完整藏文原文 · 德格版页 当前仅加载第 53 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་ཡོན་ཏན་དང་། དེ་བཞིན་གཤེགས་པའི་ཡོན་ཏན་དང་། ཉན་ཐོས་ཀྱི་ཡོན་ཏན་དང་། རང་སངས་རྒྱས་ཀྱི་ཡོན་ཏན་དང་། ཕ་རོལ་ཏུ་ཕྱིན་པ་དྲུག་དང་། ཏིང་ངེ་འཛིན་ཚད་མེད་པ་དང་། ཡེ་ཤེས་དང་ཤེས་རབ་ཚད་མེད་པ་ནི་རིན་པོ་
D119.053.0183a01.01ཆེའི་གཏེར་ཞེས་བྱ་བ་ཡིན། སེམས་ཅན་ཆེན་པོའི་གནས་ཞེས་བྱ་བ་སེམས་ཅན་ཆེན་པོ་ནི་སངས་རྒྱས་དང་བྱང་ཆུབ་སེམས་དཔའ་སྟེ། ཡེ་ཤེས་དང་ཤེས་རབ་ཆེ་བའི་ཕྱིར་སེམས་ཅན་ཆེན་པོ་ཞེས་བྱའོ། །ལུས་ཆེ་བའི་ཕྱིར་སེམས་ཆེ་བ་ཡིན་ཏེ་སེམས་ཆེ་བའི་ཕྱིར། བཀོད་
D119.053.0183a02.01པ་ཆེ་བའི་ཕྱིར། གདུལ་བ་ཆེ་བའི་ཕྱིར། ཐབས་མཁས་པ་ཆེ་བའི་ཕྱིར། ཆོས་བརྗོད་པ་ཆེ་བའི་ཕྱིར། མཐུ་སྟོབས་ཆེ་བའི་ཕྱིར། འཁོར་གྱི་དཀྱིལ་འཁོར་ཆེ་བའི་ཕྱིར། རྫུ་འཕྲུལ་ཆེ་བའི་ཕྱིར། བྱམས་པ་དང་། སྙིང་རྗེ་ཆེ་བའི་ཕྱིར། རྟག་ཏུ་མི་འགྱུར་བའི་
D119.053.0183a03.01ཕྱིར། སེམས་ཅན་ཐམས་ཅད་ལ་ཐོགས་པ་མེད་པའི་ཕྱིར། སེམས་ཅན་ཐམས་ཅད་ཤོང་བའི་ཕྱིར་དེ་བས་ན་སེམས་ཅན་ཆེན་པོའི་གནས་ཞེས་བྱ་བ་ཡིན། རོ་དང་མི་གནས་པ་ཞེས་བྱ་བ་རོ་ནི་ལོག་སྲེད་ཅན་དང་། ཕས་ཕམ་པ་བཞི་ཉམས་པ་དང་། མཚམས་
D119.053.0183a04.01མེད་པ་ལྔའི་ཁ་ན་མ་ཐོ་བ་བྱས་པ་དང་། ཤིན་ཏུ་རྒྱས་པའི་མདོ་སྡེ་ལ་སྐུར་པ་དང་། ཆོས་མ་ཡིན་པ་ལ་ཆོས་སུ་བཤད་པ་དང་། ཆོས་ལ་ཆོས་མ་ཡིན་པར་བཤད་པ་དང་། མ་བརྟགས་པའི་དངོས་པོ་བརྒྱད་འཆང་བ་དང་། སངས་རྒྱས་ཀྱི་དཀོར་དང་། དགེ་འདུན་གྱི་ནོར་ལ་
D119.053.0183a05.01ཡིད་བཞིན་དུ་ཐུགས་ཐུབ་ཏུ་སྤྱོད་པ་དང་། དགེ་སློང་དང་དགེ་སློང་མ་ལ་ཆོས་མ་ཡིན་པར་སྤྱོད་པ་ནི་ཤི་བའི་རོ་ཞེས་བྱ་བ་ཡིན་ཏེ། ཡོངས་སུ་མྱ་ངན་ལས་འདས་པའི་མདོ་སྡེ་འདི་ཡང་དེ་ལྟ་བུའི་དངོས་པོ་མང་པོ་དང་། ཡོངས་སུ་བྲལ་བས་ཤི་བའི་རོ་དང་མི་འགྲོགས་པ་
D119.053.0183a06.01ཞེས་བྱ་བ་ཡིན། མི་འཕེལ་མི་འགྲིབ་པ་ཞེས་བྱ་བ་ནི་མཐའ་ཡས་པའི་ཕྱིར། ཐོག་མ་དང་ཐ་མ་མེད་པའི་ཕྱིར། གཟུགས་མ་ཡིན་པའི་ཕྱིར། བྱ་བ་མ་ཡིན་པའི་ཕྱིར། རྟག་ཏུ་གནས་པའི་ཕྱིར། མི་སྐྱེ་མི་འགོག་པའི་ཕྱིར། སེམས་ཅན་ཐམས་ཅད་ལ་མཉམ་
D119.053.0183a07.01