完整藏文原文 · 德格版页 当前仅加载第 42 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ཀླུ་ཡི་བུ་མོ་མཁས་པ་དེ་དག་ཡི་རངས་དགའ་མགུ་ཡིད་ཀྱིས་སུ། །བྱང་ཆུབ་ཞི་བ་ཚོལ་ཞིང་ཤཱཀྱ་ཐུབ་ལ་དེར་ནི་མཆོད་པ་ཆེན་པོ་བྱས། །རྒྱན་གྱིས་ལེགས་བརྒྱན་བྱེ་བ་དགུ་བཅུ་དྲུག་གི་གདུགས་རྣམས་མངོན་སྤྲུལ་ཏེ། །བདེ་བར་གཤེགས་པ་མཆོད་ཅིང་རབ་ཏུ་
D60.042.0037a01.01དུལ་བའི་ཡིད་ཀྱིས་ཆགས་དང་བྲལ། །རྒྱན་གྱིས་ལེགས་བརྒྱན་བྱེ་བ་དགུ་བཅུ་དྲུག་གི་རྟ་རྣམས་མངོན་སྤྲུལ་ཏེ། །ཁ་དོག་སྔོ་ཞིང་རྒྱན་ཡང་སྔོ་བའི་རྟ་ལ་རྒྱལ་མཚན་སྔོན་པོས་བརྒྱན། །དེ་དག་ཐམས་ཅད་བར་སྣང་དོང་ནས་ཐུབ་ལ་རྟ་ཡིས་མཆོད་པ་བྱེད། །ཀླུ་ཡི་བུ་མོ་
D60.042.0037a02.01དེ་དག་དང་བའི་ཡིད་ཀྱིས་ཐུབ་ལ་མགོས་ཕྱག་འཚལ། །མཆོག་ལ་མཆོད་པའི་དོན་དུ་ཀླུ་ཡི་གནས་ནས་ཀླུ་ཡི་སིལ་སྙན་གྱིས། །མཆོད་པའི་འོས་གྱུར་འདྲེན་པ་ཤཱཀྱ་ཐུབ་ལ་དེར་ནི་མཆོད་པ་བྱས། །སིལ་སྙན་དེ་དག་བདེ་བར་གཤེགས་ལ་མཆོད་པའི་སྒྲ་དེ་ཁམས་གསུམ་
D60.042.0037a03.01གྲག །སྒྲ་དེ་ཐོས་པའི་སེམས་ཅན་ཁྲག་ཁྲིག་དག་ནི་བྱང་ཆུབ་ཡང་དག་ཞུགས། །དེ་དག་རྣམས་ཀྱིས་དེར་སྤྲུལ་མཁའ་ལ་བླ་རེ་ཆེན་པོ་གཅིག་ཏུ་གྱུར། །ཕྱོགས་བཅུའི་དཔག་ཚད་དྲུག་ཅུར་རྒྱས་ཤིང་འགྲོ་བ་ཐམས་ཅད་ཁེབས་པར་གྱུར། །ནོར་བུ་རིན་ཆེན་སྐར་མའི་
D60.042.0037a04.01མདོག་གི་གཟི་བརྗིད་ཕྱོགས་སུ་འབར་ཞིང་གསལ། །ཀླུ་ཡི་བུ་མོ་དགའ་ནས་འགྲོ་བའི་དོན་དུ་རྒྱལ་ལ་མཆོད་པ་བྱས། །གཞལ་དུ་མེད་པའི་སེམས་བསྐྱེད་དགའ་ནས་བྱང་ཆུབ་ཞི་བ་ཚོལ་བྱེད་ཅིང་། །འཇིག་རྟེན་དོན་བྱེད་བདེ་གཤེགས་སངས་རྒྱས་འཇིག་རྟེན་མཁས་པ་
D60.042.0037a05.01གྲུབ་པར་ཤོག །ཇི་ལྟར་སྟོབས་བཅུ་མངའ་བ་ཁྱོད་ནི་སེམས་ཅན་སྡུག་བསྔལ་འགྲོལ་བ་ལྟར། །ཆོས་ཀྱང་བསྟན་ཏེ་སེམས་ཅན་ཉོན་མོངས་སྡུག་བསྔལ་བསྒྲིབས་པ་ཁྲག་ཁྲིག་དགྲོལ། །ཆོས་རྣམས་སྒྱུ་མ་སྨིག་རྒྱུ་འདྲ་ཞིང་དབུ་བ་ལྟ་བུར་ཉམ་ཆུང་ལ། །ཆར་རྒྱུན་ཆུ་
D60.042.0037a06.01ལ་ཕོག་པའི་ཆུ་བུར་ལྟ་བུར་འཇིག་ཅིང་བདག་པོ་མེད། །མེ་ལོང་ནང་གི་གཟུགས་བརྙན་འདྲ་བར་འགྲོ་བ་ཐམས་ཅད་བརྟགས་ནས་ནི། །འགྲོ་བ་དག་ལ་ཆོས་ཀྱི་རང་བཞིན་ཡང་དག་དེ་ཉིད་བསྟན་པར་བགྱི །སྒྱུ་མ་བཀོད་པ་ལྟ་བུར་མ་མཆིས་{བརྫུན་,རྫུན་}པ་བྱིས་པ་རྨོངས་བགྱིད་པ། །
D60.042.0037a07.01