完整藏文原文 · 德格版页 当前仅加载第 53 函德格 232a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་ནས། བསླབ་པ་མཚུངས་པའི་ནང་ན་བདག་ནི་མཆོག་ཡིན་ནོ་སྙམ་སེམས་ཏེ། དེའི་ཕྱིར་བདག་དང་འདྲ་བ་མི་དགེ་བའི་གྲོགས་དང་སྟེན་ཏོ། དེ་ལྟར་བསྟེན་པས་གཞན་ཡང་མི་ལྡན་པའི་ཆོས་ཐོས་པར་འགྱུར་རོ། །ཐོས་ནས་སེམས་དགའ་ཞིང་ཞེན་
D119.053.0232a01.01པར་འགྱུར་ཏེ། རྒྱགས་པ་དང་དྲེགས་པ་བསྐྱེད་ནས་བག་མེད་པ་མང་དུ་བྱེད་དོ། །བག་མེད་པའི་རྐྱེན་གྱིས་ཁྱིམ་པ་དང་སྟེན་ཅིང་ཁྱིམ་པའི་ལས་བྱ་བ་དག་སྨྲ་བ་དང་ཐོས་པ་ལ་མོས་ཏེ། རབ་ཏུ་བྱུང་བའི་ཆོས་རྣམ་པར་དག་པ་སྤོང་བར་འགྱུར། དེའི་རྒྱུ་དེའི་རྐྱེན་གྱིས་མི་དགེ་
D119.053.0232a02.01བའི་ཆོས་སྐྱེད་པར་འགྱུར་རོ། །མི་དགེ་བའི་ཆོས་བསྐྱེད་པའི་ཕྱིར་ལུས་དང་ངག་དང་། ཡིད་ཀྱི་སྒོ་ནས་རྣམ་པར་མ་དག་པའི་ལས་བསྐྱེད་དོ། །ལས་གསུམ་ཡོངས་སུ་མ་དག་པས་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}ཀྱི་ཁམས་བསྐྱེད་པར་
D119.053.0232a03.01འགྱུར་ཏེ། དེ་ནི་སྐད་ཅིག་བྱུང་ནས་ཕྱིར་ནུབ་པ་ཞེས་བྱའོ། །དེ་སྐད་ཅིག་བྱུང་ནས་ཕྱིར་ནུབ་ཅེས་བྱ་བ་དེའི་ཆོས་ལ་གང་དག་ཡིན་ཞེ་ན་འདི་ལྟ་སྟེ། ལྷ་སྦྱིན་དང་། དགེ་སློང་ཀོ་ཀ་ལི་དང་། དགེ་སློང་ཨཱན་ཤུ་དང་། དགེ་སློང་ལེགས་པའི་སྐར་མ་དང་། དགེ་སློང་ཏེ་ཤ་དང་།
D119.053.0232a04.01དགེ་སློང་སྐར་མ་རྒྱལ་དང་། དགེ་སློང་མ་བྱམས་མའི་ས་དང་། དགེ་སློང་མ་དགོན་མ་དང་། དགེ་སློང་མ་ཕྱོགས་མ་དང་། དགེ་སློང་མ་དྲེགས་མ་དང་། ཁྱིམ་བདག་རབ་གཙང་དང་། དགེ་བསྙེན་སྲིད་ཚོལ་དང་། ཤཱཀ་རིགས་ཤ་ལི་དང་། ཁྱིམ་བདག་བལ་གླང་
D119.053.0232a05.01དང་། དགེ་བསྙེན་མ་གྲགས་མ་དང་། དགེ་བསྙེན་མ་འོད་སྣང་དང་། དགེ་བསྙེན་མ་དགའ་མོ་དང་། དགེ་བསྙེན་མ་ཚོགས་སྡེ་དང་། དགེ་བསྙེན་མ་དྲིལ་བུ་ཞེས་བྱ་བ་དེ་དག་ལ་སོགས་པ་ནི་སྐད་ཅིག་བྱུང་ནས་ཕྱིར་ནུབ་པ་ཞེས་བྱ་སྟེ། ཇི་ལྟར་ཉ་ཆེན་པོ་སྣང་བའི་འོད་
D119.053.0232a06.01མཐོང་བའི་ཕྱིར་བྱུང་ལ། ལུས་ལྕི་བའི་ཕྱིར་ཕྱིར་ནུབ་པ་དང་འདྲའོ། །སྐྱེས་བུ་དེའི་འོག་མས་ནི་བདག་གི་མཐོང་བ་དང་སྤྱོད་པ་མི་ལྡན་པར་རྟོགས་ནས། དེ་ལྟར་མི་ལྡན་པར་རྟོགས་པའི་ཕྱིར་དགེ་བའི་བཤེས་གཉེན་ཚོལ་ཞིང་སྟེན་ཏོ། །དགེ་བའི་བཤེས་གཉེན་ལ་
D119.053.0232a07.01