完整藏文原文 · 德格版页 当前仅加载第 42 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ། འདོད་པའི་འདམ་ལས་རྒལ་བ་སྟེ། །སྲིད་པའི་འདམ་ལས་དེ་བཞིན་རྒལ། །གཟིགས་པ་མི་མངའ་ལེན་མི་མངའ། །ཡང་སྲིད་ཟད་ལ་ཕྱག་ཀྱང་འཚལ། །ལྷའི་བུ་ཟང་ཟིང་སྤངས་ཀྱིས་གསོལ་པ། ཟང་ཟིང་སྤངས་ཤིང་དྲི་མ་སྤངས། །རེ་བ་
D60.042.0112a01.01སྤངས་ཤིང་སྡིག་པའང་སྤངས། །སངས་རྒྱས་སྒྲིབ་པ་རྣམ་སྤངས་པ། །དོན་རྟོགས་ཁྱོད་ལ་ཕྱག་ཀྱང་འཚལ། །ལྷའི་བུ་རེ་བ་སྤངས་པས་གསོལ་པ། དོན་དང་དོན་མ་ལགས་པ་སྤངས། །ཆགས་པ་མི་མངའ་ངེས་རྟོགས་པ། །བདུད་ཀྱི་ཞགས་ལས་རྣམ་འདས་པ། །ལེན་
D60.042.0112a02.01མེད་ཁྱོད་ལ་ཕྱག་ཀྱང་འཚལ། །ལྷའི་བུ་ཕན་པར་འདོད་པས་གསོལ་པ། བདག་ཉིད་དང་ནི་གཞན་རྣམས་ཀྱི། །ལམ་གང་ཉོན་མོངས་རིམས་མེད་པ། །སྒྲིབ་པ་མེད་པར་གཟིགས་པ་པོ། །དཔའ་ཆེན་ཁྱོད་ཀྱིས་དེ་ཡང་གཟིགས། །ལྷའི་བུ་གྲགས་པ་ཐོབ་པས་གསོལ་པ།
D60.042.0112a03.01འདྲེན་པ་འཇིག་རྟེན་རྣམ་གྲགས་པ། །ཁྱོད་ཀྱི་མཁྱེན་ལ་བརྩོན་པ་རྣམས། །ཇི་སྐད་བསྟན་བཞིན་རབ་རྟོག་ན། །ཉོན་མོངས་རྣམས་ནི་ནུབ་པར་འགྱུར། །ལྷའི་བུ་འཇིགས་པ་མེད་པས་གསོལ་པ། ཆོས་རྣམས་ཀུན་ལ་ངེས་པས་ན། །སྔོ་བ་གང་ཡང་ཡོང་མ་གཟིགས། །ཡེ་
D60.042.0112a04.01ཤེས་རྒྱ་མཚོ་མི་བསྙེངས་པར། །སེང་གེའི་སྒྲ་ནི་སྒྲོག་པ་མཛད། །ལྷའི་བུ་གང་ནས་ཀྱང་འཇིགས་པ་མེད་པས་གསོལ་པ། འཇིགས་པ་ཀུན་ལས་ཡང་དག་རྒལ། །ཟུག་རྔུ་ཐམས་ཅད་ཀུན་ཏུ་བཏོན། །བསྙེངས་པ་མི་མངའ་ཞུམ་མི་མངའ། །ཐམས་ཅད་ཟིལ་གནོན་ཕྱག་
D60.042.0112a05.01ཀྱང་འཚལ། །ལྷའི་བུ་གནས་མེད་ཀྱིས་གསོལ་པ། །ལྷ་རྣམས་དང་ནི་དྲི་ཟ་དང་། །བདུད་དང་ཚངས་པར་བཅས་པ་ཡིས། །ཁྱོད་ཀྱི་ཆོས་ལ་རྒལ་མི་ནུས། །དེ་བས་ཁྱོད་ལ་བསྙེངས་མི་མངའ། །ལྷའི་བུ་སེང་གེའི་རྩལ་གྱིས་གསོལ་པ། ཆོས་རྣམས་ཐམས་ཅད་ཡོངས་
D60.042.0112a06.01མཁྱེན་པས། །སངས་རྒྱས་གྱུར་ལ་འཇིགས་མི་མངའ། །བདག་ལ་ཆོས་ཀྱིས་སུ་རྒོལ་ཞེས། །བདེ་གཤེགས་ཁྱོད་ལ་དོགས་མི་མངའ། །ལྷའི་བུ་སྐྲག་མེད་ཀྱིས་གསོལ་པ། སེང་གེ་རི་སུལ་གནས་པ་ནི། །འཇིགས་པ་མ་མཆིས་སྐྲག་མ་མཆིས། །{རི་དགས་,རི་དྭགས་}ཕྲ་མོ་
D60.042.0112a07.01