完整藏文原文 · 德格版页 当前仅加载第 42 函德格 24a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་སྒྲ་ཐོས་པར་གྱུར་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །དེ་ལྟར་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཅོམ་ལྡན་འདས་ལ་ལན་གསུམ་བསྐོར་བ་བྱས་པའི་ཚེ་ལྷ་མ་ཡིན་གྱི་བུ་མོ་བརྒྱ་
D60.042.0024a01.01སྟོང་དག་བཅོམ་ལྡན་འདས་ལ་མཆོད་པ་བྱ་བ་དང་། ལྷ་མ་ཡིན་གྱི་དབང་པོ་ཐགས་ཟངས་རིས་ཀྱི་འཁོར་བྱ་བའི་ཕྱིར་ལ་ལ་ནི་གླུ་ལེན། ལ་ལ་ནི་སིལ་སྙན་བྱེད། ལ་ལ་ནི་གར་བྱེད། ལ་ལ་ནི་ལུས་ཀྱི་ཚུལ་སྒྱུར། ལ་ལ་ནི་ཙན་དན་དང་། ཨུད་པ་ལ་དང་། ཨ་ག་རུ་
D60.042.0024a02.01དང་། ཏ་མ་ལའི་ལོ་མའི་ཕྱེ་མ་འཐོར། ལ་ལ་ནི་ལྷའི་མེ་ཏོག་མན་དཱ་ར་བ་དང་། མན་དཱ་ར་བ་ཆེན་པོ་དང་། མན་ཛུ་ཥ་ཀ་དང་། མན་ཛུ་ཥ་ཀ་ཆེན་པོ་དང་། པ་རུ་ཥ་ཀ་དང་། པ་རུ་ཥ་ཀ་ཆེན་པོ་དང་། མདོག་དཀར་དང་། མདོག་དཀར་ཆེན་པོ་དང་། སྐྱ་སྣར་དང་། སྐྱ་སྣར་
D60.042.0024a03.01ཆེན་པོ་དང་། སྐྱ་སྣར་ཁྲ་བོ་དང་། སྐྱ་སྣར་བཀྲ་ཆེན་དང་། སྤྲུལ་པའི་མེ་ཏོག་རྣམས་དང་། གསེར་དང་། དངུལ་དང་། བཻ་དཱུརྱ་དང་། ཤེལ་དང་། སྦུག་དང་། རྡོའི་སྙིང་པོ་དང་། མུ་ཏིག་དམར་པོ་དང་རིན་པོ་ཆེ་ཐམས་ཅད་ཀྱི་མེ་ཏོག་རྣམས་འཐོར་ཞིང་བཅོམ་ལྡན་འདས་ལ་མངོན་པར་
D60.042.0024a04.01འཐོར་རོ། །ལ་ལ་ནི་ན་བཟའ་དང་། རྐང་གདུབ་དང་། སྐུ་རགས་དང་། ཕྱག་གི་རྒྱན་དང་། སོར་གདུབ་དང་། གདུ་བུ་དང་། གདུ་བུ་ཐམ་པ་དང་། དབུ་རྒྱན་རྩེ་གསུམ་པ་དང་། དཔུང་རྒྱན་དང་། ཅོད་པན་དང་། གསེར་སྐུད་དང་། མུ་ཏིག་གི་ཕྲེང་བ་དང་། ནོར་བུའི་དོ་ཤལ་དང་། སེ་མོ་དོ་དང་།
D60.042.0024a05.01གྱ་དོ་དང་། མགུལ་རྒྱན་སྣ་ཚོགས་དང་། རྣ་ཆ་དང་། རྣ་ཆ་གདུབ་ཀོར་དང་། ཚོང་ཚོང་གཤིབས་པ་དང་། མགོ་རྒྱན་དང་། ཕྲེང་བའི་ལྡ་ལྡི་དང་། སྤོས་ཀྱི་ལྡ་ལྡི་དང་། ནོར་བུའི་ལྡ་ལྡི་དག་འཐོར་ཞིང་མེ་ཏོག་གི་བླ་རེ་དང་། སྤོས་ཀྱི་བླ་རེ་དང་། ནོར་བུའི་བླ་རེ་དག་ཐོགས་སོ། །ལ་ལ་ནི་སྤོས་
D60.042.0024a06.01ཆུའི་ཆར་འབེབས་སོ། །ལ་ལ་ནི་ཕྱེ་མའི་ཆར་འབེབས་སོ། །ལ་ལ་ནི་མུ་ཏིག་དམར་པོས་སྙིམ་པ་བཀང་སྟེ། བཅོམ་ལྡན་འདས་ལ་མངོན་པར་འཐོར་རོ། །ལ་ལ་ནི་རིན་པོ་ཆེས་སྙིམ་པ་བཀང་། ལ་ལ་ནི་གསེར་གྱིས་སྙིམ་པ་བཀང་སྟེ། བཅོམ་ལྡན་འདས་ལ་མངོན་པར་འཐོར་རོ། །ཚིགས་སུ་
D60.042.0024a07.01