完整藏文原文 · 德格版页 当前仅加载第 42 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་བསྟན་ལ་ཐེ་ཚོམ་མ་མཆིས་སོ། །གང་རྣམས་འགྲོ་བ་ཀུན་ལ་བདེ་ཕན་ཕྱིར། །རྒྱལ་བའི་བྱང་ཆུབ་སྤྱད་སྤྱོད་བག་ཡོད་པའི། །བྱང་ཆུབ་སེམས་དཔའ་བདེ་གཤེགས་སྲས་དག་ཀྱང་། །ཁྱད་པར་མ་མཆིས་སྤྲུལ་པ་འདི་དང་འདྲ། །བདེ་གཤེགས་རང་བྱུང་རྣམ་པར་འདྲེན་
D60.042.0059b01.01པ་མཆོག །སྟོབས་བཅུ་ཤེས་རབ་མཐའ་ཡས་ཐུགས་རྗེ་ཅན། །ཡེ་ཤེས་སྟོབས་འཕགས་འཇིག་རྟེན་གཙོ་བོ་དག །སྤྲུལ་པ་འདི་འདྲ་དེ་དག་རང་བཞིན་མཚུངས། །འདྲེན་པས་འདི་ལ་ཆོས་རྣམས་གང་གསུངས་པ། །གནས་མེད་ཞི་བསིལ་ཉོན་མོངས་མེད་གྱུར་ཅིང་། །སྡུག་
D60.042.0059b02.01བསྔལ་ཞི་བྱེད་མཐར་ཐུག་གྲངས་མེད་པ། །དེ་ཡང་སྤྲུལ་པ་འདི་དག་ཇི་བཞིན་ནོ། །བཅོམ་ལྡན་འདི་ལ་ཆོས་རྣམས་གང་དག་ཀྱང་། །སྤྲུལ་པའི་རང་བཞིན་མ་ལགས་དེ་མ་མཆིས། །གང་ཚེ་གཽ་ཏ་མའི་བསྟན་པ་འདི། །བདག་ཅག་རྟོགས་ནས་ཐེ་ཚོམ་ཐམས་ཅད་
D60.042.0059b03.01སྤངས། །སྤྲུལ་པ་འདི་འདྲར་ཆོས་རྣམས་ཀུན་མཐོང་ནས། །བདག་ཅག་རྣམས་ཀྱང་འཇིག་རྟེན་མགོན་པོར་འགྱུར། །བདེ་གཤེགས་སྤྱོད་ཡུལ་འདི་ལ་སྤྱོད་པའི་རྣམས། །ཐེ་ཚོམ་མ་མཆིས་རང་བྱུང་འདྲེན་པར་འགྱུར། །དེ་ནས་བཅོམ་ལྡན་འདས་ཀྱིས་དེའི་ཚེ་སུམ་ཅུ་རྩ་
D60.042.0059b04.01གསུམ་རིས་ཀྱི་ལྷའི་བུ་བྱེ་བ་ཕྲག་བརྒྱད་ཅུ་པོ་དེ་དག་གི་ལྷག་པའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས་བཅོམ་ལྡན་འདས་ལ་ཚིགས་སུ་བཅད་དེ་གསོལ་པ། གཞལ་ཡས་གྲགས་མངའ་མཐའ་ཡས་གཟི་བརྗིད་ཅན། །བདེ་གཤེགས་
D60.042.0059b05.01རྣམས་ནི་རྒྱུ་མེད་འཛུམ་མི་མཛད། །རྣམ་པར་འདྲེན་པས་འདིར་ནི་འཛུམ་མཛད་ན། །རྒྱལ་བས་འཛུམ་པའི་ཚིག་གསུངས་ཐེ་ཚོམ་ཁུམ། །རང་བྱུང་བདེ་གཤེགས་ཞལ་ནས་འཛུམ་པ་འདི། །བྱུང་བར་རིག་ནས་འཇིག་རྟེན་ཐེ་ཚོམ་འཚལ། །འགྲོ་བའི་ཐེ་ཚོམ་ཐུབ་པས་བསལ་དུ་
D60.042.0059b06.01གསོལ། །འགྲོ་བ་འདི་དག་ཐེ་ཚོམ་མ་མཆིས་མཛོད། །ལྷ་ཚོགས་འདི་དག་རབ་ཏུ་ཡིད་དགའ་བས། །རྒྱལ་བ་བསྟོད་དེ་ལྷ་རྫས་རྣམས་ཀྱིས་མཆོད། །བདེ་གཤེགས་དེ་དག་དོན་དུ་འཛུམ་པ་མཛད། །རྒྱལ་བ་འཁོར་འདི་དགའ་མཛད་བཀའ་སྩལ་གསོལ། །ཟླ་ལྟར་དྲི་མེད་འོད་
D60.042.0059b07.01