完整藏文原文 · 德格版页 当前仅加载第 53 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ཐམས་ཅད་ཀྱི་ལུས་ཀྱང་དེ་དང་འདྲ་སྟེ། རྟག་ཏུ་སེམས་སྡུད་པ་ལ་བག་མེད་པར་མི་བྱའོ། །གལ་ཏེ་བག་མེད་པར་བྱས་ན་འཇིག་ཅིང་འགོག་པར་འགྱུར་རོ། །རིགས་ཀྱི་བུ་དཔེར་ན་རྫ་མ་སོ་མ་བཏང་བ་ནི་རླུང་དང་། ཆར་པ་དང་། བརྡེག་པ་
D119.053.0164a01.01དང་། འདོར་བ་དང་། མནན་པ་མི་བཟོད་དེ། སེམས་ཅན་ཐམས་ཅད་ཀྱི་ལུས་ཀྱང་དེ་དང་འདྲ་བར་བཀྲེས་པ་དང་། སྐོམ་པ་དང་། གྲང་བ་དང་། ཚ་བ་དང་། རླུང་དང་། ཆར་པ་དང་། བརྡེག་པ་དང་། འཆིང་བ་དང་། སྤྱོ་མི་བཟོད་དོ། །རིགས་ཀྱི་བུ་དཔེར་ན་ཐོར་
D119.053.0164a02.01བུ་སྐྲངས་ན་རྟག་ཏུ་བག་བྱེད་དེ། རེག་ཏུ་མི་སྟེར་རོ། །གལ་ཏེ་རེག་པ་ཞིག་ཏུ་གྱུར་ན་ན་བའི་སྡུག་བསྔལ་ཆེན་པོར་འགྱུར་ཏེ། སེམས་ཅན་ཐམས་ཅད་ཀྱི་ལུས་ཀྱང་དེ་དང་འདྲའོ། །རིགས་ཀྱི་བུ་དཔེར་ན་དྲེའུ་སྦྲུམས་ན་བདག་གི་ལུས་མེད་པར་བྱེད་དེ་སེམས་ཅན་ཐམས་ཅད་ཀྱི་
D119.053.0164a03.01ལུས་ཀྱང་དེ་འདྲ་བར་ཁོང་ན་རླུང་ནད་དང་བད་ཀན་གྱི་ནད་ཡོད་ན་སྡུག་བསྔལ་མྱོང་བར་འགྱུར་རོ། །རིགས་ཀྱི་བུ་དཔེར་ན་ཆུ་ཤིང་ལ་འབྲས་བུ་ཆགས་ན་དེ་མ་ཐག་ཏུ་སྐམས་ཏེ། སེམས་ཅན་ཐམས་ཅད་ཀྱི་ལུས་ཀྱང་དེ་དང་འདྲའོ། །རིགས་ཀྱི་བུ་དཔེར་ན་ཆུ་ཤིང་སྙིང་པོ་མེད་
D119.053.0164a04.01པ་ལྟར་སེམས་ཅན་ཐམས་ཅད་ཀྱི་ལུས་ཀྱང་དེ་དང་འདྲའོ། །རིགས་ཀྱི་བུ་དཔེར་ན་སྦྲུལ་དང་། སྲེ་མོ་ནི་རྟག་ཏུ་གཅིག་ལ་གཅིག་གནོད་སེམས་སྐྱེད་པ་ལྟར་སེམས་ཅན་གྱི་ཆེན་པོ་བཞི་ཡང་དེ་དང་འདྲའོ། །རིགས་ཀྱི་བུ་དཔེར་ན་ངང་པའི་རྒྱལ་པོ་ནི་དུར་ཁྲོད་ལ་མི་དགའ་བ་ལྟར་བྱང་ཆུབ་
D119.053.0164a05.01སེམས་དཔའ་ཡང་དེ་དང་འདྲ་སྟེ། ལུས་ཀྱི་དུར་ལ་མི་ཆགས་མི་མོས་སོ། །རིགས་ཀྱི་བུ་དཔེར་ན་རིགས་ངན་དག་རབས་བདུན་གྱི་བར་དུ་རིགས་ངན་གྱི་ལས་བྱེད་ན་ཐམས་ཅད་ཀྱིས་སྨད་པར་འགྱུར་བ་ལྟར་ལུས་ཀྱི་ས་བོན་ཡང་དེ་དང་འདྲ་སྟེ། ས་བོན་ཁུ་བ་དང་ཁྲག་ལས་གྱུར་པས་
D119.053.0164a06.01མཐར་མི་གཙང་ངོ་། །དེ་ལྟར་མི་གཙང་བའི་ཕྱིར་སངས་རྒྱས་དང་། བྱང་ཆུབ་སེམས་དཔའ་རྣམས་ཀྱིས་ཡོངས་སུ་སྨོད་དོ། །རིགས་ཀྱི་བུ་ལུས་འདི་ནི་རི་མ་ལ་ཡ་དང་མི་མཚུངས་ཏེ། ཙན་དན་དང་། མེ་ཏོག་ཨུད་པ་ལ་དང་། པུན་ད་རཱི་ཀ་དང་། ཙམ་པ་ཀ་དང་། མ་ལི་ཀ་དང་།
D119.053.0164a07.01