完整藏文原文 · 德格版页 当前仅加载第 42 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བའི་ཏིང་འཛིན་རྣམ་པར་སྦྱངས། །ཤེས་རབ་བརྩོན་འགྲུས་སྟོབས་ཀྱང་འབར་བར་བྱས། །ཐུགས་རྗེ་ལྡན་རྣམས་དྲུང་དུ་བཟོད་པ་བསྟེན། །བྱང་ཆུབ་དམ་པ་བཙལ་ནས་ཡུན་རིང་དུ། །ཕ་རོལ་ཕྱིན་པ་དྲུག་ལ་བློ་ཡང་ཞུགས། །རྒྱལ་བ་དགྲ་ལས་རྒྱལ་ལ་ཞུ་བ་
D60.042.0127a01.01ཞུས། །སངས་རྒྱས་བརྒྱ་འགྲངས་དག་ལ་ཡིད་དགའ་བྱས། །དེ་དག་སྡིག་པའི་གྲོགས་ཀྱི་དབང་གིས་ནི། །ལྟ་བའི་རྣམ་པ་སྡུག་ལ་གནས་གྱུར་པ། །དེ་དག་བདེ་གཤེགས་རང་བྱུང་མཐོང་གྱུར་ནས། །ཆགས་པ་མེད་པས་ལྟ་བའི་རྣམ་པ་སྤངས། །སྟོན་པའི་དགོངས་པ་ཡང་དག་རྣམ་
D60.042.0127a02.01པར་རྟོགས། །སྟོན་པའི་དགོངས་པ་རྣམས་ལ་དད་པ་གནས། །མ་འོངས་དུས་ན་བྱང་ཆུབ་ཚོལ་བྱེད་ཅིང་། །རྒྱལ་བ་བྱེ་བ་བསྙེན་བཀུར་བྱེད་པར་འགྱུར། །མ་འོངས་བསྐལ་པ་སྐར་མ་འདྲ་བ་ལ། །རྒྱལ་བ་ང་རྒྱལ་བཅོམ་པར་མཚན་འཐུན་པར། །གྲགས་པ་ཆེན་པོར་ཕྱོགས་སུ་རྣམ་པར་
D60.042.0127a03.01གྲགས། །འཇིག་རྟེན་མཁས་པ་འགྲོ་བ་འགྲེལ་པར་འགྱུར། །དེ་དག་སངས་རྒྱས་ཞིང་ཡང་དག་འགྱུར་ཏེ། །དེ་དག་བཀོད་པ་སྣ་ཚོགས་མཚུངས་པ་མེད། །སངས་རྒྱས་ཞིང་དེར་སྡིག་པའི་བློ་ཅན་མེད། །བློ་གྲོས་དག་པར་འཐུན་པ་ཤ་སྟག་གནས། །དེ་ནི་ངན་སོང་ཐམས་ཅད་རྣམ་པར་སྦྱངས། །
D60.042.0127a04.01མི་ཁོམ་བསལ་ཏེ་དུས་དེའི་ཐ་མ་ལ། །རྒྱལ་བ་དེ་དག་སྐུ་ཚེའི་སྟོབས་ལྡན་ཏེ། །ལོ་ནི་སྟོང་ཕྲག་བརྒྱད་ཅུ་ཐུབ་པར་འགྱུར། །མི་དེ་དག་གིས་བྱང་ཆུབ་འདི་ཐོས་ནས། །དེ་ཚེ་མི་མཉེས་པར་ནི་བྱེད་མི་འགྱུར། །ཆགས་མེད་བློ་མངའ་རྣམས་ཀྱི་མཚན་ཐོས་ན། །བུད་མེད་རྣམས་ཀྱང་སྐྱེས་
D60.042.0127a05.01པའི་ལུས་ཐོབ་འགྱུར། །དེ་ལྟར་ང་བཅོམ་རྒྱལ་བ་དྲང་སྲོང་ཆེ། །སྟོན་པས་མུ་སྟེགས་ལུང་བསྟན་བཀའ་སྩལ་པ། །དེ་ཐོས་གྱུར་ནས་ལྷར་བཅས་འཇིག་རྟེན་རྣམས། །ཡི་རངས་གྱུར་ཅིང་སྟོབས་ཀྱང་སྐྱེས་པར་གྱུར། །མུ་སྟེགས་ཅན་ལུང་བསྟན་པའི་ལེའུ་སྟེ་ཉི་ཤུ་ལྔ་པའོ།། །།
D60.042.0127a06.01དེ་ནས་རྒྱལ་པོ་ཟས་གཙང་མ་འཁོར་དང་བཅས་པས་ལྷ་མ་ཡིན་རྣམས་དང་། ནམ་མཁའ་ལྡིང་རྣམས་ནས་ཀུན་ཏུ་རྒྱུ་རྣམས་ཀྱི་བར་གྱི་ལུང་བསྟན་པ་ཐོས་ནས་འདི་སྙམ་དུ་སེམས་པར་གྱུར་ཏེ། འདི་ལྟར་བཅོམ་ལྡན་འདས་ཀྱིས་ལེགས་པར་གསུངས་པས་འགྲོ་བ་ཐམས་ཅད་ཚིམ་པར་བྱས་པ་ནི་
D60.042.0127a07.01