完整藏文原文 · 德格版页 当前仅加载第 42 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཀུན་ལ་སྒོ་མེད་དེ། །དེ་དག་མེད་པས་སྒོ་མི་འབྱུང་། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་འཇུག་པར་བྱ། །ཆོས་ཀུན་བསམ་གྱིས་མི་ཁྱབ་ཅེས། །ཡང་དག་ཇི་བཞིན་བདེ་གཤེགས་བསྟན། །ཨ་ཡི་སྒོ་ཡི་གཟུངས་
D60.042.0052a01.01བསྟན་པ། །འདི་ཡང་ལྗོན་པས་ཤེས་པར་གྱིས། །ཆོས་ཀུན་ལུས་མེད་བྱང་ཆུབ་ཅེས། །བློ་ལྡན་རྣམས་ལ་ངས་བསྟན་པ། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་འཇུག་པར་བྱ། །ཆོས་རྣམས་འོང་བ་མེད་པ་སྟེ། །མེད་པས་དེ་དག་འོང་བའང་
D60.042.0052a02.01མེད། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་འཇུག་པར་བྱ། །ཆོས་རྣམས་གདགས་པ་མེད་པ་སྟེ། །མེད་པས་དེ་དག་གདགས་པ་མེད། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་འཇུག་པར་བྱ། །ཆོས་རྣམས་རང་བཞིན་མེད་པ་སྟེ། །
D60.042.0052a03.01མེད་པས་དེ་དག་རང་བཞིན་མེད། །འདི་ཡང་གཟུངས་ཀྱི་སྒོ་ཡིན་ཏེ། །བདེ་བར་གཤེགས་པས་གཟུངས་སུ་བསྟན། །གཟུངས་ཀྱི་སྒོ་མོ་ང་ལས་ཉོན། །ཆོས་ཀུན་ཡིད་ལ་བྱ་བ་མེད། །འདི་ཡང་གཟུངས་ཀྱི་སྒོ་ཡིན་སྟེ། །བདེ་བར་གཤེགས་པས་གཟུངས་སུ་
D60.042.0052a04.01བསྟན། །མེད་ཕྱིར་ཆོས་ཀུན་སྒྲིབ་མེད་ཅེས། །དེ་བཞིན་གཤེགས་པས་བསྟན་མཛད་པ། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་ཤེས་པར་བྱ། །ཆོས་ཀུན་ཐོགས་པ་མེད་པ་སྟེ། །ཐོགས་པར་བྱ་བ་དེ་མི་དམིགས། །འདི་ཡང་གཟུངས་ཀྱི་
D60.042.0052a05.01སྒོ་ཡིན་ཏེ། །ཨ་ལ་བརྟེན་ནས་འཇུག་པར་བྱ། །ཆོས་རྣམས་ཐམས་ཅད་མ་སྐྱེས་པར། །མཁས་པས་མཚན་ཉིད་གཅིག་ཤེས་བྱ། །ཆོས་རྣམས་གང་དག་མ་སྐྱེས་པ། །དེ་དག་མིང་མེད་ཤེས་པར་བྱ། །ཆོས་རྣམས་ཡང་དག་མ་ཡིན་ཏེ། །དེ་དག་མ་ལུས་རང་
D60.042.0052a06.01བཞིན་མེད། །འདི་ཡང་གཟུངས་ཀྱི་སྒོ་ཡིན་ཏེ། །ཨ་ལ་བརྟེན་ནས་ཤེས་པར་བྱ། །གང་དག་མ་སྐྱེས་མ་བྱུང་བ། །དེ་དག་མཐོང་མེད་བསྟན་པར་བྱ། །ལྟ་བ་པོ་ནི་མེད་པ་དང་། །དེ་དག་རྣམས་ཀྱང་མེད་ཕྱིར་རོ། །ཆོས་ཀུན་མཉམ་མེད་དེ་བས་ན། །མཚན་ཉིད་གཅིག་ཅིང་
D60.042.0052a07.01