完整藏文原文 · 德格版页 当前仅加载第 42 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ན་ཆོས་གང་ཡང་འཇིག་རྟེན་འདི་ནས་འཇིག་རྟེན་ཕ་རོལ་ཏུ་འཕོ་བ་ཡང་མེད་ལ། འཆི་འཕོ་དང་སྐྱེ་བར་མངོན་པ་ཡང་ཡོད་དེ། །རྒྱལ་པོ་ཆེན་པོ་རྣམ་པར་ཤེས་པ་ཐ་མ་དེ་ནས་རྣམ་པར་ཤེས་པ་དང་པོའི་བར་དུ་སྐྱེ་བའི་ཚེ་ཡང་གང་ནས་ཀྱང་མི་འོང་། འགག་པའི་ཚེ་
D60.042.0150a01.01ཡང་གང་དུ་ཡང་མི་འགྲོའོ། །དེ་ཅིའི་ཕྱིར་ཞེ་ན། ངོ་བོ་ཉིད་ཀྱིས་སྟོང་པའི་ཕྱིར་ཏེ། རྣམ་པར་ཤེས་པ་ཐ་མ་ནི་རྣམ་པར་ཤེས་པ་ཐ་མའི་རང་བཞིན་གྱིས་སྟོང་པ་ནས། འཁོར་བའི་བར་དུ་ནི་འཁོར་བའི་རང་བཞིན་གྱིས་སྟོང་། མྱ་ངན་ལས་འདས་པ་ཡང་མྱ་ངན་ལས་འདས་པའི་རང་བཞིན་གྱིས་སྟོང་།
D60.042.0150a02.01ཆོས་ཐམས་ཅད་ཀྱང་ཆོས་ཐམས་ཅད་ཀྱི་རང་བཞིན་གྱིས་སྟོང་སྟེ། འདི་ནི་རྣམ་པར་ཐར་པའི་སྒོ་སྟོང་པ་ཉིད་དོ། །གང་སྟོང་པ་ཉིད་ཀྱི་མཚན་མས་སྟོང་པ་འདི་ནི་རྣམ་པར་ཐར་པའི་སྒོ་མཚན་མ་མེད་པའོ། །གང་ལ་མཚན་མ་མེད་པ་དེ་ལ་སྨོན་པ་མེད་དེ། འདི་ནི་རྣམ་པར་ཐར་པའི་
D60.042.0150a03.01སྒོ་སྨོན་པ་མེད་པའོ། །རྒྱལ་པོ་ཆེན་པོ་དེ་ལྟར་ཆོས་ཐམས་ཅད་ནི་རྣམ་པར་ཐར་པའི་སྒོ་སྟེ། སྟོང་པ་ཉིད་དུ་ཡང་དག་པར་འདུ་བ། མཚན་མ་མེད་པའི་ངོ་བོ་ཉིད། སྨོན་པ་དང་བྲལ་བ། མྱ་ངན་ལས་འདས་པ་ལ་གཞོལ་བ་ཆོས་ཀྱི་དབྱིངས་སུ་ངེས་པ། ནམ་མཁའི་ཁམས་ཀྱི་མཐས་གཏུགས་
D60.042.0150a04.01པའོ། །རྒྱལ་པོ་ཆེན་པོ་འདི་ལྟ་སྟེ་དཔེར་ན་མི་ཞིག་ཉལ་བའི་རྨི་ལམ་ན་ཆང་གིས་ར་རོ་སྟེ་བདག་ཉིད་ཤིན་ཏུ་གཏི་མུག་པར་གྱུར་ནས་དེ་དེ་ན་དགེ་བ་ཡང་མི་ཤེས། མི་དགེ་བ་ཡང་མི་ཤེས། ཁ་ན་མ་ཐོ་བ་དང་བཅས་པ་ཡང་མི་ཤེས། ཁ་ན་མ་ཐོ་བ་མེད་པ་ཡང་མི་ཤེས། ཕན་པ་ཡང་མི་ཤེས།
D60.042.0150a05.01གནོད་པ་ཡང་མི་ཤེས། ཡོན་ཏན་དང་ཉེས་པ་ཡང་རྣམ་པ་ཐམས་ཅད་དུ་མི་ཤེས་པར་གྱུར་པ་ཞིག་རྨིས་ལ། དེ་ཉལ་བ་ལས་སད་ནས་ཆང་གིས་ར་རོ་བའི་གཏི་མུག་དེ་དྲན་པར་གྱུར་ན། རྒྱལ་པོ་ཆེན་པོ་དེ་ཇི་སྙམ་དུ་སེམས། རྨི་ལམ་ན་མཐོང་བའི་ཆང་གིས་ར་རོ་ཞིང་གཏི་མུག་པ་དེ་ཡོད་དམ།
D60.042.0150a06.01གསོལ་པ། བཅོམ་ལྡན་འདས་དེ་ནི་མ་མཆིས་སོ། །བཀའ་སྩལ་པ། རྒྱལ་པོ་ཆེན་པོ་དེ་ཇི་སྙམ་དུ་སེམས། འོ་ན་རྨི་ལམ་གྱི་ཆང་གིས་ར་རོ་བ་ལ་མངོན་པར་ཞེན་པ་དེ་མཁས་པའི་རང་བཞིན་ཅན་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་ཏེ། དེ་ཅིའི་སླད་དུ་ཞེ་ན།
D60.042.0150a07.01