完整藏文原文 · 德格版页 当前仅加载第 42 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
བཤིག །མིང་དང་གཟུགས་ཀྱང་གསོག་འདྲ་ཞིང་། །ཁམས་རྣམས་དང་ནི་སྐྱེ་མཆེད་དག །བདག་མེད་སྟོང་པར་རྣམ་པར་བཤིག །ཆོས་གང་དང་ནི་མིང་གང་གིས། །ཆོས་གང་མངོན་པར་བརྗོད་བགྱི་བ། །ཆོས་དེ་ཆོས་དེས་སྟོང་པ་སྟེ། །ཐུབ་པ་ཁྱོད་ཀྱིས་སྟོང་པར་
D60.042.0056b01.01བསྟན། །སྒྱུ་མའི་མཁན་པོས་མེད་པ་ལ། །སྐྱེ་བོའི་ཚོགས་ཆེན་མངོན་སྤྲུལ་ན། །དེ་ལ་སེམས་ཅན་གདགས་མ་མཆིས། །སྲོག་དང་གང་ཟག་མ་མཆིས་ལྟར། །དེ་བཞིན་ཕུང་པོ་ཁམས་རྣམས་དང་། །དབང་པོ་དག་དང་སྐྱེ་མཆེད་ཀྱང་། །ཡང་དག་མ་ཡིན་སྒྱུ་མ་(ཞས་,ཞེས་)། །
D60.042.0056b02.01སྐྱེས་བུ་དམ་པས་བསྟན་པ་མཛད། །ཇི་ལྟར་རི་མོ་མཁན་ཞིག་གིས། །བུད་མེད་གཟུགས་ནི་རྣམ་བྲིས་ཤིང་། །མཉམ་པ་དང་ནི་མི་མཉམ་དང་། །ལྕི་དང་ཡང་བ་བསྟན་བགྱིས་ཀྱང་། །བྱིས་པའི་མིག་ནི་བསླུས་པ་སྟེ། །དེ་ལ་མི་མཉམ་ཅི་མ་མཆིས། །དེ་བཞིན་ཆོས་དབྱིངས་
D60.042.0056b03.01མཉམ་ལགས་ན། །བྱིས་པ་རྣམས་ནི་དེ་ལ་རྨོངས། །གང་ཤེས་ཁྱོད་ཀྱི་བསླབ་པ་ལ། །ལེགས་བསླབས་རྨོངས་པར་མི་འགྱུར་བ། །ལག་མཐིལ་སྐྱུ་རུ་ར་བཞིན་དུ། །དེ་ནི་ཀུན་མཁྱེན་ཁྱོད་ཀྱིས་བསྟན། །ཤེས་རབ་ཆེན་པོ་ཁྱོད་ཀྱིས་ནི། །ཡེ་ཤེས་སྒྲོན་མ་རབ་བུས་ཏེ། །ཆོས་ཀྱི་
D60.042.0056b04.01འཁོར་ལོ་རབ་བསྐོར་ནས། །སེམས་ཅན་རྣམས་ལ་ཆོས་བསྟན་པ། །དེ་ལྟར་བདག་ཅག་མྱུར་དུ་ནི། །བླ་མེད་བྱང་ཆུབ་ཞི་ཐོབ་སྟེ། །ཇི་ལྟར་འདྲེན་པ་ཁྱོད་བཞིན་དུ། །ཆོས་ཀྱི་འཁོར་ལོ་བསྐོར་བར་བགྱི། །འཁོར་བའི་ལམ་ལོག་འདི་དག་ཏུ། །འཁྱམས་པར་གྱུར་པའི་
D60.042.0056b05.01སེམས་ཅན་ལ། །ཇི་ལྟར་འདྲེན་པས་བསྟན་པ་བཞིན། །བདག་ཅག་གིས་ཀྱང་ཆོས་མྱུར་བསྟན། །དེ་ནས་བཅོམ་ལྡན་འདས་ཀྱིས་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ལྷག་པའི་བསམ་པ་ཐུགས་སུ་ཆུད་ནས་འཛུམ་པ་མཛད་དོ། །དེ་ནས་ཚེ་དང་ལྡན་པ་རྟ་ཐུལ་གྱིས། བཅོམ་
D60.042.0056b06.01ལྡན་འདས་ལ་ཚིགས་སུ་བཅད་དེ་གསོལ་པ། རྒྱུ་མ་མཆིས་པར་རྫོགས་སངས་རྒྱས། །འདྲེན་པ་འཛུམ་པ་མི་མཛད་ན། །འཛུམ་པ་མཛད་པའི་འཛུམ་གྱི་རྒྱུ། །དཔའ་བོ་ཆེན་པོས་ལུང་བསྟན་གསོལ། །སྐྱེས་བུ་དམ་པ་འཁོར་འདི་དག །བདེ་གཤེགས་དེང་བཞད་མཐོང་ནས་
D60.042.0056b07.01