完整藏文原文 · 德格版页 当前仅加载第 53 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་བསམ་གྱིས་མི་ཁྱབ། སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལ་དད་པ་ཡང་བསམ་གྱིས་མི་ཁྱབ་བོ། །བྱང་ཆུབ་སེམས་དཔའ་སེང་གེ་སྒྲས་གསོལ་པ། བཅོམ་ལྡན་འདས་ཇི་ལྟར་བཅོམ་ལྡན་འདས་ཀྱིས་གསུངས་
D119.053.0177a01.01པ་ལྟར་སེམས་ཅན་ཐམས་ཅད་ཡོངས་སུ་མྱ་ངན་ལས་འདས་པའི་མདོ་སྡེ་འདི་ལ་དད་པར་ནི་བསམ་གྱིས་མི་ཁྱབ་བོ་ཞེས་གསུངས་ན། བཅོམ་ལྡན་འདས་འཁོར་གྱི་དཀྱིལ་འཁོར་འདིའི་ནང་ན་སེམས་ཅན་བྱེ་བ་ཕྲག་བརྒྱད་ཁྲི་ལྔ་སྟོང་སྙེད་མདོ་སྡེ་འདི་ལ་དད་པའི་སེམས་མི་སྐྱེ་བས་གང་
D119.053.0177a02.01མདོ་སྡེ་འདི་ལ་དད་པ་ནི་བསམ་གྱིས་མི་ཁྱབ་པའོ་ཞེས་བགྱིའམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་སེམས་ཅན་དེ་དག་ཀྱང་མ་འོངས་པའི་དུས་ན་མདོ་སྡེ་འདི་ལ་ཡིད་ཆེས་པར་འགྱུར་ཞིང་སངས་རྒྱས་ཀྱི་རང་བཞིན་མཐོང་སྟེ། བླ་ན་མེད་པ་ཡང་དག་པར་
D119.053.0177a03.01རྫོགས་པའི་བྱང་ཆུབ་ཐོབ་པར་འགྱུར་རོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། །བམ་པོ་བཞི་བཅུ་གསུམ་པ། སེང་གེ་སྒྲས་གསོལ་པ། བཅོམ་ལྡན་འདས་ཕྱིར་མི་ལྡོག་པའི་བྱང་ཆུབ་སེམས་དཔའ་དག་ཇི་ལྟར་བདག་ལ་
D119.053.0177a04.01གདོན་མི་ཟ་བར་ཕྱིར་མི་ལྡོག་པའི་སེམས་དང་ལྡན་པར་རྟོགས་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག་དཀའ་ཐུབ་སྤྱད་པའི་སེམས་ཀྱིས་བདག་ལ་བདག་བརྟགས་ན་རྟོགས་པར་འགྱུར་རོ། །འདི་
D119.053.0177a05.01ལྟ་སྟེ། །ཉིན་རེ་ཞིང་ཏིལ་འབྲུ་རེ་ལས་མི་ཟ་བར་དེ་བཞིན་དུ་ཞག་བདུན་གྱི་བར་དུ་འབྲས་ནས་སྲན་མའམ། གསོ་མའམ། ཁྲེའམ། སྲན་མ་དཀར་པོའི་བར་དུ་དེ་དང་འདྲ་བར་ཞག་བདུན་བདུན་གྱི་བར་དུ་འབྲུམ་བུ་རེ་ལས་མི་ཟ་སྟེ། ཉིན་རེ་ཞིང་འབྲུམ་བུ་རེ་ཟ་བ་ན་འདི་སྙམ་དུ་
D119.053.0177a06.01དཀའ་བ་སྤྱོད་པ་འདི་ནི་ཕན་པའི་དོན་དུ་འགྱུར་བ་མེད་དེ། ཕན་པའི་དོན་དུ་མི་འགྱུར་ཡང་དེ་ལྟར་སྤྱོད་ན་ཕན་པའི་དོན་དུ་འགྱུར་བ་མི་བྱེད་པ་ལྟ་ཅི་སྨོས་སྙམ་སེམས་ཏེ། ཕན་པའི་དོན་དུ་མི་འགྱུར་བ་ཡང་ཉམས་སུ་ལེན་ཅིང་བཟོད་པ་བྱེད་དེ། ཕྱིར་མི་ལྡོག་པར་འགྱུར་བས་ན་གདོན་
D119.053.0177a07.01