完整藏文原文 · 德格版页 当前仅加载第 42 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏོ། །རྒྱལ་པོ་ཆེན་པོ་གཞན་ཡང་རྒྱལ་པོ་གྲགས་པ་མཐའ་ཡས་དེས་ཡང་བདག་གི་དགེ་བའི་རྩ་བའི་སྟོབས་བསྐྱེད་པ་ལ་བརྟག་པར་འདོད་ནས་འདི་སྙམ་དུ་བསམས་ཏེ། ཀྱེ་མ་བདག་གི་གླིང་ཆེན་པོ་བཞི་པའི་འཇིག་རྟེན་གྱི་ཁམས་འདི་ན་སེམས་ཅན་འཁོད་པ་འདི་དག་
D60.042.0152a01.01ཐམས་ཅད་གནོད་པ་ཐམས་ཅད་རྒྱུན་ཆད་པར་གྱུར་ཏེ། ཡིད་ལ་བསམ་པ་དོན་ཡོད་པར་གྱུར་ཅིག་སྙམ་པ་དང་། རྒྱལ་པོ་གྲགས་པ་མཐའ་ཡས་ཀྱིས་སེམས་བསྐྱེད་མ་ཐག་ཏུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ན་སེམས་ཅན་གང་ཇི་སྙེད་ཅིག་འཁོད་པ་དེ་དག་ཐམས་ཅད་གནོད་པ་ཐམས་ཅད་
D60.042.0152a02.01རྒྱུན་ཆད་དེ་ཡིད་ལ་བསམ་པ་ཐམས་ཅད་དོན་ཡོད་པར་གྱུར་ཏོ། །རྒྱལ་པོ་ཆེན་པོ་གཞན་ཡང་རྒྱལ་པོ་གྲགས་པ་མཐའ་ཡས་ཀྱིས་བདག་གི་དགེ་བའི་རྩ་བའི་སྟོབས་བསྐྱེད་པ་ལ་བརྟག་པར་འདོད་ནས་འདི་སྙམ་དུ་བསམས་ཏེ། ཀྱེ་མ་བདག་གི་གླིང་ཆེན་པོ་བཞི་པའི་འཇིག་རྟེན་གྱི་ཁམས་འདིར་སྤོས་ཆུའི་
D60.042.0152a03.01ཆར་རབ་ཏུ་འབབ་པར་གྱུར་ཅིག་སྙམ་པ་དང་། རྒྱལ་པོ་ཆེན་པོ་རྒྱལ་པོ་གྲགས་པ་མཐའ་ཡས་ཀྱིས་སེམས་བསྐྱེད་མ་ཐག་ཏུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་ཐམས་ཅད་དུ་སྤོས་ཆུའི་ཆར་རབ་ཏུ་བབ་པར་གྱུར་ཏོ། །རྒྱལ་པོ་ཆེན་པོ་དེ་ནས་ཡང་རྒྱལ་པོ་གྲགས་པ་མཐའ་ཡས་ཀྱིས་བདག་གི་དགེ་བའི་རྩ་
D60.042.0152a04.01བའི་སྟོབས་བསྐྱེད་པ་ལ་རྒྱ་ཆེར་བརྟག་པར་འདོད་ནས་འདི་སྙམ་དུ་བསམས་ཏེ། ཀྱེ་མ་བདག་གི་གླིང་ཆེན་པོ་བཞི་པའི་འཇིག་རྟེན་གྱི་ཁམས་འདིར་མེ་ཏོག་གི་ཆར་རབ་ཏུ་འབབ་པར་གྱུར་ཅིག་སྙམ་པ་དང་། རྒྱལ་པོ་ཆེན་པོ་རྒྱལ་པོ་གྲགས་པ་མཐའ་ཡས་ཀྱིས་སེམས་བསྐྱེད་མ་ཐག་ཏུ་གླིང་ཆེན་པོ་བཞི་
D60.042.0152a05.01པའི་འཇིག་རྟེན་གྱི་ཁམས་ཐམས་ཅད་དུ་མེ་ཏོག་གི་ཆར་རབ་ཏུ་བབ་པར་གྱུར་ཏོ། །རྒྱལ་པོ་ཆེན་པོ་གཞན་ཡང་རྒྱལ་པོ་གྲགས་པ་མཐའ་ཡས་ཀྱིས་འདི་སྙམ་དུ་བསམས་ཏེ། ཀྱེ་མ་བདག་གི་གླིང་ཆེན་པོ་བཞི་པའི་འཇིག་རྟེན་གྱི་ཁམས་འདིར་ལྷའི་གོས་ཀྱི་ཆར་དང་། དབྱིག་གི་ཆར་དང་། གསེར་
D60.042.0152a06.01གྱི་ཆར་དང་། རིན་པོ་ཆེ་སྣ་ཚོགས་ཀྱི་ཆར་དང་། ཡོ་བྱད་ཐམས་ཅད་ཀྱི་ཆར་རབ་ཏུ་འབབ་པར་གྱུར་ཅིག་སྙམ་པ་དང་། རྒྱལ་པོ་ཆེན་པོ་རྒྱལ་པོ་གྲགས་པ་མཐའ་ཡས་ཀྱིས་སེམས་བསྐྱེད་མ་ཐག་ཏུ་འདི་ལྟར་སེམས་ཅན་ཐམས་ཅད་དང་ཐུན་མོང་དུ་བསགས་པའི་དགེ་བའི་རྩ་བ་ཡངས་པ་དང་ལྡན་
D60.042.0152a07.01