完整藏文原文 · 德格版页 当前仅加载第 53 函德格 317b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་གནས་ཡོད་པ་ཡིན་ནོ། །དེ་ཅིའི་ཕྱིར་ཞེ་ན། རིང་བསྲེལ་ལ་མཆོད་པ་ནི་སངས་རྒྱས་དཀོན་མཆོག་མཆོད་པ་ཡིན་ནོ། །སངས་རྒྱས་མཐོང་བ་དེས་ནི་ཆོས་ཀྱི་སྐུ་མཐོང་ངོ་། །ཆོས་མཐོང་བ་དེས་ནི་འཕགས་པ་མཐོང་ངོ་། །འཕགས་པ་མཐོང་བ་དེས་ནི་བདེན་པ་བཞི་མཐོང་ངོ་། །བདེན་པ་བཞི་མཐོང་བ་དེས་ནི་མྱ་ངན་
D119.053.0317b01.01ལས་འདའ་བ་མཐོང་ངོ་། །དེ་བས་ན་དཀོན་མཆོག་གསུམ་ནི་རྟག་པ་གནས་པ་མི་འགྱུར་མི་འཕོ་བ་སྟེ། འཇིག་རྟེན་གྱི་གནས་དང་རྟེན་དུ་འགྱུར་བར་རིག་པར་བྱའོ། །བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ། ཁྱེད་སྡུག་བསྔལ་གྱིས་གདུངས་པར་འགྱུར་བའི་མྱ་ངན་ཆེན་པོ་མ་བྱེད་ཅིག །ང་ནི་མྱ་
D119.053.0317b02.01ངན་ལས་འདའ་བར་གཤེགས་སུ་ཉེའི། ཚུལ་ཁྲིམས་སམ། གནས་སམ། རྟག་པའམ། མི་རྟག་པའམ། དཀོན་མཆོག་གསུམ་མམ། བདེན་པ་བཞིའམ། ཕ་རོལ་ཏུ་ཕྱིན་པ་དྲུག་གམ། རྟེན་ཅིང་འབྲེལ་ཏེ་འབྱུང་བ་བཅུ་གཉིས་ལས་ཐེ་ཚོམ་དུ་གྱུར་པ་ཡོད་ན། མྱུར་དུ་དྲིས་ཤིག །འདྲི་བ་འདི་ནི་ཐ་མར་འདྲི་བ་སྟེ།
D119.053.0317b03.01སངས་རྒྱས་མྱ་ངན་ལས་འདས་ནས་འགྱོད་པ་མེད་པར་བྱའོ། །ཞེས་ལན་གསུམ་གྱི་བར་དུ་བཀའ་སྩལ་ཏོ། །དེའི་ཚེ་འཁོར་རྣམ་བཞི་ལ་སོགས་པ་མྱ་ངན་གྱིས་ཡིད་གདུངས་ཏེ། སྐད་བརྣངས་ནས་ཡི་ཆད་པ་ཙམ་དུ་ཡིད་ལ་གཅགས་ཏེ་མྱ་ངན་གྱིས་བརྒྱལ་ལོ། །སངས་རྒྱས་ཀྱི་བྱིན་གྱིས་རླབས་ཀྱིས་མཆི་མ་ཕྱུང་ནས་
D119.053.0317b04.01ཅང་མི་སྨྲ་སྟེ་ཞུ་བ་ཡང་མེད་དོ། །དེ་ཅིའི་ཕྱིར་ཞེ་ན། འཁོར་བཞི་པོ་འདི་དག་ཐམས་ཅད་ནི་ཚུལ་ཁྲིམས་དང་། གནས་དང་། དཀོན་མཆོག་གསུམ་དང་། བདེན་པ་བཞི་མངོན་སུམ་དུ་རྟོགས་ཏེ་ཐེ་ཚོམ་མེད་པར་གྱུར་ཏོ། །དེའི་ཚེ་བཅོམ་ལྡན་འདས་ཀྱིས་འཁོར་བཞི་པོ་ལ་ཐེ་ཚོམ་མེད་པར་ཐུགས་ཀྱིས་མཁྱེན་ནས་ལེགས་སོ་ཤིན་ཏུ་
D119.053.0317b05.01ལེགས་སོ། །འཁོར་བཞི་པོ་ཁྱེད་དཀོན་མཆོག་གསུམ་དང་། བདེན་པ་བཞི་ཤིན་ཏུ་རྟོགས་ཏེ་ཐེ་ཚོམ་མེད་པ་ནི་ཇི་ལྟར་ཆུ་དང་བས་དྲི་མ་བཀྲུས་པ་དང་འདྲ་སྟེ། ཁྱེད་ཀྱང་བརྩོན་འགྲུས་གྱིས་ཤིག་དང་། མྱུར་དུ་འབྱུང་བའི་ལམ་ཐོབ་པར་འགྱུར་གྱིས་བརྒྱལ་བ་ཙམ་དུ་མྱ་ངན་མ་བྱེད་ཅིག །དེའི་ཚེ་བཅོམ་ལྡན་འདས་སེང་གེའི་ཁྲི་ལ་
D119.053.0317b06.01བཞུགས་བཞིན་དུ་གསེར་ལྟ་བུའི་ཕྱག་གིས་ན་བཟའ་སྦྱར་མ་བཞག་ནས་གསེར་བཙོ་མའི་ཁ་དོག་ལྟ་བུའི་སེང་གེའི་ཐོང་ཀ་དཔལ་བེའུ་ཕྱུང་སྟེ་འཁོར་མང་པོ་རྣམས་ལ་བསྟན་ནས་ལྷ་དང་། མི་དང་། འཁོར་མང་པོ་རྣམས་ལ་ངའི་སྐུ་ཁ་དོག་གསེར་བཙོ་མ་ལྟ་བུ་ལ་ལྟོས་ཤིག་ཅེས་བཀའ་སྩལ་ཏོ།། །།
D119.053.0317b07.01