完整藏文原文 · 德格版页 当前仅加载第 53 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་བདེན་པའི་ལམ་རབ་སྟོན། །ལམ་རབ་དེ་ལ་སྤྱོད་པ་དེ་དག་བདེ་བར་འགྱུར། །དེ་བས་བཅོམ་ལྡན་འདས་ནི་དེད་དཔོན་ཞེས་གྲགས་སོ། །བདག་གིས་བྱས་པ་མ་ཡིན་གཞན་གྱིས་བྱས་མ་ཡིན། །ཐུན་མོང་བྱས་པ་མ་ཡིན་རྒྱུ་རྐྱེན་བྱས་མ་ཡིན། །དེ་
D119.053.0185b01.01བཞིན་གཤེགས་ཀྱིས་སྡུག་བསྔལ་མྱོང་བ་གསུངས་པ་ནི། །མུ་སྟེགས་ཅན་གྱིས་སྨྲ་བ་ཀུན་ལས་མཆོག་ཏུ་གྱུར། །ཚུལ་ཁྲིམས་ཏིང་འཛིན་ཤེས་རབ་ཡོངས་སུ་རྫོགས་པ་ནས། །ཆོས་དེ་ཉིད་ཀྱིས་སོ་སོའི་སྐྱེ་བོ་ཀུན་ལ་སྟོན། །ཆོས་ཀྱི་སྦྱིན་པ་མཛད་པའི་དུས་ན་སེར་སྣ་
D119.053.0185b02.01མེད། །དེ་བས་བཅོམ་ལྡན་འདས་ནི་མི་དམིགས་བྱམས་པའོ། །བྱམས་པ་མེད་དེ་རྒྱུ་དང་རྐྱེན་ཡང་མེད་པས་ན། །རྒྱུ་རྐྱེན་འབྲས་བུ་མེད་པའི་རྣམ་པར་སྨིན་པ་ཐོབ། །དེ་བས་མཁས་པ་ཤེས་རབ་ལྡན་པ་ཐམས་ཅད་ཀྱིས། །དེ་བས་དེ་བཞིན་གཤེགས་ནི་རེ་བ་མེད་ཅེས་བརྗོད། །
D119.053.0185b03.01རྟག་ཏུ་འཇིག་རྟེན་བག་མེད་སྤྱོད་དང་འགྲོགས་གྱུར་ཀྱང་། །སྐུ་ལ་བག་མེད་པས་ནི་ཡོངས་སུ་འགོ་མི་འགྱུར། །དེ་བས་བསམ་གྱིས་མི་ཁྱབ་པའོ་ཞེས་བྱ་སྟེ། །འཇིག་རྟེན་ཆོས་བརྒྱད་ཀྱིས་ཀྱང་རྣམ་པར་འགོ་མི་འགྱུར། །སངས་རྒྱས་བཅོམ་ལྡན་འདས་ལ་བྱམས་དང་སྡང་མེད་དེ། །དེ་བས་དེ་ཡི་
D119.053.0185b04.01ཐུགས་ནི་རྟག་ཏུ་མཉམ་སྙོམས་པའོ། །སེང་གེ་སྒྲ་ཞེས་བགྱི་བས་ཐུགས་རྗེ་ཆེ་ལ་བསྟོད། །ཚད་མེད་པ་ཡི་སེང་གེའི་སྒྲ་ནི་སྒྲོགས་གྱུར་ཅིག །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས། བྱང་ཆུབ་སེམས་དཔའ་སེང་གེ་སྒྲ་ཞེས་བྱ་བས་ཡོངས་སུ་དྲིས་པའི་ལེའུ་སྟེ་
D119.053.0185b05.01བཅུ་གཅིག་གོ། །།དེ་ནས་བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་བཞིན་གཤེགས་པ་ནི་སེམས་ཅན་ཐམས་ཅད་ལ་ཐུགས་བརྩེ་ལགས་ཏེ། མ་དུལ་བ་ནི་དུལ་བར་མཛད། མ་དག་པ་ནི་དག་པར་
D119.053.0185b06.01མཛད། མགོན་སྐྱབས་མ་མཆིས་པ་ལ་ནི་མགོན་སྐྱབས་མཛད་དེ། རྣམ་པར་མ་གྲོལ་བ་ཡང་རྣམ་པར་དགྲོལ་བར་མཛད་ནས་དབང་དུ་འགྱུར་བ་བརྒྱད་དང་ལྡན་པ་སྨན་པ་ཆེན་པོ་སྨན་གྱི་རྒྱལ་པོ་ལྟ་བུ་ལགས་ན། དགེ་སློང་ལེགས་པའི་སྐར་མ་ཞེས་བགྱི་བ་བཅོམ་ལྡན་འདས་བྱང་ཆུབ་
D119.053.0185b07.01