完整藏文原文 · 德格版页 当前仅加载第 53 函德格 334b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བཞེན་པའི་གནས་སུ་ལྷགས་ཏེ་ཆུས་བླུགས་ཀྱང་མེ་ཤི་བར་མ་གྱུར་གྱི་ཕྱིར་མཆེད་དོ། །དེའི་ཚེ་མ་འགགས་པས་རྒྱལ་པོ་ཆེན་པོ་བཞི་དང་། རྒྱ་མཚོའི་ལྷ་ལ་སོགས་པ་ལ་འདི་སྐད་ཅེས་སྨྲས་སོ། །ཁྱེད་སྤོས་ཆུ་ཐོགས་ཏེ་མེ་གསོད་པ་འདི་སྐུ་གདུང་འདོད་པའི་ཕྱིར་མ་ཡིན་
D119.053.0334b01.01ནམ། དེ་དག་གིས་དེ་བཞིན་ནོ་ཞེས་སྨྲས་སོ། །མ་འགགས་པས་རྒྱལ་པོ་ཆེན་པོ་བཞི་ལ་སྨྲས་པ། ཁྱེད་ནི་ཤིན་ཏུ་ཡང་འདོད་པ་ཆེའོ། །ཁྱེད་གནམ་གྱི་སྟེང་དུ་ལྷའི་ཁམས་སུ་གནས་ཏེ། སྐུ་གདུང་ཀུན་ཁྱོད་འདོད་པ་ལྟར་ལྷའི་ཁམས་སུ་བསྐུར་ན་ས་ལ་གནས་པའི་
D119.053.0334b02.01མི་རྣམས་ཀྱིས་དེར་མཆོད་པ་བྱེད་དུ་འགྲོར་རུང་ངམ། རྒྱ་མཚོའི་ལྷ་རྣམས་ལ་ཡང་འདི་སྐད་ཅེས་སྨྲས་སོ། །ཁྱེད་ནི་རྒྱ་མཚོའི་ནང་དང་གཙང་པོའི་ནང་ན་གནས་ཏེ། དེ་བཞིན་གཤེགས་པའི་སྐུ་གདུང་རིལ་གྱིས་ཁྱེད་ལ་བསྐུར་ན་ས་ལ་གནས་པའི་མི་རྣམས་ཀྱིས་ཇི་
D119.053.0334b03.01ལྟར་དེ་དག་ཏུ་མཆོད་པ་བྱ་བར་འགྱུར་ཞེས་སྨྲས་སོ། །དེའི་ཚེ་ཕྱོགས་བཞིའི་མགོན་པོ་བཞི་ཉེས་པ་བཤགས་ནས་ཕྱིར་ལྷའི་གནས་སུ་དོང་ངོ་། །དེའི་ཚེ་རྒྱ་མཚོའི་ལྷ་དང་། གཙང་པོའི་ལྷ་རྣམས་ཀྱང་ཉེས་པ་བཤགས་ནས་འཕགས་པ་ཁྱོད་གསུང་བ་བཞིན་ནོ་ཞེས་སྨྲས་
D119.053.0334b04.01ནས་ཕྱིར་གནས་སུ་དོང་ངོ་། །དེའི་ཚེ་བརྒྱ་བྱིན་ལྷའི་དབང་ཕྱུག་རིན་པོ་ཆེ་སྣ་བདུན་གྱི་བུམ་པ་དང་། མཆོད་པའི་ཡོ་བྱད་ཐོགས་ཏེ། ཞུགས་ལ་བཞེན་པའི་གནས་སུ་ལྷགས་མ་ཐག་ཏུ་མེ་ཡང་རང་ཤི་བར་གྱུར་ཏོ། །དེ་ནས་བརྒྱ་བྱིན་གྱིས་རིན་པོ་ཆེའི་པུར་སྒྲོམ་དབྱེ་ཞིང་དེ་བཞིན་
D119.053.0334b05.01གཤེགས་པའི་ཚེམས་མཆེ་བ་བསླང་བར་སྩལ་པ་ལས་མ་འགགས་པས་བརྒྱ་བྱིན་ལ་ཁྱོད་ཅི་བྱེད་ཅེས་སྨྲས་སོ། །བརྒྱ་བྱིན་གྱིས་སྨྲས་པ། བདག་དེ་བཞིན་གཤེགས་པའི་ཚེམས་མཆེ་བ་ལྷའི་འཇིག་རྟེན་དུ་མཆོད་པ་བྱའོ་ཞེས་སྨྲས་སོ། །མ་འགགས་པས་སྨྲས་པ། དེ་ལྟར་ཁྱོད་གཅིག་པུས་སྔར་
D119.053.0334b06.01བསླང་དུ་མི་རུང་གིས་འཁོར་རྣམས་ཚོགས་ཏེ་གདོད་བགོ་བར་བྱའོ་ཞེས་སྨྲས་སོ། །བརྒྱ་བྱིན་གྱིས་སྨྲས་པ། བཅོམ་ལྡན་འདས་ཀྱིས་སྔར་རིང་བསྲེལ་ཚེམས་མཆེ་བ་གཅིག་གནང་བས་ན་བདག་མཆིས་མ་ཐག་ཏུ་མེ་ཡང་རང་ཤི་བར་གྱུར་ཏོ་ཞེས་སྨྲས་ནས། རིན་པོ་ཆེའི་པུར་སྒྲོམ་ཕྱེ་སྟེ། སངས་རྒྱས་ཀྱི་འགྲམ་
D119.053.0334b07.01