完整藏文原文 · 德格版页 当前仅加载第 53 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ངས་དངོས་པོ་དེ་མཁྱེན་ནས་དགའ་བོ་ལ་བཀའ་སྩལ་པ། ད་ཟླ་བ་གསུམ་འདས་ནས་ཡོངས་སུ་མྱ་ངན་ལས་འདའོ་ཞེས་བཀའ་སྩལ་ཏོ། །མ་སྐྱེས་དགྲས་ཐོས་ནས་ང་གང་ན་བར་འོངས་ཏེ། ངས་ཆོས་བསྟན་ནས་ཁ་ན་མ་ཐོ་བ་ལྕི་བ་ཡང་སྲབ་པར་གྱུར།
D119.053.0201b01.01རྩ་བ་མེད་པའི་དད་པ་ཡང་ཐོབ་པར་གྱུར་ཏོ། །རིགས་ཀྱི་བུ་ངའི་ཉེ་གནས་རྣམས་དེ་སྐད་དུ་སྨྲས་པ་ཐོས་ནས་ངའི་དགོངས་པ་མི་ཤེས་པས་འདི་སྐད་དུ་དེ་བཞིན་གཤེགས་པ་ནི་ཡུན་དུ་མྱ་ངན་ལས་འདས་སོ་ཞེས་སྨྲའོ། །རིགས་ཀྱི་བུ་བྱང་ཆུབ་སེམས་དཔའ་ལ་རྣམ་པ་གཉིས་
D119.053.0201b02.01ཏེ། །ཡང་དག་པར་དོན་དང་ལྡན་པ་དང་། མིང་ཙམ་{བླ་དགས་,བླ་དྭགས་}སུ་བཏགས་པའོ། །དེ་ལ་མིང་ཙམ་{བླ་དགས་,བླ་དྭགས་}སུ་བཏགས་པའི་བྱང་ཆུབ་སེམས་དཔའ་ནི། ང་ཟླ་བ་གསུམ་ན་ཡོངས་སུ་མྱ་ངན་ལས་འདའོ་ཞེས་ཐོས་ནས་ཐམས་ཅད་ཕྱིར་ལྡོག་པའི་སེམས་སྐྱེས་ཏེ། འདི་
D119.053.0201b03.01སྐད་དུ་ཇི་སྟེ་དེ་བཞིན་གཤེགས་པ་ནི་མི་རྟག་ལ་མི་གནས་ན་བདག་ཅག་ལྟ་ཅི་ཞིག་བྱ། ཅིའི་ཕྱིར་དངོས་པོ་དེ་ལྟ་བུའི་ཕྱིར་ཚེ་རབས་ཚད་མེད་པའི་བར་དུ་ཉོན་མོངས་པའི་སྡུག་བསྔལ་ཆེན་པོ་མྱོང་བར་བྱ། སངས་རྒྱས་བཅོམ་ལྡན་འདས་བསོད་ནམས་ཚད་མེད་པ་དང་ལྡན་པ་ཡང་འཆི་
D119.053.0201b04.01བདག་གི་བདུད་བཅོམ་མ་ནུས་ན་བདག་ཅག་ལྟ་ཞིག་ག་ལ་ནུས་ཞེས་ཟེར་རོ། །རིགས་ཀྱི་བུ་དེའི་ཕྱིར་ངས་བྱང་ཆུབ་སེམས་དཔའ་དེ་དག་ལ་དེ་བཞིན་གཤེགས་པ་ནི་རྟག་ཏུ་གནས་པ་སྟེ་མི་འགྱུར་མི་འཕོ་བའོ་ཞེས་གསུངས་སོ། །རིགས་ཀྱི་བུ་ངའི་ཉེ་གནས་རྣམས་དེ་སྐད་དུ་གསུངས་
D119.053.0201b05.01པ་ཐོས་ནས། ངའི་དགོངས་པ་མི་ཤེས་པས་ངེས་པར་དེ་བཞིན་གཤེགས་པ་ནི་མཐར་མྱ་ངན་ལས་མི་འདའོ་ཞེས་ཟེར་རོ། །རིགས་ཀྱི་བུ་སེམས་ཅན་ཁ་ཅིག་ཆད་པར་ལྟ་བ་བསྐྱེད་ནས་འདི་སྐད་དུ་སེམས་ཅན་ཐམས་ཅད་ལུས་མེད་པའི་འོག་ཏུ་དགེ་བ་དང་མི་དགེ་བའི་ལས་མྱོང་བ་ཅི་ཡང་
D119.053.0201b06.01མེད་དོ་ཞེས་སྨྲ་སྟེ། ངས་དེ་དག་གི་ཕྱིར་དགེ་བ་དང་མི་དགེ་བའི་འབྲས་བུ་རྣམ་པར་སྨིན་པ་ནི་ཡང་དག་པར་མྱོང་བར་ཡོད་ཅེས་གསུངས་སོ། །ཡོད་པར་ཇི་ལྟར་མངོན་ཞེ་ན། རིགས་ཀྱི་བུ་སྔོན་འདས་པའི་དུས་ན་གྲོང་ཁྱེར་རྩྭ་མཆོག་ཅེས་བྱ་བ་ན་རྒྱལ་པོ་རབ་མཐོང་ཞེས་བྱ་བ་ཞིག་ཡོད་དེ།
D119.053.0201b07.01