完整藏文原文 · 德格版页 当前仅加载第 53 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཕུང་པོ་མ་གཏོགས་པར་བདག་ཅེས་བྱ་བ་ཡོད་དེ། བདག་ཅེས་བྱ་བ་ནི་སངས་རྒྱས་ཀྱི་རང་བཞིན་ནོ་ཞེས་ཟེར་རོ། །དེ་ཅིའི་ཕྱིར་ཞེ་ན། བདག་ཅེས་བྱ་བའི་རྒྱུ་དང་རྐྱེན་གྱིས་དེ་བཞིན་གཤེགས་པའི་དབང་སྒྱུར་བ་བརྒྱད་ཐོབ་པར་འགྱུར་རོ། །མུ་སྟེགས་ཅན་དག་ཁ་
D119.053.0174b01.01ཅིག་ནི་སོང་བ་དང་། འོང་བ་དང་། མཐོང་བ་དང་། ཐོས་པ་དང་། མྱ་ངན་དང་། དགའ་བ་དང་། སྨྲ་བ་ལ་བདག་གོ་ཞེས་ཟེར་ཏེ། བདག་ཅེས་བྱ་བའི་མཚན་ཉིད་དེ་དག་མི་རྟག་མོད་ཀྱི། དེ་བཞིན་གཤེགས་པའི་བདག་ཡང་དག་པ་ནི་རྟག་པའོ། །རིགས་ཀྱི་བུ་དཔེར་
D119.053.0174b02.01ན་ཕུང་པོ་དང་སྐྱེ་མཆེད་དང་ཁམས་མི་རྟག་མོད་ཀྱི་མིང་དུ་བཏགས་པ་རྟག་པ་ཡིན་པ་ལྟར་སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲའོ། །རིགས་ཀྱི་བུ་ཇི་ལྟར་དམུས་ལོང་དེ་དག་སོ་སོ་ནས་བལ་གླང་གི་གཟུགས་སྨྲ་བ་དེ་དག་ཐོག་ཏུ་བབ་པར་མ་སྨྲས་མོད་ཀྱི། བལ་
D119.053.0174b03.01གླང་ལས་གཞན་སྨྲས་པ་མ་ཡིན་པ་ལྟར་སངས་རྒྱས་ཀྱི་རང་བཞིན་སྨྲ་བ་ཡང་དེ་དང་འདྲ་སྟེ། ཆོས་དྲུག་པོ་མ་ཡིན་མོད་ཀྱི། ཆོས་དྲུག་ལས་གཞན་པའང་མ་ཡིན་ནོ། །རིགས་ཀྱི་བུ་དེ་བས་ན་སེམས་ཅན་གྱི་སངས་རྒྱས་ཀྱི་རང་བཞིན་ནི་གཟུགས་མ་ཡིན། གཟུགས་
D119.053.0174b04.01ལས་གཞན་པའང་མ་ཡིན་པ་ནས་བདག་མ་ཡིན། བདག་ལས་གཞན་པའི་བར་དུ་ཡང་མ་ཡིན་ནོ་ཞེས་གསུངས་སོ། །རིགས་ཀྱི་བུ་མུ་སྟེགས་ཅན་དག་ནི་བདག་ཡོད་ཅེས་སྨྲ་མོད་ཀྱི། ཡང་དག་པར་བདག་ཅེས་བྱ་བ་མེད་དོ། །སེམས་ཅན་གྱི་བདག་ཅེས་བྱ་བ་ནི་
D119.053.0174b05.01ཕུང་པོ་ལྔ་ཉིད་ལ་བྱ་སྟེ། ཕུང་པོའི་ཕ་རོལ་ན་བདག་ཅེས་བྱ་བ་ལོགས་ཤིག་ན་མེད་དོ། །རིགས་ཀྱི་བུ་དཔེར་ན་ལྕུག་མ་དང་། ལོ་མ་དང་། གེ་སར་དང་། སྡོང་བུ་འདུས་པ་ལས་པད་མོར་འགྱུར་ཏེ། དེ་དག་སྤངས་པའི་ཕ་རོལ་ན་པད་མོ་ཞེས་བྱ་བ་གཞན་མེད་པ་ལྟར་
D119.053.0174b06.01སེམས་ཅན་གྱི་བདག་ཀྱང་དེ་དང་འདྲའོ། །རིགས་ཀྱི་བུ་དཔེར་ན་རྩིག་པ་དང་། རྩྭ་དང་། ཤིང་འདུས་པ་ལས་ཁང་པ་ཞེས་བྱ་སྟེ། དེ་དག་སྤངས་པའི་ཕ་རོལ་ན་ཁང་པ་ཞེས་བྱ་བ་གཞན་མེད་དོ། །དཔེར་ན་ཤིང་སེང་ལྡེང་དང་། ཤིང་པ་ལ་ཤ་དང་། ཤིང་ནྱ་གྲོ་དྷ་དང་།
D119.053.0174b07.01