完整藏文原文 · 德格版页 当前仅加载第 42 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱད་པར་དུ་འཕགས་པའི་ལོངས་སྤྱོད་གཞན་འགའ་ཞིག་ཡོད་དམ་མེད་སྙམ་ནས་དེ་འདི་སྙམ་དུ་སེམས་ཏེ། བདག་གིས་སུམ་ཅུ་རྩ་གསུམ་པའི་ལྷ་ཞེས་བྱ་བ་རི་རབ་ཀྱི་རྩེ་མོ་ལ་གནས་པ་དག་ཅིག་ཡོད་ཅེས་ཐོས་ན་དེ་དག་གི་ལོངས་སྤྱོད་དེ་ཅི་འདྲ་བ་ཞིག་ཡོད་སྙམ་མོ། །
D60.042.0158a01.01དེ་ནས་རྒྱལ་པོ་སའི་ལྷ་དེ་འདོད་པ་དེ་མ་སྤངས་པའི་ཕྱིར་མིའི་ལོངས་སྤྱོད་ལ་ནི་སྨོད། ལྷའི་ལོངས་སྤྱོད་ལ་ནི་སྨོན་ཅིང་འདི་སྙམ་དུ་འོ་ན་བདག་སུམ་ཅུ་རྩ་གསུམ་པའི་གནས་སུ་འགྲོ་བར་བྱའོ་སྙམ་དུ་སེམས་བསྐྱེད་པར་གྱུར་ཏོ། །རྒྱལ་པོ་ཆེན་པོ་སའི་ལྷ་དེས་སེམས་བསྐྱེད་མ་ཐག་ཏུ་དཔུང་གི་
D60.042.0158a02.01ཚོགས་ཡན་ལག་བཞི་པ་དང་ལྷན་ཅིག་ཏུ་རིའི་རྒྱལ་པོ་རི་རབ་ཀྱི་རྩེ་མོ་ལ་ཕྱིན་པར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོ་སའི་ལྷ་རྒྱང་རིང་པོ་ནས་འོང་བ་མཐོང་ནས་འདི་སྐད་ཅེས་སྨྲས་ཏེ། རྒྱལ་པོ་ཆེན་པོ་ཚུར་སྤྱོན། རྒྱལ་པོ་ཆེན་པོ་བྱོན་པ་ལེགས་སོ་ཞེས་སྟན་གྱི་ཕྱེད་ལ་
D60.042.0158a03.01བདར་ཏེ། རྒྱལ་པོ་ཆེན་པོ་གང་གི་དུས་ལ་དབབ་པར་མཁྱེན་ན་སྟན་འདི་ལ་བཞུགས་ཤིག་ཅེས་སྨྲས་པ་དང་། རྒྱལ་པོ་སའི་ལྷ་ཡང་བརྒྱ་བྱིན་གྱི་སྟན་ཕྱེད་ལ་འདུག་སྟེ། དེས་དེར་ལོ་བརྒྱ་སྟོང་ཕྲག་མང་པོར་སུམ་ཅུ་རྩ་གསུམ་པའི་ལྷའི་ནང་དུ་རྒྱལ་སྲིད་ཀྱི་དབང་ཕྱུག་ཕྱེད་ལ་དབང་བྱས་
D60.042.0158a04.01སོ། །དེ་ཡུན་རིང་པོ་འདས་པའི་དུས་ཤིག་ན་འདོད་པ་ཆེན་པོའི་དབང་གིས་འདི་སྙམ་དུ་སེམས་པར་གྱུར་ཏེ། ཀྱེ་མ་བདག་གིས་སུམ་ཅུ་རྩ་གསུམ་པའི་ལྷའི་ནང་དུ་རྒྱལ་སྲིད་ཀྱི་དབང་ཕྱུག་ཐམས་ཅད་ལ་དབང་བྱའོ་སྙམ་པ་དང་། སེམས་བསྐྱེད་མ་ཐག་ཏུ་ལྷའི་དབང་པོ་བརྒྱ་བྱིན་གྱི་
D60.042.0158a05.01སྟན་ཕྱེད་ལས་ཉམས་ནས་ཕྱིར་འཛམ་བུའི་གླིང་གི་གྲོང་ཁྱེར་བདེ་བའི་ཁྱིམ་ཞེས་བྱ་བར་གནས་པར་གྱུར་ཏོ། །དེ་ལྟའི་གཟི་བརྗིད་དང་ལྡན་པ་ལས་འཛམ་བུའི་གླིང་དུ་གནས་པར་གྱུར་བས་མིའི་གཟི་བརྗིད་མི་བཟོད་པར་གྱུར་ནས་དེ་བྱིང་ཞིང་མི་གནས་པར་གྱུར་ཏོ། །དེ་ནས་རྒྱལ་པོ་སའི་
D60.042.0158a06.01ལྷ་ས་ལ་འབྱིང་བ་ན་དེའི་ཚེ་ཚིགས་སུ་བཅད་པ་འདི་དག་སྨྲས་སོ། །རྒྱལ་སྲིད་དབང་ཕྱུག་རྒྱ་ཆེན་གྱིས། །འདོད་ལ་སྲེད་པ་ཞི་མི་འགྱུར། །མེ་ལ་རྩྭ་ཤིང་ཇི་བཞིན་ཏེ། །དེ་བས་འདོད་པ་རྣམ་པར་སྤང་། །ཡུན་རིང་རྒྱུད་ཀྱི་འདོད་པ་ལ། །བསྟེན་ན་ངོམས་པར་མི་འགྱུར་ཏེ། །སྐོམ་
D60.042.0158a07.01