完整藏文原文 · 德格版页 当前仅加载第 42 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
འབྲས་བུ་དགའ་བའི་ཡིད་ཀྱིས་ཉོན། །ཐེ་ཚོམ་སོལ་ལ་རབ་ཏུ་དགའ་བ་སྐྱེད། །བླ་ན་མེད་པའི་བྱང་ཆུབ་ཞི་ཚོལ་ཞིང་། །སྟོབས་དང་མི་འཇིགས་བཞི་པོ་གང་རྣམས་ཀྱིས། །འདྲེན་པ་འཇིགས་མེད་འགྱུར་བ་བཙལ་བའི་ཕྱིར། །འདབ་ཆགས་དབང་པོས་ང་ལ་མཆོད་ལེགས་བྱས། །མ་འདྲེས་བཅོ་བརྒྱད་ཆོས་ནི་སྨྲ་བ་ཡི། །
D60.042.0035b01.01སྲེད་མེད་བུ་ལུས་ཤིན་ཏུ་མཁྲེགས་པ་དང་། །སུམ་ཅུ་གཉིས་མཚན་དཔེ་བྱད་བཟང་པོ་རྣམས། །ཡོངས་སུ་བཙལ་ཕྱིར་ང་ལ་མཆོད་པ་བྱས། །རྒྱལ་བའི་ཚུལ་ཁྲིམས་ཏིང་འཛིན་བཙལ་བ་དང་། །གཞན་ཡང་སངས་རྒྱས་སྤྱོད་ཡུལ་ཤེས་རབ་དང་། །ཕུན་སུམ་ཞིང་དང་འགྲོ་བ་རྣམ་དགྲོལ་བ། །འདི་དག་ཀུན་བཙལ་དོན་
D60.042.0035b02.01དུ་མཆོད་པ་བྱས། །དེ་དག་ང་ལ་དགའ་བས་མཆོད་བྱས་པས། །དུད་འགྲོའི་གནས་ནས་དེ་དག་ཤི་འཕོས་ནས། །ལྷ་དང་བརྟུལ་ཞུགས་འཐུན་པར་དེ་དག་འདོང་། །འདི་ནི་ངན་སོང་སྲིད་པའི་ཐ་མ་ཡིན། །བསྐལ་པ་བྱེ་བ་གང་གཱའི་བྱེ་སྙེད་དུ། །དེ་དག་ལྷ་མིའི་ནང་ན་གནས་གྱུར་ཅིང་། །རྣམ་འདྲེན་ཁྲག་ཁྲིག་མཐའ་
D60.042.0035b03.01ཡས་མཆོད་བྱས་ནས། །དེ་དག་དབང་པོ་ཐུལ་བའི་རྒྱལ་བར་འགྱུར། །དེ་དག་ཞིང་དུ་ངན་སོང་མི་འབྱུང་སྟེ། །མི་ཁོམ་མི་འབྱུང་མཚན་དང་མི་ལྡན་མེད། །རྒྱལ་བ་དེ་དག་མཚན་ནི་ཀུན་ཏུ་མཛེས། །རི་རབ་རྒྱལ་མཚན་བསྐལ་ལ་རང་བྱུང་འགྱུར། །ལོ་ནི་བྱེ་བ་བརྒྱད་ཅུ་བཞི་བགྲངས་པར། །འཇིག་རྟེན་ཕན་ཕྱིར་
D60.042.0035b04.01འདྲེན་པ་དེ་དག་བཞུགས། །འཇིག་རྟེན་ཕན་ཕྱིར་རྣམ་འདྲེན་མཉམ་བཞག་པས། །ལུས་ཅན་རྣམས་ལ་མཉམ་པའི་དོན་མཛད་འགྱུར། །སྐྱོབ་པ་རྡུལ་མེད་གྱུར་པ་དེ་དག་གི །འདུས་པ་ང་རྒྱལ་སྤངས་པ་བརྒྱད་ཅུར་འགྱུར། །དེ་ཚེ་སྐྱོབ་པ་རྡུལ་དང་བྲལ་རྣམས་ཀྱི། །ཤིན་ཏུ་སེམས་དུལ་བྱེ་བ་བརྒྱད་ཅུ་འབྱུང་། །འདྲེན་པ་
D60.042.0035b05.01དེ་དག་འགྲོ་བའི་ང་བསལ་ཕྱིར། ཆོས་ཀྱི་འཁོར་ལོ་རབ་ཏུ་སྐོར་བར་འགྱུར། །མི་དག་དེ་ལྟར་འདི་རྣམས་ང་རྒྱལ་ཆེ། །འདབ་{བཟངས་,བཟང་}ལུས་སུ་གྱུར་ནས་སྟོབས་པོ་ཆེ། །འདི་དག་སྔོན་ཚེ་འདས་པའི་དུས་ཤིག་ན། །དྲང་སྲོང་དཀའ་ཐུབ་དྲག་པོའི་ཚོགས་ཅན་གྱུར། །སྟོང་ཕྲག་བརྒྱད་ཅུ་རྩ་དྲུག་ཚང་བ་སྟེ། །དཀའ་ཐུབ་སྤྱོད་
D60.042.0035b06.01དེ་རྫུ་འཕྲུལ་ཕུན་སུམ་བཙལ། །དེ་དག་རྫུ་འཕྲུལ་ཐོབ་ནས་ང་རྒྱལ་གྱིས། །དགའ་བས་དཀའ་ཐུབ་དྲག་དང་ལྡན་པར་གྱུར། །ཚུལ་ཁྲིམས་མ་ཞིག་དེ་དག་ནགས་འདབ་ཏུ། །ཚེ་ཟད་ཤི་འཕོས་གྱུར་ཏེ་ལུས་ཀྱང་ཞིག །ང་རྒྱལ་དེས་ནི་མཁའ་ལྡིང་མཁའ་འགྲོར་གྱུར། །རྫུ་འཕྲུལ་སེམས་ཀྱིས་རྫུ་འཕྲུལ་ལྡན་པར་སྐྱེས། །ཚུལ་
D60.042.0035b07.01