དུ་བསྐྱལ་ཏེ།
D119.053.0189a01.01སྐྱུགས་པ་ཟ་བའི་{ཡི་དགས་,ཡི་དྭགས་}སུ་གྱུར་ནས་རོའི་དྲུང་དུ་སྡོད་དོ། །དགེ་སློང་ལེགས་པའི་སྐར་མས་དེ་ལྟ་བུར་གྱུར་པ་ཐོས་ནས་དུར་ཁྲོད་དུ་རོ་གང་ན་བ་དེར་སོང་ངོ་། །དེར་ཕྱིན་པ་དང་སྡུག་བསྔལ་འགྱུར་གྱི་ལུས་དེ་{ཡི་དགས་,ཡི་དྭགས་}སྐྱུགས་པ་ཟ་བའི་ལུས་སུ་གྱུར་ནས་རོའི་དྲུང་ན་རྒུ་བོར་འདུག་
D119.053.0189a02.01པ་མཐོང་ངོ་།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། །བམ་པོ་བཞི་བཅུ་བཞི་པ། ལེགས་པའི་སྐར་མས་སྨྲས་པ། ཅི་ཁྱོད་ཤིའམ། སྡུག་བསྔལ་འགྱུར་གྱིས་སྨྲས་པ། བདག་ཤིའོ། །ཁྱོད་ཇི་ལྟར་ཤི་སྨྲས་པ། བདག་
D119.053.0189a03.01ལྟོ་བ་ན་སྟེ་ཤིའོ། །འོ་ན་ཁྱོད་ཀྱི་རོ་འདིར་སུས་བསྐྱལ་སྨྲས་པ། སློབ་པ་གཅིག་པ་རྣམས་ཀྱིས་སོ། །འོ་ན་གནས་གར་བསྐྱལ། སྨྲས་པ། ཅི་གླེན་པ་ཁྱོད་དུར་ཁྲོད་ཡིན་པར་མི་ཤེས་སམ། འོ་ན་ཁྱོད་ཀྱི་ལུས་ཇི་ལྟ་བུ་ཞིག་ཐོབ། སྨྲས་པ། བདག་ནི་སྐྱུགས་པ་ཟ་བའི་
D119.053.0189a04.01ལུས་སུ་གྱུར་ཏོ། །ལེགས་པའི་སྐར་མ་ཁྱོད་ལེགས་པར་ཉོན་ཅིག །དེ་བཞིན་གཤེགས་པ་ནི་དགེ་བར་གསུང་བ། ཡང་དག་པར་གསུང་བ། དུས་ལ་བབ་པར་གསུང་བ། དོན་ཡོད་པར་གསུང་བ། ཆོས་སུ་གསུང་བའོ། །ལེགས་པའི་སྐར་མ་དེ་བཞིན་གཤེགས་པའི་
D119.053.0189a05.01ཞལ་ནས་དེ་ལྟར་བདེན་པར་གསུང་བ་ཁྱོད་ཀྱིས་དེའི་ཚེ་ན་ཅིའི་ཕྱིར་ཡིད་མི་ཆེས། སེམས་ཅན་གང་དེ་བཞིན་གཤེགས་པས་བདེན་པར་གསུང་བ་ལ་ཡིད་མི་ཆེས་ན། དེ་ཡང་ཁོ་བོའི་ལུས་འདི་འདྲ་བ་མྱོང་བར་འགྱུར་རོ། །དེའི་ཚེ་ལེགས་པའི་སྐར་མ་དེ་ང་གང་ན་བར་འོངས་
D119.053.0189a06.01ནས་ང་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གཅེར་བུ་པ་སྡུག་བསྔལ་འགྱུར་ཚེ་འཕོས་ནས་སུམ་ཅུ་རྩ་གསུམ་གནམ་གྱི་ལྷར་སྐྱེས་སོ། །ངས་དེ་ལ་གླེན་པ་དགྲ་བཅོམ་པ་ནི་སྐྱེ་བའི་གནས་མེད་ན་ཅིའི་ཕྱིར་སྡུག་བསྔལ་འགྱུར་སུམ་ཅུ་རྩ་གསུམ་གནམ་གྱི་ལྷར་སྐྱེས་ཞེས་
D119.053.0189a07.01