完整藏文原文 · 德格版页 当前仅加载第 42 函德格 53b 版页；藏文 NFD、目录标记与异常页序保留在来源切片中，重复版页行以稳定序号区分。
ཡེ་ཤེས་མཐོང་བ་སྒྲིབ་མེད་པ། །བདེ་གཤེགས་ཡེ་ཤེས་ངོ་མཚར་ཅན། །དེ་ཁྱོད་དང་བའི་ཡིད་བྱོས་ལ། །སྐྱོ་མེད་ཡིད་ཀྱིས་ང་ལ་ཉོན། །འཇིག་རྟེན་ཕན་དང་བདེ་བའི་ཕྱིར། །ལྗོན་པས་ཐེ་ཚོམ་གང་དྲིས་པ། །དེ་ཡི་འབྲས་བུ་བརྗོད་པར་བྱས། །ཐེ་ཚོམ་གཅད་པ་ང་ལས་
D60.042.0053b01.01ཉོན། །ལྗོན་པ་ལ་སོགས་མིའམ་ཅི། །བྱེ་བ་ཕྲག་བརྒྱད་འདིར་ལྷགས་པ། །དེ་དག་ང་ལ་མཆོད་བྱས་ནས། །འདི་ནས་ཤི་འཕོས་མཐོ་རིས་འདོང་། །བསྐལ་པ་བྱེ་བ་དགུ་བཅུ་དེར། །ལྷ་མིའི་ནང་དུ་འཁོར་བར་འགྱུར། །མངོན་པར་ཤེས་པ་ལྔ་བསྒོམས་ནས། །སེམས་
D60.042.0053b02.01ལ་དབང་སྒྱུར་དབང་ལྡན་འགྱུར། །མི་ཡི་སེང་གེ་དེ་དག་གིས། །སངས་རྒྱས་ཞིང་ཕྲག་ཁྲག་ཁྲིག་ཏུ། །སྤྲུལ་བཀྱེ་རང་ནི་ལྷ་གནས་ན། །བསམ་གཏན་དགའ་བའི་བདེ་བ་མྱོང་། །བསྐལ་པ་བྱེ་བ་དགུ་བཅུར་ཡང་། །དེ་དག་ལྷ་མིར་འཁོར་འཁོར་ནས། །རང་རང་ཞིང་རྣམས་
D60.042.0053b03.01སྣ་ཚོགས་སུ། །བྱང་ཆུབ་རྣམ་པར་འཚང་རྒྱར་འགྱུར། །རྟག་ཏུ་སྣང་བའི་བསྐལ་པ་ལ། །མི་ཡི་སེང་གེ་འཇིག་རྟེན་མགོན། །ཆགས་མེད་ཡེ་ཤེས་མཐོང་དཔག་ཡས། །སྟོབས་བཅུ་གཟི་བརྗིད་མཐའ་ཡས་འགྱུར། །དེ་དག་ཞིང་དུ་སེམས་ཅན་གང་། །ཡོངས་སུ་མ་སྨིན་འགའ་
D60.042.0053b04.01མི་སྐྱེ། །ཉན་ཐོས་ཐེག་པས་གང་བྱུང་བ། །ཀུན་ཀྱང་སྲིད་པ་ཐ་མ་པ། །མི་ཡི་སེང་གེའི་ཞིང་(དར་,དེར་)ནི། །བྱང་ཆུབ་སེམས་དཔའ་གང་སྐྱེ་བ། །དེ་དག་ཚེ་གཅིག་ཐོགས་པ་སྟེ། །མི་མཆོག་བྱང་ཆུབ་ཐོབ་པར་འགྱུར། །གང་དག་གཙོ་བོར་གྱུར་པ་རྣམས། །བདག་ཅག་དཔག་
D60.042.0053b05.01མེད་སངས་རྒྱས་ཞིང་། །ཡོངས་སུ་སྦྱང་བར་བྱའོ་ཞེས། །དེ་འདྲའི་བསམ་པས་རབ་ཏུ་ཞུགས། །སེམས་ཅན་རླབས་ཆེན་དེ་དག་ནི། །སྨོན་ལམ་རྒྱ་ཆེན་ཡུན་རིང་བཏབ། །དེ་དག་འདི་ནས་ཤི་འཕོས་ནས། །བསམ་པས་རང་ཞིང་རྣམ་པར་སྦྱོང་། །ཉོན་མོངས་འཇོམས་པ་དེ་
D60.042.0053b06.01དག་གི །ཞིང་གི་བཀོད་པར་འགྱུར་བ་ནི། །དགའ་ལྡན་གནས་ཀྱི་ལོངས་སྤྱོད་རྣམས། །ངན་སོང་ཀུན་ཀྱང་ཡོངས་སུ་དག །དེ་དག་ཞིང་དུ་རྣམ་ཀུན་ཏུ། །མི་ཁོམ་གང་ཡང་འབྱུང་མི་འགྱུར། །ཞིང་རྣམས་ཡོངས་སྦྱངས་དེ་དག་ནི། །སེམས་ཅན་རྣམས་ཀྱང་བདེ་བར་འདྲེན། །
D60.042.0053b07.01