完整藏文原文 · 德格版页 当前仅加载第 42 函德格 6a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། །རྩེ་གསུམ་པ་དང་རལ་གྲི་མདུང་ཐུང་འདྲ། །མེ་ཡི་ཕུང་པོ་ཤིན་ཏུ་འབར་བ་བཞིན། །བློ་གྲོས་སྙིང་པོ་ལྡན་པས་དེ་སྐད་དུ། །སྨྲེ་སྔགས་འདོན་པའི་ཕ་དང་འཁོར་ལ་སྨྲས། །རིན་ཆེན་སྣ་བདུན་དག་ལ་མ་བལྟས་པར། །རྒྱལ་སྲིད་རྣམ་པར་སྤངས་ཏེ་རབ་ཏུ་
D60.042.0006a01.01བྱུང་། །སྦྲུལ་གྱི་ལྤགས་རྙིང་རྗེས་པ་ཅི་འདྲ་དང་། །ངར་སྣབས་རྔུས་པའི་ཐལ་བ་བཞིན་སྤངས་ཏེ། །བློ་གྲོས་སྙིང་པོ་ལྡན་པ་ཆགས་མེད་པར། །སྡིག་དང་རྣམ་པར་བྲལ་ཏེ་རབ་ཏུ་བྱུང་། །གཞོན་ནུ་དེ་ལྟར་རབ་ཏུ་བྱུང་གྱུར་ནས། །བློན་པོའི་བུ་ཞིག་རྗེས་སུ་རབ་བྱུང་བ། །མིང་
D60.042.0006a02.01ནི་ཟླ་བས་བྱིན་ཞེས་བྱ་བ་སྟེ། །བློ་གྲོས་སྙིང་པོའི་རྗེས་སུ་རབ་ཏུ་བྱུང་། །གཞོན་ནུ་དེ་ལྟར་རབ་ཏུ་བྱུང་གྱུར་ནས། །ཚངས་པའི་གནས་པ་བཞི་པོ་བསྐྱེད་ནས་ནི། །གྲོགས་དང་བཅས་པས་མངོན་པར་ཤེས་པ་ལྔ། །མ་ལུས་མཐའ་དག་བསྐྱེད་པར་བྱས་པར་གྱུར། །འདོད་པ་
D60.042.0006a03.01རྣམས་ལ་སྐྱོན་དུ་ལྟ་བས་ན། །མི་ཡི་སེང་གེ་དེ་ནི་འདོད་ཁམས་འདས། །ཚངས་པ་ཡང་དག་ཉིད་ནི་ཐོབ་བྱའི་ཕྱིར། །ཚངས་པའི་འཁོར་ལོ་རབ་ཏུ་བསྐོར་བ་བྱས། །དེ་ལྟར་གཞོན་ནུ་རབ་ཏུ་བྱུང་བས་ན། །ཕ་དེ་བུ་ལ་མ་དད་གྱུར་པ་དང་། །ཟླ་བས་བྱིན་པ་དེ་ཡི་གན་སོང་ནས། །ལེགས་
D60.042.0006a04.01པར་བཤད་པའི་ཚིག་གིས་དགའ་བར་བྱས། །འཆར་ཀ་ཁྱོད་ནི་དེ་ལ་ཇི་སྙམ་སེམས། །དེ་ཚེ་བློ་གྲོས་སྙིང་པོ་གཞན་སྙམ་འམ། །ང་ཉིད་དེ་ཡི་ཚེ་ན་དེར་གྱུར་ཏེ། །འདོད་པའི་ལོངས་སྤྱོད་དོན་དུ་གཉེར་བ་མེད། །འཆར་ཀ་ཁྱོད་ནི་དེ་ལ་ཇི་སྙམ་སེམས། །བདེན་པ་འཕེལ་བ་གཞན་
D60.042.0006a05.01ཞིག་ཡིན་སྙམ་འམ། །མི་བདག་ཟས་གཙང་འདི་ཉིད་དེ་ཡི་ཚེ། །རྒྱལ་པོ་བདེན་པ་འཕེལ་ཞེས་བྱ་བར་གྱུར། །འཆར་ཀ་ཁྱོད་ནི་དེ་ལ་ཇི་སྙམ་སེམས། །རྗེས་སུ་རབ་བྱུང་ཟླས་བྱིན་གཞན་སྙམ་འམ། །ཁྱོད་ཉིད་དེ་ཚེ་དེ་ཡི་དུས་ན་ནི། །བདེན་པ་འཕེལ་བ་དད་པར་བྱེད་པ་ཡིན། །
D60.042.0006a06.01དེ་ལྟ་བས་ན་འཆར་ཀ་ཁྱོད་ཀྱིས་འདིར། །རྒྱལ་པོ་ཟས་གཙང་དད་པ་མངོན་སྐྱེད་ཅིག །ས་སྐྱོང་བྱེད་པ་འདི་ནི་དད་གྱུར་ན། །སྐྱིད་པ་ཆེན་པོ་ཕུན་སུམ་ཚོགས་པར་འགྱུར། །དེ་ནས་ཚེ་དང་ལྡན་པ་འཆར་ཀས་བཅོམ་ལྡན་འདས་ལ་མི་སྨྲ་བར་ཁས་བླངས་སོ། །དེ་ནས་ཚེ་དང་ལྡན་པ་འཆར་ཀ་
D60.042.0006a07.01