完整藏文原文 · 德格版页 当前仅加载第 53 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། རིགས་ཀྱི་བུ་དེ་བཞིན་གཤེགས་པས་ཆེད་འགའ་ནི་རྒྱུ་ལ་འབྲས་བུར་གསུངས། ཆེད་འགའ་ནི་འབྲས་བུ་ལ་རྒྱུར་གསུངས་ཏེ། ཇི་ལྟར་འཇིག་རྟེན་པས་འཇིམ་པ་ཉིད་རྫ་མའོ། །སྐུད་པ་ཉིད་གོས་སོ་ཞེས་ཟེར་བ་དང་མཚུངས་ཏེ། དེ་ནི་རྒྱུ་ལ་འབྲས་བུར་བཤད་པའོ། །འབྲས་བུ་ལ་རྒྱུར་བཤད་པ་ནི་
D119.053.0251b01.01བ་ལང་ཉིད་ཆུ་དང་རྩྭ་སྟེ། མི་ཡང་ཟས་ཡིན་ནོ་ཞེས་བཤད་པ་ལྟ་བུའོ། །ངས་ཀྱང་དེ་ལྟར་རྒྱུ་ལ་འབྲས་བུར་བཤད་དེ། སྔར་མདོ་སྡེ་ལས་འདི་སྐད་དུ། ངས་ལུས་དང་སེམས་ཀྱིས་ཚངས་པའི་གནས་སུ་འགྲོའོ་ཞེས་བྱ་བ་ནི་རྒྱུ་ལ་འབྲས་བུར་བཤད་པའོ། །འབྲས་བུ་ལ་རྒྱུར་བཤད་པ་ནི་སྐྱེ་མཆེད་དྲུག་པོ་འདི་
D119.053.0251b02.01ཉིད་སྔོན་གྱི་ལས་ཡིན་ནོ་ཞེས་བྱ་བ་ནི་འབྲས་བུ་ལ་རྒྱུར་བཤད་པའོ། །རིགས་ཀྱི་བུ་འཕགས་པ་ཐམས་ཅད་ལ་ཡང་དག་པར་ན་ཟག་པ་མེད་པའི་འབྲས་བུ་མེད་དེ། འཕགས་པ་ཐམས་ཅད་ཀྱིས་ཡོངས་སུ་བསྒོམས་པའི་འབྲས་བུ་ཟག་པ་མི་སྐྱེ་སྟེ། དེ་བས་ན་ཟག་པ་མེད་པའི་འབྲས་བུ་ཞེས་བྱའོ། །རིགས་
D119.053.0251b03.01ཀྱི་བུ་མཁས་པ་ཤེས་རབ་ཅན་གྱིས་དེ་ལྟར་རྟོག་པ་ན་ཉོན་མོངས་པའི་འབྲས་བུ་རྣམ་པར་སྨིན་པ་ཡོངས་སུ་ཟད་པར་འགྱུར་རོ། །རིགས་ཀྱི་བུ་མཁས་པ་ཤེས་རབ་ཅན་གྱིས་དེ་ལྟར་ཉོན་མོངས་པའི་འབྲས་བུ་ཡོངས་སུ་བཅད་པའི་ཕྱིར་འཕགས་པའི་ལམ་བསྒོམ་མོ། །དེ་ལ་འཕགས་པའི་ལམ་ནི་སྟོང་པ་ཉིད་དང་། མཚན་
D119.053.0251b04.01མ་མེད་པ་དང་། སྨོན་པ་མེད་པའོ། །འཕགས་པའི་ལམ་དེ་དག་བསྒོམས་ན། ཉོན་མོངས་པའི་འབྲས་བུ་ཐམས་ཅད་ཡོངས་སུ་ཟད་པར་འགྱུར་རོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེམས་ཅན་ཐམས་ཅད་ནི་ཉོན་མོངས་
D119.053.0251b05.01པ་ལས་འབྲས་བུ་རྣམ་པར་སྨིན་པར་འགྱུར་ཏེ། ཉོན་མོངས་པ་ནི་མི་དགེ་བའོ། །མི་དགེ་བའི་ཉོན་མོངས་པ་ལས་ཉོན་མོངས་པ་སྐྱེ་བ་ཡང་མི་དགེ་བ་ཞེས་བྱ་སྟེ། དེ་ལྟར་ཉོན་མོངས་པ་དེ་ལ་རྒྱུ་དང་འབྲས་བུ་སྟེ། རྣམ་པ་གཉིས་ཡོད་དོ། །རྒྱུ་མི་དགེ་བའི་ཕྱིར་འབྲས་བུ་མི་དགེ་བ་ལ། འབྲས་བུ་མི་དགེ་བའི་ཕྱིར་
D119.053.0251b06.01ས་བོན་མི་དགེ་སྟེ། ཇི་ལྟར་ནིམ་པ་ཞེས་བྱ་བ་འབྲས་བུ་ཁ་བའི་ཕྱིར་ས་བོན་དང་། མེ་ཏོག་དང་། སྡོང་བུ་དང་། ལོ་མ་ལ་སོགས་པ་ཐམས་ཅད་ཁའོ། །ཇི་ལྟར་དུག་གི་སྡོང་པོ་ས་བོན་གདུག་པས་འབྲས་བུ་ཡང་གདུག་པ་བཞིན་དུ། རྒྱུ་ཡང་སེམས་ཅན་ལགས་ལ། འབྲས་བུ་ཡང་སེམས་ཅན་ལགས་ཏེ།
D119.053.0251b07.01