完整藏文原文 · 德格版页 当前仅加载第 53 函德格 332b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་ན་ཅི་ལ་གནས། །བཅོམ་ལྡན་བདག་ནི་སྡུག་བསྔལ་ཤིན་ཏུ་གདུངས། །སེམས་ཀྱང་མྱོས་ནས་ཤིན་ཏུ་བསླད་པར་གྱུར། །བདག་གིས་བཅོམ་ལྡན་དབུ་ལ་ཕྱག་འཚལ་ལམ། །འོན་ཏེ་བཅོམ་ལྡན་དཔལ་བེའུ་ལ་ཕྱག་འཚལ། །འོན་ཏེ་འཕགས་པའི་
D119.053.0332b01.01ཕྱག་ལ་ཕྱག་འཚལ་ལམ། །འོན་ཏེ་བཅོམ་ལྡན་རྐེད་པ་ལ་ཕྱག་འཚལ། །དེ་བཞིན་གཤེགས་པའི་ཞབས་ལ་ཕྱག་འཚལ་ལམ། །འོན་ཏེ་བཅོམ་ལྡན་ལྟེ་བ་ལ་ཕྱག་འཚལ། །ཀྱི་ཧུད་བཅོམ་ལྡན་མྱ་ངན་འདས་མ་མཐོང་། །བདག་ལ་ཕྱག་འཚལ་གནས་ནི་
D119.053.0332b02.01བསྟན་དུ་གསོལ། །བཅོམ་ལྡན་བཞུགས་ན་འཁོར་རྣམས་ཀུན་ལ་བདེ། །མྱ་ངན་འདས་ན་ཐམས་ཅད་སྡུག་བསྔལ་ནོན། །ཀྱི་ཧུད་ཀྱི་ཧུད་སྡུག་བསྔལ་ཤིན་ཏུ་གདུངས། །ཐུགས་རྗེ་ཆེན་པོ་ཕྱག་གནས་བསྟན་དུ་གསོལ། །དེའི་ཚེ་འོད་སྲུང་ངུས་ནས་ཚིགས་སུ་བཅད་པ་
D119.053.0332b03.01དེ་སྐད་ཅེས་སྨྲས་མ་ཐག་ཏུ། བཅོམ་ལྡན་འདས་ཐུགས་རྗེ་ཆེན་པོས་ཞབས་གཉིས་འཁོར་ལོ་རྩིབས་སྟོང་དང་ལྡན་པའི་མཚན་སྒྲོམ་གྱི་ཕྱི་རོལ་ཏུ་མངོན་པར་བསྟན་ཏེ། འཁོར་ལོ་རྩིབས་སྟོང་དང་ལྡན་པ་ལས་འོད་ཟེར་སྟོང་སྙེད་བཀྱེ་ནས་ཕྱོགས་བཅུའི་འཇིག་རྟེན་གྱི་ཁམས་ཀུན་
D119.053.0332b04.01སྣང་བར་བྱས་སོ། །དེའི་ཚེ་འོད་སྲུང་འཁོར་རྣམས་དང་བཅས་ཏེ། བཅོམ་ལྡན་འདས་ཀྱི་ཞབས་མཐོང་ནས་ཐམས་ཅད་ཀྱིས་ཕྱག་འཚལ་ཏེ་ངུས་ནས་བརྒྱལ་ལོ། །དེ་ནས་རིང་མོ་ཞིག་ལོན་ནས་ཕྱིར་སངས་ཏེ་འཁོར་དང་བཅས་པས་ཤིན་ཏུ་ངུས་ཏེ། གཡས་ནས་ལན་བདུན་
D119.053.0332b05.01བསྐོར་ནས་སངས་རྒྱས་ལ་ཕྱག་འཚལ་ཏེ། ངུ་བའི་སྒྲས་འཇིག་རྟེན་གྱི་ཁམས་ཀྱང་གཡོས་ནས། སངས་རྒྱས་ཀྱི་ཞབས་ལ་ཚིགས་སུ་བཅད་པས་འདི་སྐད་ཅེས་སྨྲས་སོ། །བདེར་གཤེགས་མཐར་ཕྱིན་ཐུགས་རྗེ་ཆེན་པོ་ནི། །སྙོམས་པར་བྱམས་པའི་འོད་ནི་གཉིས་
D119.053.0332b06.01སུ་མེད། །སེམས་ཅན་རྣམ་པར་སྨིན་ན་གར་ཡང་སྟོན། །ཞབས་གཉིས་འཁོར་ལོ་རྩིབས་སྟོང་ལྡན་པ་མཐོང་། །བདག་གིས་དང་བའི་སེམས་ཀྱིས་གུས་ཕྱག་འཚལ། །འཁོར་ལོའི་མཚན་དང་ལྡན་པའི་ཞབས་གཉིས་ལའོ། །འཁོར་ལོའི་མཚན་ལས་འོད་
D119.053.0332b07.01