完整藏文原文 · 德格版页 当前仅加载第 53 函德格 190a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲམ་ན་འདུག་གིས་དེར་འདྲིར་འདོང་ངོ་། །དེའི་ཚེ་དེ་བཞིན་གཤེགས་པ་འོད་སྲུང་དང་བཅས་ཏེ་ལེགས་པའི་སྐར་མ་གང་ན་བར་གཤེགས་སོ། །དགེ་སློང་ལེགས་པའི་སྐར་མས། བཅོམ་ལྡན་འདས་རྒྱང་ནས་གཤེགས་པ་མཐོང་ནས་སྡིག་པ་
D119.053.0190a01.01མི་དགེ་བའི་སེམས་བསྐྱེད་དོ། །མི་དགེ་བའི་སེམས་བསྐྱེད་པས། དེ་ཉིད་དུ་མཚམས་མེད་པའི་སེམས་ཅན་དམྱལ་བར་མངོན་པར་ནུབ་པར་འགྱུར་རོ། །རིགས་ཀྱི་བུ་དགེ་སློང་ལེགས་པའི་སྐར་མ། སངས་རྒྱས་ཀྱི་བསྟན་པ་ལ་ཞུགས་ཏེ། རིན་པོ་ཆེའི་
D119.053.0190a02.01ཕུང་པོ་ཚད་མེད་པར་ཕྱིན་མོད་ཀྱི། ཅི་ཡང་མ་ཐོབ་སྟེ་བག་མེད་པའི་ཕྱིར། མི་དགེ་བའི་བཤེས་གཉེན་ལ་བསྟེན་པའི་ཕྱིར་ཆུང་ངུ་ན་ཆོས་གཅིག་ཙམ་གྱི་ཕན་པའི་དོན་ཡང་མ་ཐོབ་བོ། །འདི་ལྟ་སྟེ་དཔེར་ན་མི་ཞིག་རྒྱ་མཚོར་ཞུགས་ཏེ་རིན་པོ་ཆེའི་ཕུང་པོ་མང་པོ་མཐོང་
D119.053.0190a03.01མོད་ཀྱི། ལེ་ལོའི་དབང་གིས་ལག་ཏུ་མ་ཐོབ་པ་འདྲའོ། །གཞན་ཡང་རྒྱ་མཚོར་ཞུགས་ནས་རིན་པོ་ཆེའི་ཕུང་པོ་མཐོང་མོད་ཀྱི། ཤི་བའམ་སྲིན་པོ་མ་རུངས་པས་བསད་པ་ལྟར་དགེ་སློང་ལེགས་པའི་སྐར་མ་ཡང་དེ་དང་འདྲ་སྟེ། སངས་རྒྱས་ཀྱི་བསྟན་པ་ལ་ཞུགས་
D119.053.0190a04.01མོད་ཀྱི། མི་དགེ་བའི་བཤེས་གཉེན་སྲིན་པོ་མ་རུངས་པ་དང་འདྲ་བས་བསད་པར་གྱུར་ཏོ། །རིགས་ཀྱི་བུ་དེ་བས་ན་དེ་བཞིན་གཤེགས་པས་ཐུགས་བརྩེ་བའི་སླད་དུ་དགེ་སློང་ལེགས་པའི་སྐར་མ་ནི་བག་མེད་པ་ཡིན་ནོ་ཞེས་གསུངས་སོ། །རིགས་ཀྱི་བུ་གང་སྔོན་ཡང་དབུལ་ཕོངས་
D119.053.0190a05.01དེ་ལ་སྙིང་བརྩེ་བའི་སེམས་ཡོད་མོད་ཀྱི། སྙིང་བརྩེ་བའི་བར་དུ་མི་ཆུད་དོ། །གང་སྔོན་ལོངས་སྤྱོད་དང་ལྡན་པ་ཞིག་ཕྱིས་ལོངས་སྤྱོད་མེད་དེ། དབུལ་ཕོངས་པར་གྱུར་ན། དེ་ལ་ནི་རབ་ཏུ་ཡང་སྙིང་བརྩེ་བ་ལྟར་དགེ་སློང་ལེགས་པའི་སྐར་མ་ཡང་དེ་དང་འདྲ་སྟེ། མདོ་སྡེ་སྡེ་བཅུ་གཉིས་
D119.053.0190a06.01འཆང་ཞིང་འཛིན་པ་དང་། འདོན་པ་དང་། ཀློག་པ་ཡང་བྱས། བསམ་གཏན་བཞི་ཐོབ་པ་ལས་ཉམས་པ་ནི་ཤིན་ཏུ་ཡང་ཐུགས་བརྩེ་བར་རུང་བས་དགེ་སློང་ལེགས་པའི་སྐར་མ་ནི་ཤིན་ཏུ་ཡང་བག་མེད་པར་ངས་གསུངས་སོ། །བག་མེད་པའི་ཕྱིར་དགེ་བའི་རྩ་བ་རྣམས་ཡོངས་སུ་
D119.053.0190a07.01