完整藏文原文 · 德格版页 当前仅加载第 42 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ནི། །ཡིད་གཉིས་ཆེན་པོ་འཚལ་གྱུར་ཏེ། །ཀུན་ཀྱང་ཐེ་ཚོམ་འཚལ་བར་གྱུར། །དེ་རིང་སུ་ཡིས་བདུད་ཕམ་བགྱིས། །ནེམ་ནུར་གང་གིས་བཅད་པར་གྱུར། །སུ་ཞིག་དེ་རིང་ཆོས་རྟོགས་གྱུར། །སྐྱེས་བུ་མཆོག་གིས་ལུང་བསྟན་གསོལ། །དེ་རིང་ཁྱོད་ལ་སུ་
D60.042.0057a01.01ཡིས་མཆོད། །སྟོན་པ་གང་གིས་བསྙེན་བཀུར་བགྱིས། །འགྲོ་ཀུན་ནེམ་ནུར་འཚལ་གྱུར་ན། །རྣམ་པར་འདྲེན་པས་ལུང་བསྟན་གསོལ། །ཇི་ལྟར་རྐང་གཉིས་མཆོག་ཁྱོད་ཀྱིས། །ལུང་བསྟན་འདི་དག་ཐོས་གྱུར་ན། །འགྲོ་བ་ཐེ་ཚོམ་འཆད་འགྱུར་བ། །འདྲེན་པས་དེ་
D60.042.0057a02.01ལྟར་ལུང་བསྟན་གསོལ། །ཅི་ནས་རྣམ་པ་ཐམས་ཅད་དུ། །ཀུན་མཁྱེན་ལམ་ལ་གནས་པ་རྣམས། །མྱུར་དུ་བྱང་ཆུབ་ཐོབ་འགྱུར་བ། །དེ་ལྟར་འདྲེན་པས་བསྟན་དུ་གསོལ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་རྟ་ཐུལ་ལ་ཚིགས་སུ་བཅད་དེ་སླར་བཀའ་སྩལ་
D60.042.0057a03.01པ། འགྲོ་བ་རྣམས་ལ་ཕན་པའི་ཕྱིར། །རྫོགས་པའི་སངས་རྒྱས་མགོན་པོ་ལ། །འཛུམ་པའི་རྒྱུ་རྣམས་དྲི་བྱ་ཞེས། །རྟ་ཐུལ་ཁྱོད་ཀྱིས་དྲིས་པ་ལེགས། །འཇིག་རྟེན་ཀུན་ལ་ཕན་པའི་ཕྱིར། །བསྟན་པ་ཡིད་དུ་འོང་འགྱུར་ཞིང་། །ཉམས་དགའ་བྱེད་པ་དེ་བཤད་ཀྱིས། །
D60.042.0057a04.01དྲན་པ་མངོན་བྱོས་མཉན་པར་གྱིས། །དགུ་ཁྲི་ཐམ་པའི་ལྷ་རྣམས་ཀྱིས། །མཆོད་པའི་རྣམ་པ་འདི་ལྟ་བུ། །དེ་རིང་དེ་བཞིན་གཤེགས་པ་ལ། །ཤིན་ཏུ་དང་བའི་ཡིད་ཀྱིས་བྱས། །སངས་རྒྱས་མངོན་པར་བསྟོད་པ་བྱས། །སྟོང་པ་ཉིད་ཀྱང་ཤེས་པར་གྱུར། །ཆོས་རྣམས་
D60.042.0057a05.01ལ་ནི་ངེས་པ་རྙེད། །ང་ཡི་བསྟན་ལ་རབ་ཏུ་གནས། །སྔོན་ཡང་སངས་རྒྱས་བྱེ་བ་ཕྲག །བརྒྱད་ཅུ་དག་ལ་འདི་དག་མཆོད། །མ་འོངས་དུས་ནའང་སངས་རྒྱས་ནི། །བྱེ་བ་མཐའ་ཡས་མཆོད་པར་འགྱུར། །འདྲེན་པ་དེ་དག་ཇི་སྲིད་དུ། །སངས་རྒྱས་བྱེ་བ་མ་མཆོད་ཅིང་། །བསྙེན་
D60.042.0057a06.01བཀུར་བྱས་པར་མ་གྱུར་པ། །དེ་སྲིད་བྱང་ཆུབ་འཚང་མི་རྒྱ། །དེ་བས་ཤིན་ཏུ་འཕྱི་བ་ན། །ཀུན་ཀྱང་གང་ཟག་མཆོག་ཏུ་འགྱུར། །མཚན་ནི་འོད་ཟེར་འཆང་བ་སྟེ། །འཇིག་རྟེན་ཀུན་མཁྱེན་ཐུབ་པར་འགྱུར། །འཇིག་རྟེན་སྒྲོན་མ་དེ་དག་གི །ཉན་ཐོས་འདུས་པར་འགྱུར་བ་ནི། །བློ་
D60.042.0057a07.01