完整藏文原文 · 德格版页 当前仅加载第 42 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་མ་སྙེད་ན་སེམས་ཅན་གང་ཇི་སྙེད་ཅིག་འཁོད་པ་དེ་དག་ཐམས་ཅད་མིའི་ལུས་ཐོབ་པར་གྱུར་ཏེ། ལྷ་མ་ཡིན་གྱི་མཆོད་པ་ཇི་སྙེད་པ་དེ་སྙེད་དུ་སེམས་ཅན་རེ་རེས་བསྐལ་པ་གང་གཱའི་ཀླུང་གི་བྱེ་མ་སྙེད་དུ་མཆོད་པ་བྱས་ཀྱང་དེ་དག་གི་ཐུགས་བསྐྱེད་པ་གཅིག་ལ་ཡང་ལན་ལོན་པར་མི་
D60.042.0029a01.01ནུས་སོ་སྙམ་མོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་ཏིང་ངེ་འཛིན་དེ་ལས་ལངས་ཏེ། ངོ་མཚར་དང་དད་པ་ཐོབ་པར་གྱུར་ནས་དེའི་ཚེ་བཅོམ་ལྡན་འདས་ལ་ཚིགས་སུ་བཅད་དེ་མངོན་པར་བསྟོད་པ། ཐུབ་པ་བྱང་ཆུབ་གཞོལ་བ་ཡི། །ཐུགས་བསྐྱེད་པ་ནི་རེ་རེ་ལའང་། །ལྷ་མ་ཡིན་གྱི་མཆོད་པ་
D60.042.0029a02.01འདིས། །ཆ་ཙམ་མི་སྤྱོད་མིའི་སེང་གེ །དེ་ལྟའི་ཡོན་ཏན་མཐར་ཕྱིན་ཏེ། །ལྷ་དང་མི་ཡིས་མཆོད་གྱུར་པ། །ཙན་དན་ཕུར་མ་རི་རབ་ཙམ། །མི་མཆོག་ཁྱོད་ལ་མཆོད་པར་འོས། །མི་ཡི་སེང་གེ་ཁྱོད་ལ་ནི། །གང་གཱའི་བྱེ་མ་ཆེས་མང་བའི། །རྒྱ་མཚོ་རབ་ཏུ་བཀང་བ་ཡི། །སྤོས་ཆུ་དག་གི་
D60.042.0029a03.01མཆོད་པར་འོས། །ཡོན་ཏན་ཆེན་པོ་མངའ་བ་ལ། །གང་གཱའི་བྱེ་མ་ཆེས་མང་བའི། །མེ་ཏོག་ཚོགས་ནི་རི་བོ་མཆོག །ཁོར་ཡུག་ཆེན་པོ་མཉམ་མཆོད་འོས། །རྒྱལ་བ་སྒྲོན་མ་རང་བྱུང་བ། །མར་མེའི་སྙིང་པོ་རི་རབ་ཙམ། །འབྲུ་མར་རྒྱ་མཚོའི་ཆུ་སྙེད་ཀྱི། །མར་མེ་རྣམས་ཀྱིས་མཆོད་པར་
D60.042.0029a04.01འོས། །མཐུ་ཆེན་མངའ་བ་དེ་ལྟ་བུར། །ཡོན་ཏན་ཕ་རོལ་ཕྱིན་གྱུར་བ། །གང་གཱའི་བྱེ་མ་ཆེས་མང་བའི། །མེ་ཏོག་མཆོད་རྟེན་མཆོད་པར་འོས། །མི་དབང་མཆོད་པས་ཐུགས་བརྩེ་བ། །རིན་ཆེན་གདུགས་ནི་ཆེ་རྣམས་ཀྱིས། །བསྐལ་པ་ཁྲག་ཁྲིག་རྣམས་སུ་ཡང་། །སེམས་ཅན་མཆོག་
D60.042.0029a05.01ལ་མཆོད་པར་འོས། །ཡོན་ཏན་མཐའ་ཡས་མངའ་བ་ཁྱོད། །རིན་པོ་ཆེ་ཡི་རྒྱལ་མཚན་གྱིས། །ཕྱོགས་བཅུའི་འཇིག་རྟེན་ཁམས་བཀང་སྟེ། །བསྐལ་པ་བསམ་ཡས་མཆོད་པར་འོས། །མི་ཡི་སེང་གེ་ཁྱོད་ལ་ནི། །བསྐལ་པ་ཁྲག་ཁྲིག་དཔག་མེད་པར། །གང་གཱའི་བྱེ་མ་ཆེས་མང་བའི། །
D60.042.0029a06.01བ་དན་ཚོགས་ཀྱིས་མཆོད་པར་འོས། །དྲང་སྲོང་ཆེན་པོ་སྨྲ་བའི་སྟག །ལྷ་རྣམས་དང་ནི་མི་དག་དང་། །གཞན་ཡང་སེམས་ཅན་གང་ཚོགས་པ། །བརྟག་བཟུང་དཔེ་ལ་གསན་དུ་གསོལ། །གལ་ཏེ་གང་གཱའི་བྱེ་སྙེད་ཀྱི། །ཕྱོགས་བཅུའི་འཇིག་རྟེན་ཁམས་རྣམས་ཀྱི། །སེམས་ཅན་ཐམས་
D60.042.0029a07.01