完整藏文原文 · 德格版页 当前仅加载第 53 函德格 326b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲས་སྟོང་ཆེན་པོ་ཡང་གཡོས་ཏེ། དེ་བཞིན་གཤེགས་པའི་སྤྱན་སྔར་ཕབ་ནས་མཆོད་པའི་ཡོ་བྱད་ཀྱིས་མཆོད་པ་བྱས་སོ། །དེའི་ཚེ་འཁོར་མང་པོ་རྣམས་སྐད་བརྣངས་པ་ཙམ་གྱིས་ངུས་ནས། བཀུར་སྟིར་བྱ་བའི་ཕྱིར་སོ་སོ་ནས་རས་དཀར་པོའི་སླེབ་མོས་དེ་བཞིན་གཤེགས་པའི་སྐུ་
D119.053.0326b01.01བཏེག་སྟེ། ལྕགས་ཀྱི་སྒྲོམ་གྱི་ནང་དུ་བཅུག་ནས་མར་བསུང་ཅན་གང་བར་བླུགས་ཏེ་སྒྲོམ་གྱི་ཁ་བཅད་དོ། །དེའི་ཚེ་རྩྭ་མཆོག་གི་གྲོང་ཁྱེར་གྱི་ཕོ་མོས་ཐམས་ཅད་ཀྱང་བསོད་ནམས་འདོད་པའི་ཕྱིར། དེ་བཞིན་གཤེགས་པའི་ཡོན་ཏན་འདོད་པའི་ཕྱིར་ལྷ་དང་། མི་དང་། འཁོར་མང་
D119.053.0326b02.01པོས་དེ་བཞིན་གཤེགས་པའི་པུར་སྒྲོམ་འདེགས་སུ་མ་བཅུག་གི །ཀུན་གྱིས་བགྲོས་ནས་ཟླ་མེད་པའི་གྱད་སྟོབས་པོ་ཆེ་བཞིས་འདེགས་པར་བྱས་སོ། །གྱད་བཞི་པོས་གོས་དང་རྒྱན་བཀྲོལ་ཏེ་དེ་བཞིན་གཤེགས་པའི་པུར་སྒྲོམ་འདེག་པའི་ཕྱིར་གྲོང་ཁྱེར་གྱི་ནང་དུ་འོངས་ཏེ། མཆོད་པ་
D119.053.0326b03.01བྱས་ནས་མཐུ་ཅི་ཡོད་པས་བཏེག་ཀྱང་མ་ཐེག་གོ། །དེ་ནས་གྲོང་ཁྱེར་དེའི་གྱད་སྟོབས་པོ་ཆེ་བརྒྱད་ཀྱིས་པུར་སྒྲོམ་བཏེག་པར་བྱས་ཏེ། སོ་སོའི་གོས་དང་རྒྱན་བཀྲོལ་ནས་མཆོད་པ་བྱས་ཏེ་མཐུ་ཅི་ཡོད་པས་རྩལ་ཀྱང་མ་ཐེག་གོ། །དེ་ནས་གྲོང་ཁྱེར་དེའི་སྟོབས་པོ་ཆེ་བཅུ་དྲུག་
D119.053.0326b04.01གིས་འདེག་པར་བྱས་ཏེ་གོས་དང་རྒྱན་བཀྲོལ་ནས། སངས་རྒྱས་ཀྱི་སྒྲོམ་བཏེག་པར་རྩལ་ཀྱང་ཐེག་པར་མ་གྱུར་ཏོ། །དེའི་ཚེ་མ་འགགས་པས་སྟོབས་པོ་ཆེ་རྣམས་ལ་འདི་སྐད་ཅེས་སྨྲས་སོ། །ཇི་སྟེ་གྲོང་ཁྱེར་འདིའི་ནང་གི་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ཐམས་ཅད་
D119.053.0326b05.01ཀྱིས་དེ་བཞིན་གཤེགས་པའི་པུར་སྒྲོམ་གྲོང་ཁྱེར་གྱི་ནང་དུ་བཀུར་བར་རྩོལ་ཡང་མི་ཐེག་ན། ཁྱེད་འབའ་ཞིག་གིས་མི་ཐེག་པ་ལྟ་ཅི་སྨོས་ཏེ། ཁྱེད་རྣམས་ཀྱིས་འཁོར་མང་པོ་དང་ལྷ་རྣམས་ཀྱི་སྟོབས་ཀྱིས་བསྟང་བར་གསོལ་ཏེ་སྒྲོམ་བཏེག་ན། གྲོང་ཁྱེར་དུ་བཀུར་ནུས་པར་འགྱུར་རོ་ཞེས་
D119.053.0326b06.01མ་འགགས་པས་སྨྲས་མ་ཐག་ཏུ། དེའི་ཚེ་བརྒྱ་བྱིན་ལྷའི་དབང་ཕྱུག་རིན་པོ་ཆེ་སྣ་བདུན་གྱི་གདུགས་དམ་པ་དང་། གྲངས་མེད་པའི་མེ་ཏོག་དང་། སྤོས་དང་། རྒྱལ་མཚན་དང་། བ་དན་དང་། ལྷའི་རོལ་མོ་བཤམས་ནས། ལྷའི་འཁོར་དང་བཅས་ཏེ་ཤིན་ཏུ་ངུས་ནས་ནམ་མཁའ་ལས་
D119.053.0326b07.01