完整藏文原文 · 德格版页 当前仅加载第 53 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །དེའི་ཚེ་ན་དགེ་སློང་གྲངས་མེད་པ་ཞིག་སངས་རྒྱས་གང་ན་བར་འདོང་བ་ལས་བེའུས་མཐོང་ནས་བཙུན་པ་གར་འདོང་ཞེས་སྨྲས་སོ། །དགེ་སློང་རྣམས་ཀྱིས་སྨྲས་པ། བདག་ཅག་ནི་སངས་རྒྱས་ཀྱི་སྤྱན་སྔར་མཆིའོ། །བེའུས་ཡང་སྨྲས་པ།
D119.053.0294a01.01བཙུན་པ་དག་སངས་རྒྱས་ཀྱི་སྤྱན་སྔར་གཤེགས་ན་བེའུའི་མཆིད་ནས་ཆོས་རྣམ་པ་གཉིས་ལ་ནན་ཏན་བགྱིས་ན་བསླབ་པ་མ་མཆིས་པའི་ཤེས་རབ་ཐོབ་སྟེ། བཅོམ་ལྡན་འདས་ཀྱི་བཀའ་དྲིན་དྲན་པའི་སླད་དུ་མྱ་ངན་ལས་འདའོ་ཞེས་གསོལ་ཅིག །དེའི་ཚེ་དགེ་སློང་དེ་རྣམས་སངས་
D119.053.0294a02.01རྒྱས་གང་ན་བ་དེར་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སློང་བེའུའི་མཆིད་ནས་བདག་ནི་བསླབ་པ་མ་མཆིས་པའི་ཤེས་རབ་ཐོབ་ནས་བཅོམ་ལྡན་འདས་ཀྱི་བཀའ་དྲིན་གཟོ་བའི་སླད་དུ་མྱ་ངན་ལས་འདའོ་ཞེས་མཆིའོ། །བཅོམ་ལྡན་འདས་ཀྱིས་བཀའ་
D119.053.0294a03.01སྩལ་པ། དགེ་སློང་བེའུ་དགྲ་བཅོམ་པའི་འབྲས་བུ་ཐོབ་ཀྱིས་དེའི་ལུས་ལ་ཁྱེད་མཆོད་པ་གྱིས་ཤིག །དེའི་ཚེ་དགེ་སློང་རྣམས་སངས་རྒྱས་ཀྱི་བཀའ་བཞིན་དུ་རུས་བུ་གང་ན་བ་དེར་སོང་ནས་མཆོད་པ་ཆེན་པོ་བྱས་སོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་
D119.053.0294a04.01པོའི་མདོ། བམ་པོ་ལྔ་བཅུ་གསུམ་པ། དེའི་ཚེ་ཀུན་ཏུ་རྒྱུ་ཚེམ་བུ་ཅན་གྱིས་ཡང་འདི་སྐད་ཅེས་གསོལ་ཏོ། །གཽ་ཏ་མ་གསུང་བ་ལྟར་སྐྱེ་བ་གྲངས་མེད་པའི་བར་དུ་དགེ་བ་དང་མི་དགེ་བ་བགྱིས་པའང་ཕྱིས་མ་འོངས་པའི་དུས་སུ་ཡང་དགེ་བ་དང་མི་དགེ་བའི་ལུས་ཐོབ་པར་འགྱུར་རོ་
D119.053.0294a05.01ཞེས་བགྱིས་པ་དེ་མི་རུང་ངོ་། །དེ་ཅིའི་སླད་དུ་ཞེ་ན། གཽ་ཏ་མ་གསུང་བ་ལྟར་ཉོན་མོངས་པའི་རྒྱུ་ལས་ལུས་ཐོབ་པར་གྱུར་ཏོ་ཞེས་བགྱི་བ་ཇི་སྟེ་ཉོན་མོངས་པའི་རྒྱུ་ལས་ལུས་ཐོབ་པར་གྱུར་ན་ལུས་སྔའམ་ཉོན་མོངས་པ་སྔ། ཇི་སྟེ་ཉོན་མོངས་པ་སྔ་ན་ཅི་ལ་གནས། གང་དུ་གནས་ཅི་སྟེ་
D119.053.0294a06.01ལུས་སྔ་ན་ཉོན་མོངས་པའི་རྒྱུ་ལས་ཐོབ་ཅེས་བགྱིར་རུང་ངམ། དེ་བས་ན་ཉོན་མོངས་པ་སྔ་ཞེས་བགྱིར་ཡང་མི་རུང་ལ། ལུས་སྔ་ཞེས་བགྱིར་ཡང་མི་རུང་ངོ་། །དུས་གཅིག་གོ་ཞེས་བགྱིར་ཡང་མི་རུང་། སྔ་ཕྱི་དུས་གཅིག་ཅེས་བགྱིར་ཡང་ཆོས་མ་མཆིས་སོ། །དེ་བས་
D119.053.0294a07.01